Die Hambone-toekennings in die VSA is vir diere wat vir vreemde redes by die veearts opdaag. Een van die finaliste is ‘n bulhond se olikheid nadat sy ‘n opgestopte alligator geëet het.

In Lowena Lawrence se hart en huis in Bonteheuwel is daar altyd plek vir nog. By haar kry jy brood en bid, en neem met jou saam die vrede wat alle verstand te bowe gaan. Die kinders in die omgewing word na haar aangetrek soos ’n magneet, en vind 'n tuiste by die Kids' Club. Sy neem ook leiding by 'n groep vroue wat bid by die verskillende skole in Bonteheuwel en uitreik na die smokkelhuise in die omgewing. Haar seun is ‘n klompie jare gelede doodgeskiet toe hy op pad was na ’n huiswinkel. Hy het in ‘n spervuur tussen twee bendes beland. Haidee Muller-Isaacs het by haar gaan kuier.

Estelle du Plessis praat oor die Vroue-Landbouvereniging van Kaapland se rol in die gemeenskap oor hulle 96-jarige bestaan.

Luke Wintrip het vir Sarah 43 keer om haar hand gevra voor sy eindelik na sewe jaar ja gesê het!

Linda Celliers vertel vir Martelize Brink van die seekos- en aartappelbedryf op Prins Edward-eiland, Kanada se kleinste provinsie.

Thinus le Roux se stokperdjie om ou swart en wit foto’s van die Anglo-Boereoorlog in te kleur, het ongekende belangstelling gaande gemaak. Hy skuif nou met ‘n opvolguitgawe van die konvensionele na die guerillaoorlogvoering se foto’s. Johan Rademan het met hom gesels.

Caroli Diener praat oor borsvoeding en die rol daarvan in omgewingsvolhoubaarheid.

Die Aalborg-dieretuin in Denemarke vra dat mense ongewenste troeteldiere, spesifiek gesonde hoenders, hase, marmotte en perde skenk as kos vir hulle karnivore.

Susan Ferreira en Karlo Hendrickz vertel van die Maine Coone, die reus van die katwêreld, en die Devon Rex, wat die pixie of apie van daardie wêreld genoem word.

Jare lank het die Baaienaar Jenny Heunis haar man versorg wat met demensie moes saamlewe. Haar uitdagende versorgingspad het uiteindelik na die stigting van ‘n ondersteuningsgroep vir mense in soortgelyke situasies gelei. Charleen Fridey, ‘n maatskaplike werker, verduidelik aan Mariska Spoormaker hoekom só n ondersteuningsgroep so belangrik is.