Martelize Brink gesels met Brenton Swartz, 'n mondskilder wat betrokke is by KunsteKaap se Unmute Artsability-fees.

Martelize Brink hoor hoe sake verloop by Santa's Shoebox om geskenkpakke vir minderbevoorregte kinders in te samel.

Willem Kitzhoff praat oor hoe aanlyn-bestuursplatforms skole kan help.

As daar nou een ding is wat 'n hupstoot deur die pandemie gekry het, dan is dit die buiteluglewe en kampering. Dit lyk ook asof mense die geld wat hulle op duur oorsese vakansies sou bestee, nou eerder in vastrapvoertuie, tente en woonwaens steek. Eben Grobler, ‘n Baaise handelaar in kampeertoerusting en woonwaens, het dié tendens aan Mariska Spoormaker bevestig.

Willie Lottering is 'n oud-Suid-Afrikaner wat deesdae naby Toronto in Kanada woon. Hy het die beeldende kunste sy beroep gemaak, en skilder steeds. Hennie Maas het met hom gesels oor sy lewe in Kanada, en hoe die emigrasieproses sy lewe beïnvloed het.

Teologie Professor Juliana Claassens vertel vir Sue Pyler van die uitbeelding van hekse by Halloween.

Die herfskommandowurm is die eerste keer in 2016 in Afrika opgemerk. Dit kom al vir jare sporadies in Noord- en Suid-Amerika voor, en val gewasse soos mielies, sonneblom en koring aan. Mielies is hulle voorkeurgewas, en dié plaag is reeds in Suid-Afrika bevestig. Jacqui January gesels hieroor met prof. Johnnie van den Berg van die Noordwes-Universiteit se Potchefstroomkampus.

Willem Boshoff vertel vir Johan Rademan watter rol Vriende van Tafelberg speel in die bewaring van hierdie natuurerfenis.

Sandra Prinsloo gesels met Johan Rademan oor haar loopbaan, insigte in oud word en die toneelstuk, Spertyd, waarin sy te sien is.

Riaan Manser vertel vir Johan Rademan van 'n avontuur waar vyf matrikulante saam met hom en professors van die Universiteit Stellenbosch Antarkitika toe kan gaan om hulle te help om anders oor wetenskap te dink.