Chris Boshoff gesels met Johan Rademan en Martelize Brink oor distillering by die huis.

FC Boonzaaier vertel van digitale kluise vir al jou wagwoorde.

Haidee Muller-Isaacs gesels met die regisseur, TV-aanbieder en kosskrywer, Marinda Engelbrecht oor haar liefde vir kinderteater en wat sy by haar ma geleer het tydens haar grootwordjare op die plaas Joosfontein buite Durbanville.

Michael Bester vertel van KwaZulu-Natal se bergfietsroetes.

Die natuur bied veel meer as net ‘n habitat en voedingsarea vir spesies. Dit voed ook die gees. Dis in die natuurerfenisgebied in Die Wieg van die Mensdom waar Jacqui January gaan uitspan en bepeins het met ‘n paar vriende. Dominee Barry van der Merwe is bestuurder en bepeinsingsleier by die sentrum. Dis veral die spruit en die ou inheemse bome wat die mens se aandag trek.

Prof. Eugene Cloete vertel van die nuwe Skool vir Klimaatstudie aan die Universiteit Stellenbosch.

Glynn Alard gesels oor Wêreld Museumdag en Iziko se virtuele simposium.

Michelle Holtzhausen vertel van verf-en-vry-werkswinkels waar paartjies die geleentheid kry om passievol te raak oor 'n skildery, dan neem hulle die passie én die skildery huis toe.

Stefan Blom verduidelik hoe Covid-19 paartjies se verhoudings beïnvloed het.

By die Olimpiese Spele kry jy goud, silwer of brons. Die edelmetale is nie verniet in daardie volgorde nie. Watter ander faktore neem jy in ag voor jy net vir die gewig van silwer of goud betaal? Dalk die era of kunstenaar? Munt- en metalekenner Pierre-Henry Nortjé het die antwoorde.