ኢትዮጵያ ለመጀመሪያ ጊዜ የዓለም አትሌቲክስ የ"አንድ ቀን ውድድር" ልታዘጋጅ ነው ። ከ 43 ቀናት በኃላ ሚያዝያ 10 ቀን 2018 ዓ.ም. በአዲስ አበባ የሚካሄደው ይህ ውድድር፣ ኢትዮጵያን በአትሌቲክስ ውድድሮች ካላት የቆየ ዝና ባሻገር በትልልቅ ውድድር አዘጋጅነትም ወደ ዓለም አቀፉ መድረክ ብቅ የምትልበት አጋጣሚ እንደሆነ ተነግሯል።

ከጥቅምት እስከ ታህሳስ እንደሚጥል የሚጠበቀው ዝናብ በመቋረጡ በአፍሪካ ቀንድ 26 ሚሊየን ህዝብ ለከባድ ርሃብ መጋለጡን ፤ 58 ሚሊየን ህዝብ ደግሞ የመጠጥ ውሃ እጥረት እንደሚሰቃይ ኦክስፋም ትናንት ባወጣው ዘገባ፤ አስታውቋል። የችግሩ ሰለባ ከሆኑት ሀገራት ውስጥ ኢትዮጵያ፣ ሶማሊያ እና ኬንያ ይገኑበታል።

ዓለም አቀፉ የሰብዓዊ መብት ድርጅት አምነስቲ ኢንተርናሽናል የኦሮሞ ነጻነት ሠራዊት(ኦነግ-ኦነሰ)ን ሴቶችን በጅምላ በመድፈርና የማሰቃየት ወንጀሎችን ጨምሮ በበርካታ የሰብዓዊ መብት ጥሰቶች ከሰሰ፡፡ተቋሙ “የኢትዮጵያ መንግስት ባለስልጣናት በኦነሰ ተዋጊዎች የተፈጸሙ ጾታዊ ጥቃት፣ ከፍርድ ውጭ ግድያና የማሰቃየት ወንጀል ሊመረምሩ ይገባልም”ብሏል፡፡

በእናቶች እና የጨቅላ ሕጻናት ጤና ፣ በግጭቶች እና አደጋዎች የሚከሰቱ የአካል ጉዳት እና የደም መፍሰስ እንዲሁም በተለያዩ በሽታዎች ምክንያት የደም ፍላጎት ከጊዜ ወደ ጊዜ እየጨመረ መምጣቱ ይነገራል። ይህም በኢትዮጵያ በህክምናው ዘርፍ የሚፈለገው የደም ፍላጎት እና አቅርቦት አለመመጣጠኑን ተከትሎ አንደኛው የጤና ዘርፍ ተግዳሮት መሆኑ ይጠቀሳል።

ከአስርተ ዓመታት የታሪክ ማህደር ማሰባሰብ በኃላ “ጥቁር አንበሳ - የፎማ ተኩላ” በሚል ርዕስ ለእይታ ያቀረቡት ፊልም፤ ኢትዮጵያዉያን ከፍሺስት ኢጣልያ ጋር ያደረጉትን ተጋድሎ የሚያሳይ ነዉ። የኃይሌ ገሪማ ይህ ዘጋቢ ፊልም ጀርመን መዲና በርሊን በዓመታዊዉ የዓለምአቀፉ የፊልም ፊስቲቫል መድረክ “በርሊናለ” ላይ ለእይታ አቅርበዋል።

አላማጣ ኮረም ወፍላ ዛታና ራያ አላማጣ ጦርነትን ሽሽት ተፈናቅለዉ በቆቦና ሰቆጣ ከተማ የሚገኙ ወገኖች ምንም ዓይነት የምግብ ድጋፍ ለአንድ ወር ባለማገኘታቸዉ ለርሀብ ተዳርገናል አሉ። ከስድስት ወረዳ የተፈናቀልነዉ ቁጥራችን 100 ሺህ ይደርሳል የሚሉት ተፈናቃዮቹ በመንግሥት ደረጃ መረጃ ከመሰብሰብ ያለፈ ድጋፍ የለም ይላሉ።

የኦሮሞ ነጻነት ሠራዊት (“ኦነግ ሸኔ”) ያለው ታጣቂ ቡድን በሽርካ፣ በጉና፣ በመርቲ፣ በአሰኮ እና በኦንቆሌ ዋቤ ወረዳዎች በሰዎች ላይ በፈጸማቸው ጥቃቶች በሰዎች ሕይወት፣ አካልና ንብረት ላይ ጉዳት መድረሱን የኢትዮጵያ ሰብዓዊ መብቶች ኮሚሽን (ኢሰመኮ) ባወጣው መግለጫ አስታውቋል፡፡

አስተያየታቸውን ለዶይቼ ቬለ የሰጡ አሽከርካሪዎች እንደሚሉትም፤ “ስቃይ ውስጥ ነን፤ ነዳጅ ይመጣል ተብለን ሁለት ቀን ቆመን ጠብቀን ሲመጣም ይይዙታል” በማት የሚገኙበትን ፈታኝ ያሉት ሁኔታ ገልጸዋል፡፡

የአውሮፓ ሕብረት አባላቱንና ሌሎችን ጨምሮ 41 ሀገሮችን ወክሎ ባወጣው መግለጫ፣ በኢትዮጵያ ከቀጣዩ ምርጫ በፊት የሲቪክና የመገናኛ ብዙኃን ምሕዳሩ በብርቱ ሊጤን እንደሚገባ አሳስቧል። ይህ ጥሪ የቀረበው በስዊዘርላንድ ጃኔቫ በመከናወን ላይ ባለው 61ኛው የተባበሩት መንግሥታት የሰብአዊ መብቶች ምክር ቤት ጉባኤ ላይ ነው።

በበልጉ ወራት በምሥራቅ የሀገሪቱ አካባቢዎች መደበኛ እና ከመደበኛ በላይ የሆነ የዝናብ መጠን እንደሚጠበቅ ያስታወቀው በኢትዮጵያ ሜትሮሎጂ ኢንስቲቲዩት የሶማሌ እና አጎራባች ክልሎች የሚትሮሎጂ አገልግሎት መስጫ ማዕከል የተለያዩ የቅድመ ጥንቃቄ ሥራዎች መሠራት እንዳለባቸው አስገንዝቧል።