Marina Clarke vertel vir Martelize Brink van die ekonomiese ontwikkelingsdienste wat Epilepsie SA bied.

Sura Swart gesels met Martelize Brink oor wat ouers en kinders van die skooljaar kan verwag.

Dirna Grobbelaar gesels oor maskermond, die verskynsel dat maskerdraers meer bewus word van onaangename asems.

Charles Kinnear vertel vir Martelize Brink hoe hy die wêreld gesien het met blommerangskikking. Hy was 'n dosent in Japan, het kompetsies in Singapoer en Taiwan beoordeel, het in verskeie lande uitstallings gehou, en het selfs die kapel by die Tower of London versier vir 'n besoek van die koningin.

Merlyn van der Rheede is ‘n projekbestuurder by die Afrikaanse Taalraad. Sy is passievol oor haar hartstaal, Afrikaans. Sy is onlangs aangestel as addisionele lid van die uitvoerende komitee van die konvokasie van die Universiteit van Stellenbosch. Merlyn is ‘n groot voorstaander van moedertaalonderrig en het ‘n sagte plekkie vir die jeug. Haidee Muller-Isaacs het haar uitgevra oor haar drome en hoekom sy haar in besonder hara beywer vir die toekoms van jong vroue.

Riaan Manser en Cobus Burger vertel vir Martelize Brink van die avontuur wat vyf matrikulante in Antarktika beleef het.

Mike Spies vertel vir Johan Rademan van die blommeprag in Namibië ná die reën, en die skouspel van Sandhoflelies.

Herman Wolf vertel vir Johan Rademan hoe hy houtstowe restoureer en die plek wat dit in 'n moderne huis het.

Joubert Bosman gesels met Johan Rademan oor moringa wat nou in Suid-Afrika verbou word, en die gebruike daarvan vir mens, dier en plant.

Righardt le Roux vertel vir Martelize Brink op die Wêrelddag vir Hardop Lees van die belangrikheid daarvan vir kinders om vir plesier in hulle moedertaal te lees.