ሰሞኑን የሁለት ክልሎች ይገባኛል ጥያቄ ካለባቸው አካባቢዎች ባንዱ የተከሰተውን ግጭት ለመፍታት "ከፌዴራል መንግሥት ጋር ለመነጋገር ዝግጁ መሆኑን" የትግራይ ክልል ጊዜያዊ አስተዳደር ገለፀ። የጊዜያዊ አስተዳደሩ ፕሬዝዳንት ታደሰ ወረደ ችግሩ የተከሰተው "መሠረታዊ" ያሏቸው የትግራይ ጥያቄዎች ዘላቂ መፍትሔ ባለማግኘታቸው ነው ብለዋል።

የአሜሪካው ፕሬዝደንት ዶናልድ ትራምፕ የአባይ ውሃ ባለድርሻነት ለዘለቄታው እልባት እንዲያገኝ በሚል፤iኢትዮጵያ እና ግብፅጽን ዳግም ወደ ድርድር ለማምጣት ሀገራቸው ቁርጠኛ መሆኗን ደጋግመው ገልፀዋል.።ያም ሆኖ ትራምፕ በተለያዩ ጊዜዎች የሚሰጧቸው ወደ ግብፅ ያዘነበሉ አስተያየቶች የገለልተኝነት እና የፍትሃዊነት ጥያቄ ማስነሳቱ አልቀረም።

በኢትዮጵያ መከላከያ ሠራዊት እና በትግራይ ኃይሎች መካከል በተፈጠረው ግጭት ምክንያት “በሲቪሎች ላይ ሊደርስ የሚችል ተጽዕኖ እና ወደ ሰፊ ግጭት የመመለስ ሥጋት” እንደሚያሳስባቸው የተመ ዋና ጸሀፊ አንቶኒዮ ጉቴሬዝ ገልጸዋል። ብሪታኒያ ዜጎቿ ወደ ትግራይ እንዳይጓዙ ስትመክር የአውሮፓ ኅብረት ውጥረቱን በአፋጣኝ ማርገብ እንደሚያስፈልግ አሳስቧል።

የኢትዮጵያ አየርመንገድ መቀሌን ጨምሮ ወደ ትግራይ ክልል የተለያዩ ከተሞች የሚያደርገውን በረራ ከትናንት በስቲያ ጀምሮ ዛሬም ድረስ ተቋርጦ መቀጠሉን ተከትሎ በክልሉ ነዋሪዎች ላይ ስጋቱ አይሏል፡፡

የኢትዮጵያ ሰብአዊ መብቶች ኮሚሽን በትግራይ፣ በአማራ እና በአፋር ክልሎች አንዳንድ "አዋሳኝ" ያላቸው አካባቢዎች ግጭትና ወታደራዊ እንቅስቃሴዎች መኖራቸውን ትናንት ማምሻውን ባወጣው መግለጫ ገለፀ።

ከዛሬ ጥር 23 ቀን 2018 ዓ.ም. ጀምሮ በፕላስቲክ ከረጢት እቃ መያዝም ሆነ መሸጥን የሚከለክለው ሕግ ገቢራዊ መሆን መጀመሩን ተክተሎ ለቅጣት ይዳርጋል። አዲስ አበባ ውስጥ ዛሬ ተዘዋውረን በተመለከትናቸው ትልልቅ መገበያያ ሱቆች ውስጥ በተለምዶ ፌስታል የሚባለው የፕላስቲክ ከረጢት ከፕላስቲክ ውጪ በተሰሩ ከረጢቶች ተተክተው ታይተዋል፡፡

ከአንድ ዓመት በኋላ፣ ጎማ ለጦርነት ክፍት የሆነች ከተማ አይደለችም። የጸጥታ ሁኔታ ተሻሽሏል። ገበያዎች እንደገና ተከፍተዋል፣ትምህርት ቤቶችም ተከፍተዋል። ሆኖም የኢኮኖሚ ሁኔታው ​​አሁንም አስቸጋሪ ነው። ከተማዋ አሁንም በአማፂያን ቁጥጥር ስር ነች። ከሁሉም በላይ፣ ስነልቦናዊ መዘዞች በስፋት አሉ። ጭንቀት የብዙዎች የዕለት ተዕለት እውነታ ነው።

በኢትዮጵያ ፌድራል መንግሥት ወታደሮች እና በትግራይ ኃይሎች መካከል ተፈጠረ የተባለው ግጭት ከመቐለ እስከ አላማጣ በነዋሪዎች ዘንድ ሥጋት ፈጥሯል። የኢትዮጵያ አየር መንገድ በውጥረቱ ምክንያት በረራዎች እንደሰረዘ አሶሼትድ ፕሬስ ዘግቧል። እስካሁን ከፌድራል መንግሥት፣ ከትግራይ ጊዜያዊ አስተዳደር ወይም ከህወሓት በኩል በይፋ የተሰጠ መግለጫ የለም።

ከአላማጣ ነዋሪዎች ጦርነት ሊቀሰቀስ ይችላል በሚል ሥጋት ወደ ሌሎች ከተሞች መሸሽ መጀመራቸውን ገለጹ። ነዋሪዎች ከከተማዋ መሸሽ የጀመሩት በመከላከያ ሠራዊት እና ፌድራል ፖሊስ የተቋቋመው ኮማንድ ፖስት ለቆ ከወጣ በኋላ እንደሆነ ተናግረዋል።

በትግራይ እና አማራ ክልሎች አዋሳኝ አካባቢዎች ሰሞኑን እየተስተዋለ ያለው ውጥረት እንዲረግብ ከልዩ ልዩ አካላት ጥሪዎች እየቀረቡ ነው። የአፍሪካ ሕብረት ባወጣው መግለጫ የሕብረቱ ኮሚሽን ሊቀመንበር መሐሙድ አሊ የሱፍ ኹኔታዎችን በቅርበት እየተከታተሉ ሲሆን የተፈጠረው ውጥረት እንዳሳሰባቸው ገልጿል።