የቪዛ እገዳው ሰለባ የሆኑ አገሮች ዜጎች የቪዛ ማመልከቻቸውን ማስገባት ይችላሉ። ሆኖም እገዳው በተጣለበት ጊዜ ውስጥ፣ የሚቀርብ የስደተኛ ቪዛ ማመልከቻ ተቀባይነት አይኖረውም ። ሆኖም ቱሪስቶች፣ አትሌቶችና ቤተሰቦቻቸው እንዲሁም ለፊፋ የዓለም እግር ኳስ ዋንጫ ወደ አሜሪካ ለሚጓዙ የሚዲያ ተወካዮች የሚሰጡ ሌሎች ቪዛዎች እገዳው አይመለከታቸውም።

የአሜሪካው ፕሬዝደንት ዶናልድ ትራምፕ ኢትዮጵያ ኅዳሴ ግድብ ያሳሰባቸው ይመስላል። እሳቸው እንደሚሉት በግድቡ ምክንያት ግብፅ የውኃ እጥረት ይገጥማታል ነው። ለዚህ ደግሞ ሰላማዊ መፍትሄ ማምጣት እንደሚችሉ በድጋሚ ወደ ሥልጣን ከመጡ ወዲህ ደጋግመው ተናግረዋል።

ረቂቂ በስፖርት ማዘውተሪያ ጉዳት የሚያደርስ ወይም ሁከት ሊያስነሳ የሚችል ድርጊት መፈጽም፤ በቃል፣ በዜማ፣ በጽሑፍ፣ በምልክት እና በአለባበስ የሚገለፁ መልካም ስነ ምግባርን የሚፃረሩና ሁከትን ሊያነሳሱ የሚችሉ ድርጊቶች መፈፀም፤ የዘረኝነትና የማህበራዊ ልዩነትን የሚያንፀባርቁ ማናቸውንም ዓይነት ድርጊቶች መፈፀም፤የተከለከለ መሆኑን ይደነግጋል።

ትናንት ምሽት ሳይጠ።በቅ በግሪንላንድ ጉዳይ ላይ ወደፊት አሜሪካ ዴንማርክና ኔቶ ከስምምነት ለመድረስ በሚያስችል ማዕቀፍ ላይ የተስማሙ መሆኑን እራሳቸው ፕሬዝዳንት ትራምፕ በማህበራዊ ገጻቸው ማስታወቃቸው ለብዙዎች እፎይታን አስገኝቷል።ከዚሁ ጋርም ጀርመንን ፈረንሳይንና ብርታኒያን ጨምሮ በስምንት አገሮች ላይም የዛቱትን ታሪፍ እንደማይጥሉም ገልጸዋል።

የጀርመን የውጭ ጉዳይ ሚኒስትር ዮሐን ቫደፉል ዛሬ አዲስ አበባ ዉስጥ ከኢትዮጵያ ጠቅላይ ሚንስትር ዐብይ አሕመድ፣ ከሌሎች ባለሥልጣናትና ከአፍሪቃ ሕብረት ኮሚሽን ፕሬዝደንት ማሕሙድ ዩሱፍ ጋር ተነጋግረዋል። የጀርመኑ ሚኒስትር ዛሬ አዲስ አበባ የገቡት ትናንት ናይሮቢ-ኬንያን ከጎበኙ በኋላ ነዉ።

የቲክቶክ፣ ዩቲዩብ እና ኢንስታግራም እና የፌስቡክ ዘመን፣ ተፅዕኖ ፈጣሪዎች ከተዋናዮች፣ ስፖርተኞች ወይም ከፖለቲካ መሪዎች - በተለይም በወጣቶች ዘንድ የበለጠ ተፅዕኖ እየፈጠሩ ነው። ነገር ግን የሚያቀርቧቸው ይዘቶች ጠቃሚ እና በሳል ዕይታ እና አስተሳሰብ የታከለበት ካልሆነ፣ተፅዕኗቸው በሚከተሏቸው ወጣቶች ላይ አሉታዊ ተጽዕኖ ሊያሳድር ይችላል።

የዓለም አቀፉ ቀይ መስቀል ኮሚቴ ዋና ዳይሬክተር ፒየር ክሬሄንቡህል እና የጀርመን ቀይ መስቀል ዋና ጸሐፊ ክርስቲያን ሮይተር በኢትዮጵያ የሥራ ጉብኝት ላይ ናቸው። በመጭው ዓርብ ጉብኝታቸውን አጠናቀው እንደሚመለሱ ከድርጅቱ የኢትዮጵያ ጽሕፈት ቤት ያገኘነው መረጃ ያመለክታል።

ባለፈው እሁድ ተጀምሮ የፊታችን አርብ የሚያበቃው የዓለም የኤኮኖሚ መድረክ ካተኮረባቸው ቁልፍ ርዕሰ ጉዳዮች መካከል የዩናይትድ ስቴትስ ፕሬዝዳንት ዶናልድ ትራምፕ ከሁለተኛው የዓለም ጦርነት ወዲህ በአመዛኙ በሥራ ላይ በዋሉት ዓለም አቀፍ ሕጎች ላይ የሰነዘሩት ጥቃትና ይህም በዓለም አቀፍ ሰላም፣ፖለቲካና ኢኮኖሚ ላይ ያሳደረው ተጽዕኖ ይገኝበታል።

የግብርና ሚኒስቴር በድህረ ምርት የአያያዝ ጉድለት ምክንያት ከሚመረተው ሰብል ከ20 እስከ 30 %፤ አበባን ጨምሮ ከፍተኛ ዋጋ ያላቸው አትክልትና ፍራፍሬዎች ከ30 እስከ 50 %፤ በእንስሳት ምርት እስከ 40 % ብክነት እንዳለ አመላክቷል።

በኦሮሚያ ክልል ጉጂ ዞን ሰባ-ቦሩ ወረዳ ታጣቂዎች በአንድ ምግብ ቤት ደርሰው በከፈቱት ጥቃት የሁለት ሰዎች ሕይወት ሲያልፍ አምስት ሰዎች ደግሞ ተጎድተዋል። ጉዳቱ የደረሰው ጥር 10 ቀን እሑድ ከምሽቱ 3 ሰዓት ግድም ታጣቂዎች በወረዳው ሳቢቹ ቂንጣቢ ቀበሌ ልዩ ስሙ ኤላ-ዲማ በአንድ ምግብ ቤት ውስጥ ገብተው በከፈቱት የእሩምታ ተኩስ ነው።