Nicolie Smuts vertel vir Martelize Brink van haar Africa kids-projek, waar kinders deur kinderliedjies blootstelling aan plaaslike tale kry.

...en nou vir die interessante storie van n plaas by Molteno in die Oos-Kaap waar kraanvoëls en Mercedes Benzes deel van die boerdery is. Die boer is Meyburgh Erasmus, en Mariska Spoormaker het met hom gepraat.

Dr. Deon Weyers vertel vir Martelize Brink hoe die inperking die gewildheid van sekere kosmetiese sjirurgieprosedures beïnvloed het. Hy gesels ook oor hoe daar besluit word of 'n versoekte prosedure wel gedoen word sal word.

Eric Jordaan vertel vir Martelize Brink van die belangrikheid van finansiële beplanning voor 'n egskeiding.

In Nelson Mandelabaai het Mariska Spoormaker ‘n kletsrymskepping teen Covid gehoor, en gesoek tot sy die skepper van dié Covid-Rap opgespoor het. Hy is Leroy Papalee Alkensteadt van Major Stunners en sy kletsrymervennoot is Stanley Versace, wat weer waarsku teen bendes. Maar eers vertel Leroy Papalee hoekom hy die Covid-kletsrym geskep het.

Kyle Strydom vertel vir Martelize Brink hoe jokkies opgelei word, en wat dit verg om sukses te behaal op 'n perd se rug.

Haidee Muller-Isaacs gesels met Pietman Retief op Stellenbosch oor hoe gewild rolbal onder jongmense geword het. Pietman het eers na sy aftrede begin speel.

Andy Selfe vertel vir Martelize Brink van die werk van die Vriende van Mostert se Meul en die restourasieplanne nadat die windmeul in die onlangse brand in Kaapstad in die slag gebly het.

Nie-regeringsorganisasies, nie-winsgewende organisasies en gemeenskapsleiers het almal ten doel om op die een of ander manier met armoedeverligting te help. En die nood raak net al hoër! Jacqui January gesels met Riaan Greeff, wat saam met twee ander jongmense hulp verleen in hulle gemeenskap. Sy wou by Riaan weet waar en hoe hulle te werk gaan.

Marlene Brand vertel vir Johan Rademan en Martelize Brink van Wamakersvlei aan die Weskus se gerestoureerde vissersdorpie met 'n wamaakgeskiedenis, geleë op 'n plaas langs die see.