Prof. Clark Scholtz praat oor die belangrikheid van insekte vir die mens se welstand.

Ilze Soutter praat oor die verantwoordelikheid van eienaars van skole en voorskoolse onderrigsentrums om hulle personeel vir opleiding in outisme te stuur.

Annarise Wolmarans gesels met Martelize Brink oor die palinggat by die Stilbaai toerismekantoor waar jy wilde palings kan voer.

Sowat 'n jaar en 'n half gelede het die regering dit verpligtend vir alle kinderhuise, wat staatsubsidies ontvang, om 'n drie jaar lange oorbruggingsprogram vir jong volwassenes na die werkende lewe aan te bied. In die verlede moes die kinders op 18-jarige ouderdom die kinderhuise verlaat. Mariska Spoormaker het met dr. Trudi Basson, direkteur van die Maranatha Jeugsentrum in die Baai, gepraat om te hoor hoe hulle oorbruggingsprogram verloop.

Leonardo Snyman gesels met Martelize Brink oor die uitdagings vir die modebedryf en hoe modeskole dit aanpak.

Tholine Samuels werk al 13 jaar in die wingerde as voorvrou by Diemersfontein. Sy geniet elke oomblik daarvan en al is sy kantoorwerk aangebied, verkies sy die buitelewe in die wingerde - sy verwys daarna as haar baba. Sy vertel vir Haidee Muller-Isaacs hoekom sy so dol is oor wingerdplant en hoekom sy nooit iets anders as dit wil doen nie.

Pieter Kotzé vertel vir Johan Rademan van die werk van Historiese Huise Suid-Afrika.

Marthé Kotze vertel vir Johan Radaman en Martelize Brink van 'n program wat ouers, kinderversorgers en onderwysers help om trauma by kinders raak te sien en die kinders te ondersteun.

Daar is baie huise vol troeteldiere, maar ‘n Baaise huis vat die koek, want hier vind jy tussen honde, katte en papegaaie vir Bokkie die skaap, wat al 12 jaar lank ‘n geliefde troeteldier vir Brenda Smit en haar gesin is. Mariska Spoormaker het by Bokkie en Brenda gaan kuier.

Jurianne Schreuder praat oor volhoubare koringverbouing.