Dink net... jy het n stokperdjie só groot, dit neem reeds twee kamers in beslag, en ‘n derde word stadig maar seker ook omgeskakel. Mariska Spoormaker het by Baaienaar Amie van Rooyen gaan kuier en op ‘n wêreld van modeltreine afgekom.

Coen Basson gesels met Martelize Brink oor sy aanslag tot skryf.

By 'n klein wildsplaas op die pad tussen Oudtshoorn en George, het Haidee Muller-Isaacs se paaie gekruis met dié van Marietjie Vermeulen. Sy het sommer ook meer uitgevind van Sheila die kameelperd, wat ook op die plaas woon.

Christelle Colman gesels met Martelize Brink oor trofeebome, supertuine en versekering daarvoor.

Akteur Armand Aucamp gesels met Johan Rademan en Martelize Brink oor sy ysters in die vuur.

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se nuwe reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. In ons A-aflewering bespreek Niek van den Berg, Riaan Lindeque en Eduan Basson van HGG Finansiële Groep se Welvaart sake-eenheid, en prof. JP Smit verbonde aan Stellenbosch Universiteit, die begrippe aandeel, annuïteit, aftrede en arbitrage. Hulle lig dit toe met wenke en nuttige verbruikersinligting. hggroep.co.za

Dr. Beatri Kruger praat oor mensehandel aan die hand van onlangse hofsake.

Kauthar Tofah vertel vir Johan Rademan en Martelize Brink van die pad wat sy en haar seun, Aashiq, al vir 19 jaar stap met die Rooikruis Kinderhospitaal.

Wanneer jy weer in die Baai is, gaan ry 'n bietjie rond in Forest Hill, want daar sal jy Garth de Reuck, ‘n pensioentrekker, sien strate vee en sypaadjies skoonhou. Aan die plaaslike koerantjie het hy gesê hy doen dit want hy wil nie heeldag sit en televisie kyk nie. Mariska Spoormaker het hom in Forest Hill gaan soek, en toe vertel Mercia Barnard, ‘n Forest Hiller, hierdie vir haar…

Dr. JJ van Zyl vertel wat die impak van sonstorms is op tegnologie soos GPS, die internet en ander kommunikasiestelsels.