ኢትዮጵያ በ1920 ዎቹ በጀርመን ዲፕሎማት ዕይታ በሚል 51 ታሪካዊ ፍቶግራፎች አዲስ አበባ በሚገኘው ፈንዲቃ የባሕል ማዕከል ውስጥ በዚህ ሳምንት ለዕይታ ቀርበዋል።ምስሎች በዚያን ዘመን የነበረውን የኢትዮጵያን ሕይወት ፣ የከአዲስ አበባን ቀደምት ገጽታ፣የመንግሥታት ደብዳቤዎች፣ የሃይማኖት ክብረ በዓላት ጨምሮ ታሪክን ከትዝታ አሰናስለው ይዘዋል።

በኦሮሚያ ክልል ምዕራብ ሸዋ ዞን ሶስት ወረዳዎች ስሙ በውል ያልታወቀ የዱር እንስሳ ጥቃት የሰዎች ሕይወት እንዳለፈ ነዋሪዎች ተናገሩ። የዱር እንስሳው በዞኑ አደዓ በርጋ፣ ሜታ ሮቢ እና ሜታ ወልቂጤ ወረዳዎች ለሚገኙ ነዋሪዎች ሥጋት ሆኗል።

ጠቅላይ ሚኒስትር ዐቢይ አሕመድ ለጉብኝት ወደ ኢትዮጵያ ብቅ ካሉት የሳዑዲ አረቢያ ውጭ ጉዳይ ሚኒስትር ልዑል ፈይሰል ቢን ፈርሃን ቢን አብዱላሕ ጋር ተ “ቀጣናዊ እና አለምአቀፋዊ ጉዳዮች” ላይ መወያየታቸውን አስታውቀዋል። በሱዳን ጦርነት ምክንያት የውጭ ጉዳይ ሚኒስትሩ የአዲስ አበባ ጉብኝት ከፍተኛ ግምት ተሰጥቶታል።

ኢትዮጵያውያን ከ3,000 የአሜሪካ ዶላር ያልበለጠ የውጭ ምንዛሬ ከሀገር ውጭ ለሚኖሩ ዘመዶቻቸው "እገዛ እንዲውል" ከሀገር ቤት ወደ ውጭ ማስተላለፍ እንዲችሉ ተፈቀደ። የኢትዮጵያ ብሔራዊ ባንክ በውጭ ምንዛሬ መመሪያ ላይ 19 ማሻሻያዎችን አድርጓል። ርምጃው የምንዛሪ አስተዳደሩን "ቀለል" ማድረጉን የገንዘብ አስተዳደር ባለሙያ ተናግረዋል

ከአመያ ወረዳ ተፈናቅለው በጉራጌ ዞን አበሽጌ ወረዳ ተጠልለው ከቆዩ ተፈናቃዮች ከ1,200 በላይ ወደ ቀያቸው መመለሳቸውን የአካባቢው ባለሥልጣን ገለጹ። ሁለት ወደ ቀያቸው የተመለሱ ነዋሪዎች የደሕንነት ዋስትና እንደሚያስፈልጋቸው ገልጸዋል። ለተመላሾቹ ደሕንነት አካባቢዎቹን የሚቆጣጠረው የጸጥታ ዕዝ ኃላፊነት እንደወሰደ አንድ ባለሥልጣን ተናግረዋል

የብሪታኒያ ዓለም አቀፍ ኢንቨስትመንት (BII) ለላቭግራስ ኢትዮጵያ የአምስት ሚሊዮን ዶላር ፋይናንስ እንደሚያቀርብ አስታውቋል። ኩባንያው በሱሉልታ በሚገኘው ፋብሪካ ከጤፍ ፓስታ እና ኩኪሶችን ጨምሮ የተለያዩ ምግቦች እያመረተ ለዓለም ገበያ የሚያቀርብ ነው። መሥራቹ ዮናስ አድማሱ በቢኤንፒ ፓሪባ፣ ጄፔ ሞርጋን እና ክሬዲት ስዊዝ ባንኮች ሠርተዋል።

በሱዳን እየተካሄደ ባለው የርስ በርስ ግጭት የውጭ መንግስታት ጣልቃ ገብነት በጭምጭምታ ይነገር እንደነበር የሚያስረዱት ተንታኞች ግጭቱ በአፍሪካ ቀንድ የውክልና ጦርነት ሊያስከትሉ ከሚችሉ ክስተቶች ማሳያዎች አንዱ ሊሆን ይችላል ሲሉ ያስጠነቅቃሉ ።

የፌደራል የጸጥታ ኃይሎች ከአላማጣ ፣ኮረም እና ሌሎች አካባቢዎች ለቆ መውጣቱን ተከትሎ ለመፈናቀል የተገደዱ ነዋሪዎች ለብርቱ ሰብአዊ ችግር መዳረጋቸውን አመለከቱ። ተፈናቃዮቹ እንዳሉት ወደ አቅራቢያ ከተሞች ከሸሹ ሁለት ሳምንት ቢሞላቸውም ምንም አይነት የሰብአዊ ድጋፍ እንዳልቀረበላቸው ተናግረዋል።

በሕዝብ ተወካዮች ምክር ቤት የአማራ ብሔራዊ ንቅናቄ (አብን) ተመራጭ የሆኑት ዶክተር አበባው ደሳለው በመጪው ጠቅላላ ምርጫ ኢሕአፓን ወክለው እንደሚወዳደሩ ትናንት ይፋ አድርገዋል።

የፓርላማ አባሉ፤ "ባለፉት አራት ዓመታት ከአብን አመራሮች ጋር በፍፁም ተገናኝቼ አላውቅም" ሲሉ ሌላ ፓርቲን ለመቀላቀል ምክንያት ያሉትን ጠቅሰዋል።

የኢትዮጵያ ሀገራዊ ምክክር ኮሚሽን ለአንድ ዓመት የተራዘመለት የሥራ ጊዜው ሊያበቃ አንድ ሳምንት ብቻ ቀርቶታል።ኮሚሽኑ ሥራውን እንዲያጠናቅቅ በሚል የኢትዮጵያ ሕዝብ ተወካዮች ምክር ቤት ባለፈው ዓመት የካቲት 11፤ 2017 ዓ.ም ባደረገው አስቸኳይ ስብሰብ ነበር ጊዜው ለአንድ ዓመት ያራዘመው።ያም ሆኖ ኮሚሽኑ በትግራይ ክልል ስራ አልጀመረም።