በህወሓት እና በፌደራል መንግስቱ መካከል ልዩነቶች እየሰፉ እና በግልፅ እየታዩ በመጡበት በአሁኑ ወቅት የኢትዮጵያ ምርጫ ቦርድ ይህን ውሳኔ ማሳለፉ በበርካቶች ዘንድ ስጋት የፈጠረ ሆንዋል። የዓረና ትግራይ ሊቀመንበር አቶ ዓምዶም ገብረስላሴ የምርጫ ቦርድ ውሳኔ ሕገመንግስታዊ ነው፥ ፕሪቶርያ የሰላም ስምምነት ጋር አያይዞ ማንሳት አይገባም ብለዋል።

የአለመረጋጋቱ መንስኤ ማንነታቸው ያልታወቀ ታጣቂዎች በተሽከርካሪ ይጓዙ በነበሩ የፀጥታ አባላት ላይ ጥቃት በመሰንዘራቸው ነው ሲሉ አንድ የአካባቢው ነዋሪ ለዶቼ ቬለ ተናግረዋል ፡፡ አሁድ ጠዋት ፖሊሶች በሦስት የፖሊስ ፒክ አፕ ተሽከርካሪዎች በመጓዝ ላይ ሳሉ ታጣቂዎች ተኩስ ከፍተው አንድ አባል ሲሞቱ 4 መቁሰላቸውን እንደሚያውቁም ተናግረዋል።

በሸገር ከተማ በሁሉም አቅጣጫ ባሉ ክፍለከተሞቹ ለኮሪደር ልማት በሚል የፈረሱ ቤቶች አብዛኞቹ ህገወጥ ናቸው ሲል ከተማ አስተዳደሩ አስታወቀ፡፡ የከተማ አስተዳደሩ እንዳለው ሕጋዊ ካርታ ለሌላቸው የሚከፈል ካሳም ሆነ የሚሰጥ ምትክ ቦታ የለም። ነዋሪዎች በከተማይቱ ዋና መንገዶች ዳርቻ የነበሩ ቤቶች በመደዳው ቢፈርሱም እስካሁን የተሰራ ልማት የለም።

የዩናይትድ ስቴትስና የሶሪያ መሪዎች ሲነጋገሩ ከ25 ዓመታት ወዲሕ የትራምፕና የአል ሻራዕ የመጀመሪያዉ ነዉ።ትራምፕ ፖለቲካ-ዲፕሎማሲን ከንግድ-ምጣኔ ሐብት በቀየጠዉ ጉብኝታቸዉ ለሳዑዲ አረቢያ የ142 ቢሊዮን ዶላር የጦር መሳሪያ ለመሸጥ ተስማምተዋል።ሳዑዲ አረቢያ ዩናይትድ ስቴትስ ዉስጥ 600 ቢሊዮን ዶላር ሥራ ላይ ታዉላላች

አሜሪካ እና ቻይና አንዳቸው በሌላቸው ሸቀጦች ላይ የጣሉትን ታሪፍ ከዛሬ ጀምሮ ለ90 ቀናት በከፍተኛ መጠን ቀንሰዋል። ሁለቱ የንግድ ከባድ ሚዛን ተፋላሚዎች ታሪፍ የቀነሱት ከጥቂት ቀናት ከፍተኛ ባለሥልጣኖቻቸው በተስማሙት መሠረት ነው። ዶናልድ ትራምፕ በታሪፍ የጀመሩት የንግድ ጦርነት የዓለም ኢኮኖሚ ዕድገትን እንደሚያቀዛቅዝ አስግቶ ነበር።

በምንኖርበት የበይነመረብ ዓለም ጎግል ላይ በየቀኑ 8.5 ቢሊዮን የመረጃ ፍለጋዎች ይካሄዳሉ።በአሁኑ ወቅት ለብዙዎች የህይወት አንድ አካል በሆኑት የተንቀሳቃሽ ስልኮቻችን እና በላፕቶፕዎቻችን ላይ በየቀኑ የምንጠቀማቸው ብዙዎቹ አገልግሎቶች ነፃ ናቸው።ነገር ግን በሌላ መንገድ የግል መረጃዎቻችንን በመስጠት ለኩባንያዎቹ ዋጋ እንከፍላለን።

ከአትላንቲክ ወዲያ ማዶ ያለው ግንኙነት ተጠናክሮ እንዲቀጥል የሚሹት ሜርስ ዶናልድ ትራምፕ የሚመሯት ዩናይትድ ስቴትስ ለሰሜን አትላንቲክ የጋራ መከላከያ ቃል ኪዳን ድርጅት ኔቶ ወታደራዊ እርዳታ መስጠት መቀጠሏን ይጠራጠራሉ። ከአሜሪካን ነጻ መውጣት መቻል አለብን ያሉት ሜርስ የአውሮጳ ሀገራት የመከላከያ ፖሊሲ ትብብር እንዲመሰርቱ እየጣሩ ነው።

የትግራይ ባህልና ቱሪዝም ቢሮ በትላንትናው ዕለት ግንቦት 4 ቀን 2017 ዓመተምህረት፥ ለኢትዮጵያ ፌደራል መንግስት ቱሪዝም ሚኒስቴር የፃፈው ደብዳቤ እንደሚያመለክተው ወደ ትግራይ ለጉብኝት የሚጓዙ ቱሪስቶች ጨምሮ የተለያዩ ስራዎች ያሏቸው የውጭ ዜጎች ወደ ክልሉ እንዳያመሩ በኤርፖርቶች ክልከላ እየተደረገባቸው መሆኑ ያመለክታል።

ከዛሬ ጀምሮ ከድንገተኛ፣ ከጽኑ ሕሙማን፣ ከጨቅላ ሕፃናት እና ከማዋለጃ ክፍል አገልግሎቶች በስተቀር ሥራ የማቆም አድማ የጀመሩ የጤና ባለሙያዎች መኖራቸውን በተለያየ የሀገሪቱ ክፍል ካነጋገርናቸው ባለሙያዎች መካከል አንዳንዶቹ ገልፀዋል።

ትራምፕ ከሳዑዲ አረቢያ በተጨማሪ የተባበሩት አረብ ኤምሬቶችንና ቀጠርን ይጎበኛሉ።የአሜሪካዉ ፕሬዝደንት ዛሬ ሪያድ ሲገቡ ልዩ አቀባባል ተደርጎላቸዋል።ቀጠር ደግሞ «የሠማይ ላይ ቤተ-መንግሥት» የተባለ ልዩ አዉሮፕላን ለትራምፕ ሠጥታለች