አያቶላህ አሊ ኻሜኒ ከተገደሉ በኋላ ኢራን ሦስት አባላት ያሉት የሽግግር ምክር ቤት ሀገሪቱን በጊዜያዊነት እንዲመራ ማዋቀሯን ይፋ አደረገች። ላለፉት 37 ገደማ ዓመታት ሀገሪቱን የመሩት የ86 ዓመቱ አያቶላህ አሊ ኻሜኒ፣ የኢራን አብዮታዊ ዘብ አዛዥ ጀኔራል ሞሐመድ ፓክፖር እና የሀገሪቱ መከላከያ ምክር ቤት ጸሀፊ አሊ ሻምክኻኒ ተገድለዋል።

የኢትዮጵያ አየር መንገድን ጨምሮ በርካታ ዓለም አቀፍ የአየር መንገድ ኩባንያዎች ወደ ቀጠናው የሚደረጉ በረራዎችን በሙሉ ሰርዘዋል። በኢራን ከፍተኛ ወታደራዊ አዛዦችን ጨምሮ ከ70 በላይ ሰዎች ተገድለዋል።

በሱዳን የሚካሄደው ጦርነት ወደ ጎረቤት ቻድም እየተቃረበ ነው። ያለፈው ሳምንት መጨረሻ የሱዳን ጦር እና አጋሮቹ በድንበር ላይ ከሚገኙት የሱዳን ፈጥኖ ደራሽ ሀይል በእንግሊዝኛው ምህፃሩ የRSF ሚሊሻዎች ጋር ተጋጭቷል። የቻድ መንግስትም ከሱዳን ጋር የሚያዋስነውን 1,300 ኪሎ ሜትር ርዝመት ያለው ድንበር ዘግቷል።

የደቡብ ሱዳን ፕሬዝዳንት ሳልቫ ኪር ሰሞኑን ባለስልጣኖቻቸውን ከስልጣን ማባረር ይዘዋል። ተንታኞች እንደሚሉት የሰሞኑ የፕሬዚዳንቱ እርምጃ በሀገሪቱ እየጨመረ የመጣውን አለመረጋጋት የሚያባባስ ነው። በሙስና፣ በጎሰኝነት እና በብልሹ አስተዳደር የሚተቸው የሳልቫኪር መንግስት ምክትላቸውን ሪክ ማቻርን ካሰሯቸው ወዲህ በሀገሪቱ አለመረጋጋት ተባብሷል።

በኦሮሚያ ክልል ሰሜን ሸዋ ዞን ሁለት የዋራ ጃርሶ ወረዳ ባለስልጣናት ከአሽከርካሪያቸው ጋር በታጣቂዎች ከተወሰዱ አስር ቀናት ማለፉ ተነግሯል፡፡

ለመረጃው ቅርበት ያላቸው አስተያየት ሰጪዎች ለዶይቼ ቬለ እንደነገሩት ታጣቂዎቹ ሁለቱን የአከባቢው ባለስልጣናት እና ሾፌራቸውን ለመልቀቅ 13 ሚሊየን ብር ጠይቀዋል፡፡

ትናንት አርብ በተለያዩ የትግራይ ክልል ከተሞች የፌደሬሽን ምክር ቤት እና የብሔራዊ ምርጫ ቦርድን ውሳኔን የሚቃወሙ ሰልፎች ተደርገዋል። የተቃውሞ ሰልፉ መነሻ አምስት የምርጫ ከልሎች ከትግራይ ክልላዊ መንግሥት ውጪ ሆነው ለብቻቸው በቀጥታ ለሕዝብ ተወካዮች ምከር ቤት ምርጫ እንዲደረግ መወሰኑ ነው።

እስራኤል እና ዩናይትድ ስቴትስ በኢራን የተቀናጀ ጥቃት መፈጸም መጀመራቸውን አስታወቁ። ኢራን በበኩሏ ወደ እስራኤል እና በመካከለኛው ምስራቅ በሚገኙ የዩናይትድ ስቴትስ የጦር ሠፈሮች እና «ጥቅሞች» ያለቻቸውን ዒላማ ማድረጓን አስታውቃለች።

ዘንድሮ ዓመት በሚካሄደው ሰባተኛ የኢትዮጵያ ጠቅላላ ምርጫ መሰረታዊ ለውጥ ይመጣል የሚል ተስፋ እንደማኖር አስተያየት ሰጪዎች ገለጹ፡፡ አስተያየታቸውን ከተለያዩ የኦሮሚያ ክልል አከባቢዎች ለዶይቼ ቬለ የሰጡ ወጣቶች ምርጫውን ከአማራጭ የሃሳብ ፍጭት ይልቅ ሂደቱን የሚጫጫነው የፀጥታ ጉዳዮች እንደሚያሰጋቸው አስረድተዋል፡፡

በአማራ ክልል በኦሮሞ ብሔረሰብ አስተዳደር ዞንና ሰሜን ሸዋ አዋሳኝ ወረዳዎች፣ በተለይም በኤፍራታ ግድም እና ጅሌ ጥሙጋ በተከሰተ ግጭት የአንድ ሰው ሕይወት ማለፉና የአምስት ሰዎች መቁሰል ተገለጸ። ግጭቱ በንብረት ላይም ጉዳት አድርሷል። ይሁን እና የሁለቱ ወረዳ ነዋሪዎች እና አመራሮች ግጭቱን በዘላቂነት ለመፍታት ቁርጠኝነታቸውን እያሳዩ ይገኛሉ።

ሰሞኑን በአማራ ክልል ደቡብ ወሎ፣ ሰሜን ሸዋ እና ደቡብ ጎንደር ዞኖች ውስጥ ባሉ ከተሞች ንፁሓን ዜጎች በድሮን ጥቃት መገደላቸውን ትብብር ለኢትዮጵያ አንድነት የተባለው የአራት ፓርቲዎች ቅንጅት ገለፀ። ቅንጅቱ በዚሁ ክልል "ተፋላሚ ኃይሎች" የአገልግሎት ተቋሟትን ማውደምን ጨምሮ ተደጋጋሚ እገታዎች መፈጸማቸውን ጠቅሶ ድርጊቶቹን አዉግዟል።