Hierdie is 'n storie oor 'n klompie baie behulpsame karwagte,'n Karoo-brood wat oor die wêreld agter Gary Player gepos is, en dr. Anton Rupert. Maar eers terug na die dag van die karwagte, want dit is waar die storie se onthou begin het. Die hooffiguur in die storie is Christa Hahn, 'n inwoner van Graaff-Reinet wat 22 jaar lank die bestuurder van die Drostdy Hotel op die dorp was. Sy vertel vir Mariska Spoormaker wat op daardie dag van die karwag-kaskenades gebeur het.

Dr. Linda Meyer vertel vir Martelize Brink watter invloed die Covid-19-pandemie sal hê op die 2021-inname van studente by universiteite.

Johan Rademan het by Nicky Coetzee se huis gaan besoek aflê en op kultuurhistoriese skatte uit Frankryk afgekom wat jou asem sal wegslaan - antieke tapeserieë van tussen 200 en 400 jaar oud!

In Port Elizabeth het Mariska Spoormaker 'n vrou leer ken wat met die grendelstaat na 100% oorlewingsrat oorgeskakel het om kop bo finansiële waters te hou. Die vrou, Annelle Kamfer, sê reguit ons leef in 'n tyd van rek of vrek, die dat sy ou vaardighede afgestof, nuwes aangeleer en vandag met vriende en oud-kollegas in die restaurantbedryf enigiets van plavei- en loodgieterswerk tot mat-skoonmaakdienste en tuinbou aanbied.

Martelize Brink gesels met kos- en koskultuurikoon, Cass Abrahams.

Dr. Sam Ferreira, 'n grootdier-ekoloog van Sanparke, gesels oor olifante.

Dr. Thinus Marais praat oor die nodigheid om kinders se inentings op datum te hou.

Kulkunstenaar Regardt Laubscher vertel vir Martelize Brink hoe sy kunsvorm deesdae aanlyn beoefen word.

In die Guinness-rekordboek is die grootste kandelaar, met die naam Reflective Flow, 'n allemintige 18 000 kilogram met 165 000 LED-ligte. Die kandelaar is ongeveer 6 meter hoog. Waar dit geheg word aan die dak is dit meer as 12 meter in deursnee, terwyl dit aan die onderpunt meer as 40 meter wyd is. Die skouspelagtige kandelaar is in 2010 in Doha, Qatar, geïnstalleer. Kandelare word sedert die middeleeue ontwerp, maar is eers in die 16e en 17e eeue in gewone, meestal ryk, huishoudings gevind. Kerse is gebruik voor die koms van elektrisiteit, en dit was deurskynende rotskristalle waardeur die lig geskyn het, voordat Swarovski en vriende begin sake doen het. Johan Rademan het in die kristallamp gaan loer, en met George en Estelle Rauch oor kandelare gaan gesels.

Caitlin Rooskrantz vertel vir Martelize Brink van haar loopbaan, en hoe sy Suid-Afrika as artistiese gimnas by die Olimpiese Spele sou verteenwoordig.