ድሉ አትሌት ጽጌ ገብረሰላማ ክብሯን ያስጠበቀችበት ድል ሲሆን ከ22 ዓመታት በኋላ በሊዝበን ተከታታይ ድል የተቀዳጀች የመጀመሪያዋ ሴት አትሌት አድርጓታል። የ2023 የዓለም የክሮስ ካንትሪ የብር ሜዳሊያ አሸናፊዋ ጽጌ፣ በውድድሩ ሁለተኛ አጋማሽ ጀምሮ ፍጥነቷ ባይቀንስ ኖሮ የቦታውን ክብረ ወሰን የማሻሻል እድሏ የሰፋነበር ።

የአፍሪካ ሕብረት በተለያዩ የአመራርና የኃላፊነት እርከኖች ላይ የሚገኙ ሴቶችን ቁጥር ከወንዶች እኩል ለማድረግ ያስቀመጠውን ግብ አለማሳካቱ እና እንዲሰራበት ሴቶች ጠየቁ። የሕብረቱ ኮሚሽን ሊቀመንበር በበኩላቸው የሴቶችን ቁጥር ከወንዶች እኩል ለማድረግ የተቀመጠው ግብ የአጀንዳ 2063 አካል መኾኑንና በትኩረት እንደሚሰራበት ተናግረዋል።

የማዕከላዊ ኢትዮጵያ ክልል መንግሥት በምሥራቅ ጉራጌ ዞን ምሥራቅ መስቃን ወረዳ የሲቪል ነዋሪዎችን ደህንነት እንዲጠበቅ ሲል ለጉራጌ አንድነትና ፍትህ ፓርቲ ባወጣዉ መግለጫ ጠየቀ፡፡ ፓርቲው በዚሁ መግለጫው በምሥራቅ መስቃን ወረዳ በንጹሃን ዜጎች ላይ በተደጋጋሚ በታጣቂዎች ይፈጸማል ያለው ጥቃት እንዳሳሰበው ገልጿል፡፡

ኦፌኮ በመላው ኢትዮጵያ በዋናነት ሴቶችን ተጠቂ የሚያደርግ ያለው ግጭት-ጦርነት እንዲቆም አስቸኳይ ያለውን ጥሪ አቀረበ፡፡ ፓርቲው ይህን ያለዉ በመላው ዓለም ታውሶ የዋለውን የዓለም ሴቶች ቀን በማስመልከት ባወጣው መግለጫ ነው። “ሴቶች የሰላምና የዲሞክራሲ ምሰሶዎች ናቸው” ሲል እለቱን በማክበር በኦሮሚያና በኢትዮጵያ ጦርነት እንዲቆም ጠይቋል።

ኢትዮጵያ ሰባተኛዉን አገራዊ ምርጫ ለማካሄድ ሽር ጉድ እያለች ባለችበት በአሁኑ ወቅትም ይሁን አስቀድሞ ጥቂት የማይባሉ የመገናኛ ብዙኃን ባለሞያዎች እና ጋዜጠኞች እንዲሁም በአመዛኙ "ነጻ" የሚባሉ ብዙኃን መገናኛ ዐውታሮች ፈቃዳቸው እየተሰረዘ፣ ጋዜጠኞቻቸውም የሥራ ፈቃዳቸዉን እየተነጠቁ ነዉ።

በየዓመቱ በጎርጎሪያኑ መጋቢት 8 ቀን የሚከበረው ዓለም አቀፍ የሴቶች ቀን፤ የሴቶችን ማህበራዊ፣ ኢኮኖሚያዊ፣ እና ፖለቲካዊ ስኬቶችን የሚያከብር ዓለም አቀፍ በዓል ነው። በዓሉ «ለማግኘት መስጠት» / give to gain/በሚል መሪ ቃል በዓለም ለ115ኛ ጊዜ በኢትዮጵያ ደግሞ ለ50ኛ ጊዜ እየተከበረ ነው።

የኢራን ጦርነት ዓለም አቀፍ ንግድን እያስተጓጎለ ነው። የንግድ መርከቦች ከሱዌዝ ቦይ ይልቅ አፍሪካ ወደሚገኘው ኬፕ ኦፍ ጉድ ሆፕ ለመሄድ ይገደዳሉ። ይህም ወጪን ይጨምራል፤በነዳጅ እና በሌሎች ሸቀጦች የዋጋ ጭማሪ ያስከትላል። ጦርነቱ በውጭ አገር ተቀጥረው ለሚሠሩ አፍሪቃውያንም የኢኮኖሚ መዘዝ አለው።

ከ400,000 በላይ ኬንያውያን እንደ ሳውዲ አረቢያ፣ የተባበሩት አረብ ኤምሬትስ እና ኳታር ባሉ የባህረ ሰላጤው ሀገራት ይሰራሉ። ብዙዎቹ በቤት ውስጥ ሥራ፣ በግንባታ፣ በእንግዳ ተቀባይነት እና በአቪዬሽን ዘርፍ ተቀጥረው ይሰራሉ።የመካከለኛው ምስራቅ ውጥረት እነዚህን ኬንያውያን ስጋት ውስጥ ከቷል።

ባለፉት ወራት በዓለም ገበያ የአንድ ፓውንድ ቡና ከ4 ዶላር ወደ 2.80 ዶላር ዝቅ ሲል ለኢትዮጵያ “እጅግ በጣም ፈታኝ ሁኔታ” መፈጠሩን የኢትዮጵያ ቡና እና ሻይ ባለሥልጣን ዋና ዳይሬክተር ተናግረዋል። ዋጋው የቀነሰው ብራዚል ለዓለም ገበያ የምታቀርበው እና ቪየትናም የምታመርተው ቡና ይጨምራል ተብሎ ስለተተነበየ ነው።

የኢትዮጵያ ብሔራዊ ምርጫ ቦርድ የካቲት 7 ለመጀመር ያቀደውን የመራጮች ምዝገባ በ21 ቀናት አራዝሞ ነገ የካቲት 28 ቀን ይጀምራል። ምዝገባው ለጊዜው የተራዘመው ሥራውን "በታሰበው መልኩ ማከናወን ባለመቻሉ" መሆኑን የቦርዱ ሰብሳቢ ሜላተ ወርቅ ኃይሉ ገልፀው ነበር። ስለምዝገባውና ዝግጅታቸው የአምስት ከተሞች ነዋሪዎችን አስተያየት ጠይቀናል።