Chris Aucamp gesels met Johan Rademan oor Ou Kaapse meubelstyle uit verskillende eras.

Belastingkenner Herman van der Merwe vertel vir Johan Rademan watter opsies daar is om belastingverligting te bewerkstellig. En prof. Johan Smith vertel van die Tygerberg Hospitaal Kindertrust se Drop 10 Klub waar skenkings van jou belasting afgetrek kan word.

Veearts dr. Ingrid de Wet gesels met Martelize Brink oor inentings by diere.

Op Uitenhage het 'n klomp leerkragte bymekaargekom om mense van enige ouderdom by te staan, wat hulle matriekpunte wil verbeter of hulle matriek vrystellingsertifikaat wil behaal. Die aanbieding van klasse geskied binne die onderwysdepartement se Tweede Kans-program, het Edward Goliath aan Mariska Spoormaker verduidelik.

Sielkundige Hannetjie van Zyl-Edeling gesels met Martelize Brink oor hoe jy afdanking of gedwonge aftrede kan hanteer.

Vroue en hulle handsakke is onafskeidbaar. Die geskiedenis van handsakke gaan so ver terug soos die 16e eeu in dae voor daar sakke in klere was. Het jy geweet handsakke is eers net deur mans gedra? Hierdie storie gaan oor handsakke wat geskenk word vir vroue wat soms, sonder ‘n handsak, in ‘n situasie beland waar sy hulp nodig het. Rike Venter samel handsakke in, pak dit en oorhandig dit aan vroue wat slagoffers van geweld geword het. Jacqui January gesels met haar.

Melody Kleinsmith gesels met Martelize Brink oor Iziko Museums se verbintenis tot taalverskeidenheid en hulle viering van Internasionale Moedertaaldag.

Maryke Musson vertel vir Martelize Brink van haar onlangse ervaring in Antarktika.

Xavier Louw gesels met Johan Rademan oor sonkragstelsels. Hulle kyk na hoe hierdie tegnologie prakties geimplimenteer kan word.

In Nelson Mandelabaai het die onlangse strandverbod ‘n paar interessante dinge oor die impak van mense op die gebied se fauna en flora uitgewys. Een hiervan is dat die seemeeue op een van Port Elizabeth se strande, wat aan bedel gewoond was, rowers geword het wat vis by ander voëls afvat. Mariska Spoormaker praat hieroor met Ronelle Friend, ‘n omgewingswetenskaplike by Enviro Quest in Port Elizabeth.