Willemien du Toit vertel vir Sue Pyler van haar stryd met disleksie, hoe sy by Oxford nagraads studeer het in die regte, en nou boeke skryf vir kinders met disleksie.

Martelize Brink gesels met Rene Otto van Nails by Rene oor die versorging van jou naels. Sy vind ook uit hoe om gel veilig van jou naels by die huis te verwyder, en gee 'n mengsel van bestanddele wat as naelbevogtiger en liggaamsroom kan dien.

“Help, daar is n slang in my huis!” word deesdae al hoe meer in Port Elizabeth en die omliggende woongebiede in Nelson Mandelabaai gehoor. Mariska Spoormaker wou by die stedelike kleinwildbewaarder Arnold Slabbert weet hoekom daar nou skielik soveel slange in die Baaise huise is.

Honderdeduisende toeriste, kunstenaars, ontwerpers en argitekte het al die vroeg twintigste eeuse landkunstenaar, Antoni Gaudi, se stedelike mosaïek in Barcelona of die bekende Hundertwasserhuis in Oostenryk besoek, maar die kunsvorm is veel ouer. Mosaïekkuns strek oor verskeie geskiedkundige tydperke soos die Bisantynseryk, Ottomanryk, Griekse en Romeinse eras en het in die Renaissance-tydperk in gewildheid getaan. Deesdae is daar groot mosaïekkunstenaars in die wêreld, en die kunsvorm het ook groot skilders, argitekte en ontwerpers se aandag getrek. Die kunsvorm strek terug tot bykans 3,000 jaar voor Christus. Johan Rademan gesels met Heidi Ansley, 'n mosaïekkunstenaar oor hierdie kunsvorm wat binnenshuis op 'n kreatiewe manier gebruik kan word om die lang dae en aande te verwyl.

Brian Scott vertel vir Sue Pyler hoe mediese afval hanteer word.

Dr. Hugo Bezuidenhout van SANParke vertel vir Sue Pyler van ekologiese patrone en prosesse in die land se nasionale parke.

Arbeidsterapeut en onderwyser Annelize Clarke gesels met Martelize oor vroeë intervensie by leerders wat leerprobleme ervaar. Sy vertel ook van die Bellavistakool in Johannesburg wat vanjaar 50 jaar oud is, en die hulpbronsentrum, Bellavista SHARE, wat kinders bystaan wat sukkel met skoolwerk of emosionele ondersteuning nodig het.

Gail de Waal Basson vertel vir Sue Pyler hoe jy 'n CV moet opstel.

Jolette le Roux vertel vir Sue Pyler van 'n kursus in moedige gesprekke.

Haidee Muller gesels met Wihan Wegewarth van Witsand oor die Whatsapp-groepe wat hy en van die ander hengelaars daar begin het. Dis nie 'n sommer-so groepie nie. Hulle sorg dat dinge in die klein dorpie gebeur!