Haidee Muller het voor die inperking in Kylemore by Siena Charles gekuier, wat die buurt se heel eerste teetuin begin het. Siena het internasionale gaste in die tuin ontvang, maan deesdae is dit tjoepstil omdat mense van ander lande nie die land mag besoek nie. Siena met haar groot omgeehart is egter steeds bedrywig in haar gemeenskap om die honger mae vol te hou. Haidee het weer met haar gesels.

Mercia Jansen vertel vir Martelize Brink van haar werk in die motor- en oliebedryf, asook haar passie vir motorfietse.

Alrisa Nell vind inspirasie in die gekrabbel van outistiese kinders, wat sy omskep in skilderye.

Ebrahim Rasool, die medestigter van OneAfrica, gesels oor die nie-regeringsorganisasie wat poog om xenofobie aan te pak en eenheid in Afrika te bevorder, en die nuwe toekenningsgeleentheid waar Afrikane van verskeie lande verveer word.

Orgideë is delikate en pragtige blomme wat in verskillende kleure en vorms beskikbaar is. Dit 'n lus vir die oog en 'n vreugde, waar jy dit ookal neersit of plant. Dit is noodsaaklik dat die potte vir die orgideë dreineringsgate het. Daar is ook'n hele paar ander reëls, soos Jacqui January uitgevind het toe sy by 'n blommekamer gaan inloer het.

Die blinde Fransman, Louis Braille, word geëer as die persoon wat musieknotasies vir blindes geskryf het, en wat vandag as Braille bekendstaan. Hy het ook onderrig gegee in orrel en klavier . Braille is in 1809 gebore en in 1852 oorlede. Uit dieselfde tydperk van die 19de eeu was daar 'n Fransman, Claude Montal, wat in 1800 gebore is en 155 jaar gelede gesterf het. Montal, wat op vyfjarige ouderdom blind geword het, het sover bekend, die eerste omvattende tekste of handleidings beskikbaargestel vir die stem en herstel van klaviere. Johan Rademan gesels met Lucas van der Walt, 'n blinde klavierstemmer en sakeman van Brackenfell in die Kaap, wat al 'n halfeeu lank in die klavierbedryf staan, en ook op 'n jong ouderdom, soos Montal, nog kon sien.

Dave du Toit van die Vervet Monkey Stigting gesels oor blouape en die verhouding tussen hierdie diere en die mens.

Dr. Gideon Groenewalt is 'n geoloog by die Gift of the Givers Stigting se Droogte Ingryping 2020-inisiatief. Hy het 'n besondere belangstelling in die siklusse in natuurlike ekostelsels. Hy vertel van die fossiele wat in rotsbladsye gesien kan word, en die lesse wat ons daaruitkan leer vir droogteverligting.

Die sangeres, aanbieder en aktrise, Leah, en die aanbieder en aktrise, Therese Bam, het in die grendeltyd 'n gedeelde passie ontdek: beide se gevoel van woede en absolute frustrasie oor die toenemende getalle van mishandelde vroue en kinders in die land. Leah, die beskermvrou vir Huis Jabes, 'n veilige hawe vir mishandelde vroue en kinders in die Kaap, het aanlyn 'n beroep gedoen op die publiek vir donasies vir die huis se nutman nadat sy dogter en kleindogter wreed vermoor is. Therese het hierop reageer, en so is die #SHOWup-veldtog gebore. Haidee Muller het met Therese en Leah hieroor gesels.

Dr. Ingrid de Wet, 'n veearts van die Country Animal Clinic op Somerset-Wes, praat oor outo-immuniteit siektes by troeteldiere.