Jy gee en jy gee van jou tyd, kundigheid en emosies, en dan op 'n dag breek alles in jou en jy wil niks meer van ander mense se nood weet of hoor nie. Die toestand word meelewingsuitbranding genoem. Belinda Paetzold, deesdae inwoner van Jeffreysbaai, kan eerstehands hiervan getuig. Sy het aan Mariska Spoormaker gesê dat haar meelewingsuitbranding oor minstens nege jaar opgebou het, en op die sendingveld in Mosambiek begin het.