Driesestig

Brenda Marks het ‘n meestersgraad in chemie. Sy het onlangs in Montagu as analitiese chemikus begin om die inhoud van onder andere cannabis-ekstrakte te ontleed. Die toekoms van cannabis se rol op medisinale vlak is nog in 'n groot mate ongetoets. ‘n Skouerbesering as rotsklimmer het die wêreld vir haar oopgemaak. Johan Rademan het met Brenda gesels.

Botha Kruger vertel vir Johan Rademan en Martelize Brink van die vakmanskap by die Olimpiese Spele - van die tradisionele ontwerpe op die medaljes se linte tot 'n pa en seun ikoniese geboue ontwerp het vir die twee Spele wat in Japan aangebied is.

Prof. Quentin Williams vertel vir Johan Rademan en Martelize Brink van 'n projek om die eerste drietalige woorde boek vir Kaaps saam te stel.

Kommunukasie-minister Stella Ndabeni-Abrahams gesels met Martelize Brink oor die SABC se 85ste bestaansjaar.

Haidee Muller-Isaacs praat met spraakterapeut Inge Burger oor spraak en taalontwikkeling by jong kinders, en wanneer ouers bekommerd moet wees.

Mareli du Toit vertel vir Martelize Brink van Cape Town Cares wat sorg dat Kaapstad, wat tydens die droogte skenkings ontvang het, nou weer skenk waar die nood groot is ná die onrus in KwaZulu-Natal.

Chris Cloete en Roslyn Peterson gesels oor Greyton, Kwêla se dorp van die jaar.

Saskia Brown vertel van 'n toepassing waarmee kampeerders kampgeriewe op private grond kan ontdek.

Derek van der Merwe gesels met Martelize Brink oor wildehondbeskermingsprojekte.

Grasdakke word met strooi, riete en ‘n paar ander plantmateriale gelê, wat sorg dat water nie deur die dak kan dring nie. Dis ‘n baie ou manier van dakke bou, wat in sowel tropiese as gematigde klimate gebruik word. In ontwikkelende lande word dit veral baie deur bouers gebruik. In teenstelling daarmee kies welaf mense in ontwikkelde lande grasdakke vir die rustieke voorkoms, of omdat dit ekovriendelik is. Jacqui January gesels met Brandon Ferreira wat al vir jare grasdakke doen. Hy vertel van die gebruik van die woord, lapa, vir ‘n grasdak.