በፖለቲካ እና በማንነት" ምክንያት ለእሥር የተዳረጉ ያላቸው ፖለቲከኛች እና የመገናኛ ብዘኃን ባለሙያዎች እንዲፈቱ የኢትዮጵያ ሕዝባዊ አብዮታዊ ፓርቲ (ኢሕአፓ) ጠየቀ። ፓርቲው አመራሮቹ በቂሊንጦ ማረሚያ ቤት የሚገኙ እሥረኞችን ከጎበኙ በኋላ ባወጣው መግለጫ የሰብአዊ መብት ተቆርቋሪ ድርጅቶች የግፍ እሥር እንዲቆም መሥራት ይጠበቅባቸዋል ሲል ጠይቋል።

እስራኤል ለምስራቅ አፍሪካዊቷ ራስ ገዝ ግዛት ሶማሌላንድ የአገርነት እውቅና የሰጠችው የመጀጀመሪያዋ አገር መሆናን ተከትሎ ውዝግብ የማያጣው የአፍሪካ ቀንድ በብዙ እያወዛገበ ነው፡፡ የእስራኤልን እውቅና ተከትሎ በመላው ዓለም የተለያዩ ድምጾች እየተሰሙ ሲሆን በሀርጌሳ ደግሞ ደማቅ ሕዝባዊ የደስታ ትዕይንት ታይቷል።

የእስራኤል የእውቅና መስጠት መግለጫን ተከትሎ የአፍሪካ ሕብረት ሊቀመንበር መሐመድ ዓሊ ዩሱፍ ዛሬ እንዳስታወቁት የእስራኤልን ድርጊት ሕገወጥ ሲሉ አውግዘውታል።

የኦሮሚያ ክልላዊ መንግስት የመጀመሪያው ፕሬዚዳንት አቶ ሀሰን አሊ ከ27 ዓመታት በኋላ ትናንት ሓሙስ ታህሳስ 16 ቀን 2018 ዓ.ም. ወደ አገርቤት ተመልሰዋል፡፡ አቶ ሀሰን ከኢህአዴግ ጋር በገቡት የፖለቲካ ችግር ከስደት ትናንት ወደ አገር ቤት ሲመለሱ የወቅቱ የክልሉ ፕሬዝዳንት አቶ ሽመልስ አብዲሳ ደማቅ አቀባበል አድርገውላቸዋል፡፡

ወላጆች በተለያዩ ጉዳዮች ላይ ምክሮችን ሊለግሱ ይችላሉ፡፡ ይሁንእንጂ ታዳጊዎች ወላጆች በሚሰጧቸው ምክሮች እና ተግፃፆች ላይ የተለያየ አረዳድ አላቸው ፡፡ አንዳንዶች ፤ ቤተሰብ ሁልጊዜ ልክ ነው ታዳጊዎች ቤተሰቦቻቸውን መስማት አለባቸው ሲሉ ሌሎች ደግሞ ልጆች የማያምኑበት ነገር ሲኖር ሀሳባቸው መግለጽና ማስረዳት አለባቸው ይላሉ ፡፡

በሰሜንና ደቡብ ወሎ በካምፕ ዉስጥ የሚገኙ የሀገር ዉስጥ ተፈናቃዮች መንግስት ድጋፍ እያደረገልን ቢሆንም ዘላቂ መፍትሄ ሊሰጠን ይገባል አሉ። ተፈናቃዮቹ በነፍሰ ወከፍ 15 ኪሎ በቆሎ በየወሩ እየደረሳቸዉ ቢሆንም ለአመታት ተረጂ መሆናቸው ለስነ ልቦናዊ ጉዳት እንደዳረጋቸው ተናግረዋል።

በትግራይ ክልል የሰብአዊ ድጋፍ "የፖለቲካ ፍላጎት" ማራመጃ እየሆነ ነው ሲል የፌዴራል አደጋ ሥጋት አመራር ኮሚሽን ገለፀ። የትግራይ ክልል ጊዜያዊ አስተዳደር አደጋ ሥጋት አመራር ኮሚሽን ግን በክልሉ ወደ "አንድ ሚልዮን የሚሆኑ ተፈናቃዮች በካምፖችና ከማህበረሰቡ ጋር ተቀላቅለው ያለ በቂ ሰብአዊ ድጋፍ በአስከፊ የኑሮ ሁኔታ" እየኖሩ ነው ብሏል።

ከትግራይ ክልል ደንጎላት እና አማራ ክልል ከዋግ ህምራ ብሄረሰብ ዞን ፃግብጂ ወረዳ የመጡ ህፃናት ለልመና እድሜያቸዉን ለማይመጥን ስራ እየተዳረጉ ነዉ ተባለ ። ህፃናቱ በደሴ ከተማ የተለያዮ አካባቢዎች ይህንን ተግባር ሲፈፅሙ እድሜያቸዉ ከ8 እስከ 12 አመት ይሆናል።

የኢትዮጵያ ብር በዓለማቀፍ ደረጃ በመግዛት አቅሙ እጅግ ደካማ ከተባሉ የመገባያ ገንዘቦች ከቀዳሚዎቹ ተርታ መሰለፉ ተዘግቧል፡፡ ምጣኔ ሃብታዊ ጉዳዮች ላይ ዘገባዎችን የሚያወጣው ብሉምበርግ ከሰሞኑ እንደዘገበው የኢትዮጵያ ብር ከአርጄንቲናው ፔሶ እና ከቱርክዬ ሊራ በመቀጠል በፍጥነት እየተዳከመ የመጣ ገንዘብ ብሎታል፡፡

በግጭት፣ በጦርነት እና መሰል አስገዳጅ ችግሮች ምክንያት ከቀያቸው የተፈናቀሉ ኢትዮጵያውያን ዜጎች የሰብአዊ ድጋፍ አቅርቦት ኹኔታ ሰሞኑን ብርቱ መነጋገሪያ ሆኗል።