Gail de Waal Basson vertel vir Sue Pyler hoe jy die versteekte arbeidsmark kan ontgin.

Derek Donkin vertel vir Sue Pyler hoe die avokadobedryf in Suid-Afrika lyk.

'n Poppekas word by die Twee Oseane Akwarium ingespan om jong kinders van die omgewing te leer. Jerome Stationway wat in kinderteater spesialiseer, gesels met Martelize Brink oor sy liefde vir opvoedkundige teater en die temas wat die poppekas aanraak.

Die Bredasdorp Voeding- en Ontwikkelingsentrum is 'n nie-regeringsorganisasie wat elf jaar gelede begin is in die vorm van 'n sopkombuis. Die bestuurder, Doreen October, is onlangs vir die Women in Food-toekennings in die afdeling, Grass Roots, genomineer vir haar werk. Martelize Brink gesels met Doreen oor empatie vir jou medemens in haar ouerhuis aangeleer is, en hoe sy as jong kind haar ma se kos vir siek gemeenskapslede in Grassy Park moes aflewer.

China se bevolking is 1,3 miljard mense. Een uit elke vyf persone op aarde is dus 'n Chinees. In die 27e eeu voor Christus het die Chinese deur die benutting van die sy van die inheemse sywurmmot, die eerste material vervaardig en as geheim bewaar vir amper 30 eeue lank. Die magnetiese kompas, buskruit, papiergeld, sambrele, kruiwaens, porselein en vlieërs is uitvindsels uit China. Johan Rademan gesels met 'n jong Suid-Afrikaner, Ian Nortje, oor sy blootstelling aan hierdie magtige kultuurryke land.

Mariska Botha, 'n prokureur van Durbanville, het besluit om haar horisonne te verbreed toe sy vroeg in 2019 sak en pak oorsee gegaan het. Die plan was om 'n ruk lank te reis terwyl sy terselfdertyd op plase en skole in Asië werk. Sy vertel hoe 'n vyfdag-wegbreek uit haar gasheerstad, haar planne heeltemal in die wiele gery het om 'n paar jaar lank oorsee te werk. En, boonop was dit 'n gesukkel om weer terug te keer Suid-Afrika toe. Mariska is terug op eie bodem om haar storie self te vertel.

Martelize Brink gesels met Marcel Rossouw van Fjord Johannesburg oor sosio-ekonomiese tendensvooruitsigte in die veld van ontwerpkonsultasie.

Het 'n wetenskaplike dit ontdek, of was dit 'n toevallige ontdekking? Johan Rademan gesels met Kaapse wynmeester Bennie Howard oor die verhouding tussen hout en wyn, en die gebruik en geskiedenis daarvan in wynmaak.

Sean Kroon was 'n kannetjie toe sê hy al hy wil voor 2020 'n duisend bome op die Karoodorpie Willowmore plant. Drie jaar gelede is hy as Kovsies-student vermoor vir sy skootrekenaar en selfoon. Tog bly Sean se boom-droom lewendig, want sy vriende en familie bly steeds bome plant op Willowmore. Op 9 Junie, wat sy 22e verjaarsdag sou wees, is daar weer bome geplant. Mariska Spoormaker het gepraat met Joanne Kroon, Sean se ma, om te hoor waar dit alles begin het.

Martelize Brink gesels met Louise Coetzer, die artistieke regisseur en choreograaf van Darkroom Contemporary, oor hul tienjaar bestaan as dansgeselskap, en hoe hulle kinetiese bewegingsensortegnologie en selfs kunsmatige intelligensie inspan in hulle produksies.