Amos Reed en Chris Vermeulen vertel vir Martelize Brink van Amos se knoffelboerdery op Phillipstown in die Noord-Kaap. Chris verduidelik hoe die Agri4Change-program mikroboere soos Amos ondersteun.

Martelize Brink neem ‘n toer op die erfenisboomroete in die Paarl. Sy hoor by Retha van Wyk en Hine Kriel van die Paarl Tuinbou-vereniging hoe ‘n boom as ‘n erfenisboom verklaar word.

Sanet Nel vertel vir Martelize Brink van die belangrikheid om jou matriekkwalifikasie kry, al is jy ouer as 21.

Dudley Malgas is die Kapenaar wat vir 22 jaar lank die man was wat die kanon op Seinheuwel presies om 12:00 afgevuur het. Hy is Maandag oorlede. In 2017 het Haidee Muller met Dudley gesels. Hy is gebore in Tarka in Mosselbaai. Hy het vir Haidee vertel sy werk is 'n groot passie wat hom na aan die hart lê. Hy het effe bewoë geraak toe Haidee hom oor sy aftrede uitvra.

Dr. Morné du Plessis gesels met Martelize Brink oor die belangrikheid van grondbiodiversiteit.

James Rothman vertel vir Martelize Brink wat Seksie 12J-beleggings behels, wat werkskepping stimuleer.

Donker Jonker en Andries Dirks vertel vir Johan Rademan van 'n aktiewe woordkunsproduksie, Eerstemense, en 'n Khoikuns-beelduitstalling, Klipkinders, wat by Riebeekvallei se Solo Studios-naweek te sien is.

Karin Coetzee vertel vir Johan Rademan van 'n toerismewebblad vir mense met gestremdhede, wat toeganklikheid beoordeel by restaurante, akkomodasiefasiliteite en toerisme-attraksies. disabledtravel.co.za

Dr. Johan Swanepoel vertel vir Johan Rademan van die waarde en plek van kortkursusse in stede van grade wat jare se studie neem. usb-ed.com

Ingrid Jones vertel vir Martelize Brink hoe 'n Facebookblad oor grendeltydstories en -resepte gestalte gekry het in sowel 'n boek as ‘n tydskrif.