Dr. André Hattingh vertel vir Martelize Brink van die hulp wat Pedriatiese Sorg SA verleen ná die verwoesting wat Sikloon Eloise gesaai het.

Chris Aucamp gesels met Johan Rademan oor ou Kaapse meubels en die style van die verskillende eras.

Dr. Heinrich Nel vertel vir Johan Rademan van sy studie oor welvaart, mobiliteit, familiebande en migrasie in die Kaap Kolonie van 1790 tot 1830.

Kenne Loubser vertel vir Johan Rademan van mense se geldgewoontes, en hoe dit jou finansiële posisie kan verbeter of versleg.

Dr. Deonita Damons gesels met Martelize Brink oor bedrieërsindroom, waar mense dink dat hul nie 'n sekere werk verdien nie.

Dr. Ernest Messina vertel vir Martelize Brink van die seën van die wyndruifoes.

Susan Grobbelaar vertel vir Martelize Brink hoe gemmer en borrie gekweek word.

Die doring van Despatch is straks nie meer Danie Gerber nie, maar ‘n reuse kaktus uit Suid-Amerika wat staan tussen duisende ander vetplante in die die tuin van Theaan Le Roux, Despatch se eie kaktuskoning. Mariska Spoormaker het met Theaan en sy vrou Ursula oor hulle reuse vetplantversameling gesels.

Coenie de Villiers deel sy herhinneringe van die ontslape sangeres Sibongile Khumalo.

Die 27-jarige Derick Wallace van Durbanville werk as ‘n spesialis by 'n beleggingsmaatskappy. Hy het van jongs af 'n groot liefde vir kos, veral koffie, en in 2017 het hy sy koffie-obsessie in 'n tweede besigheid omgeskakel. Haidee Muller-Isaacs het al sy kontrepsies gaan beloer wat hy gebruik om geurige koffie te maak. Sy hoor ook dat China 'n koffiereus is. Hulle maak elke 15 uur daar ‘n nuwe koffiewinkel oop!