Driesestig

Prokureur Nadine Blom praat oor ouers se misbruik van kinders as 'n vorm van mensehandel.

Johan Rademan besoek die grootste kokerboomwoud in die wêreld op die plaas, Gannabos, naby Niewoudtville, waar Mike Spies hom meer van dié besondere bome vertel.

Veearts dr. Ingrid de Wet verduidelik hoe om troeteldiere voor te berei om saam met jou na 'n nuwe huis te verhuis.

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Hendrik Gerryts, die uitvoerende hoof van HGG Finansiële Groep, en Jaco Minnie, 'n prokureur en aktebesorger verbonde aan die regsfirma Miller Bosman Le Roux, is die kundiges wat uitweë uit geldverknorsing bied. Hulle bespreek onder meer skuldberading, sakeredding, insolvensie en likwidasie en ook die gepaardgaande regsproses. hggroep.co.za

Hein Fourie praat oor die vermindering van organiese materiaal wat na stortingsterreine mag gaan.

Haar liggaam is vanoggend baie seer en gedaan. Martelize Brink gesels met een van Suid-Afrika se Olimpiese silwermedaljewenners, Bianca Buitendag, oor haar prestasie en die pad vorentoe.

Die hoogste getal bendelede per vierkante meter in die hele Oos-Kaap kry jy blykbaar in Helenvale in die Baai se noordelike voorstede. Maar daar is ook hoop vir Helenvale, sê Jerry Eldridge, sosiale fasiliteerder van die Mandelabaai Ontwikkelingsagentskap wat verskeie verbeteringsprojekte in dié gebied implimenteer. Die uitgangspunt is om hoop en verbetering mee te bring deur samewerking met die gemeenskap, eerder as konfrontasie met bendelede en misdadigers. Jerry skets die agtergrond van Helenvale aan Mariska Spoormaker.

Botha Kruger gesels met Johan Rademan en Martelize Brink oor die agtergrond en weerstand van die Japanese publiek teen die Olimpiese Spele in Japan.

Lelane Bezuidenhout gesels met Johan Rademan en Martelize Brink oor vroue se finansiële fiksheid en vryheid.

Lizane Louw is ‘n multimedia-reisjoernalis, fotograaf en visuele kunstenaar. Sy woon sedert Desember 2019 in Duitsland, en is tans in Berlyn waar sy werk as reisjoernalis en fotograaf. Sy vertel vir Haidee Muller-Isaacs van haar lewe in dié kosmopolitaanse stad en die nomadiese lewe van ‘n wereldreisiger.