ዩናይትድ ስቴትስ በኢትዮጵያ፣ ኤርትራ እና ሶማሊያ መካከል “አዲስ ግጭት እንዳይቀሰቀስ መከላከል” ላይ ማተኮር እንዳለባት የፕሬዝደንት ዶናልድ ትራምፕ አስተዳደር ይፋ ያደረገው የብሔራዊ ደሕንነት ፖሊሲ ሰነድ አሳየ።

የአሜሪካው ሳቢን የክትባት ኢንስቲትዩት ከ640 በላይ በሙከራ ላይ የሚገኘውን ሲኤዲስሪ የማርበርግ ክትባት (cAd3-Marburg Vaccine) ወደ ኢትዮጵያ እንደላከ አስታውቋል። ወጪውን የሚሸፍነው በአሜሪካ ጤና ሚኒስቴር ሥር የሚገኘው የባዮ ሜዲካል የላቀ ምርምር እና ልማት ባለሥልጣን (BARDA) ነው።

ኢህአፓ ገዢው ፓርቲ እያሳደረ ባለው ጫና ምክንያት በቀጣዩ ምርጫ ላይ የሚኖረውን ተሳትፎ እንደሚገመግም አስታወቀ። የፓርቲው ዋና ጸሐፊ ወይዘሪት ሚስጥረስላሴ ታምራት ዛሬ ለዶቼ ቬለ በሰጡት አጭር ቃለምልልስ ፓርቲው ሊያካሂድ አቅዶ የነበረው ህዝባዊ ስብሰባ የገዢው ፓርቲ ባሳደረው ጫና ምክንያት ተስተጓጉሏል።

የተባበሩት መንግሥታት የሰብአዊ መብቶች ኮሚሽነር ፎልከር ቱርክ በሱዳን ኮርዶፋን በተባባሰው ግጭት ምክንያት የሚፈጸመው ግፍ መበርታቱትን አስጠንቅቀዋል። ኃላፊው “በተፋላሚ ኃይሎች ላይ ተጽዕኖ ማሳደር የሚችሉ ሁሉም ሀገራት ውጊያውን ለማቆም እና ግጭቱን የሚያባብሰውን የጦር መሣሪያ አቅርቦት ለመግታት አፋጣኝ እርምጃ እንዲወስዱ ጥሪ” አቅርበዋል።

በአማራ ክልላዊ መንግሥት እና የአማራ ፋኖ ሕዝባዊ ድርጅትን በመወከል ማስረሻ ሰጤ የተፈራረሙት “ዘላቂ የሰላም ሥምምነት” ጥያቄ በርትቶበታል። ማስረሻ ሥምምነቱን የፈረሙት አፋሕድ ከአመራርነት እንዳገዳቸው ባሳወቀ በቀናት ልዩነት ነው። የፋኖን እንቅስቃሴ እና የአማራ ክልልን ፖለቲካ የሚከታተሉ አጥኚዎች ሥምምነቱ ከግለሰብ ያለፈ እንዳልሆነ ይተቻሉ።

በአማራ ክልል በመንግስት የጸጥታ ኃይሎች እና በፋኖ ታጣቂዎች መካከል ግጭት መራዘሙ ህይወት አስከፊ እንዳ,ደረገባቸው ዶቼ ቬለ ያነጋገራቸው ነዋሪዎች ተናገሩ ። በክልሉ የተለያዩ ዞኖች ነዋሪዎች እንደሚሉት ግጭት አስቸኳይ መፍትሔ ካልተበጀለት መጪው ጊዜ አሳሳቢ ነው።

አሰፋ ዳኜ የሙዚቃ መሣሪያ ተጫዋች ፣ አቀናባሪ እና መምህር ነው። የተለያዩ የሙዚቃ መሣሪያዎችን ከልጅነቱ አንስቶ መጫወት የሚችል ሲሆን ከኢትዮጵያ ታዋቂ አርቲስቶች ጋርም ሰርቷል። ስራዎቹን ውጭ ሀገር ድረስ የማሳየት እድልም ነበረው።

ለአንድ ሥነ-ጥበበኛ በአ.አ ዩኒቨርሲቲ የሙሉ ፕሮፌሰርነት ማዕረግ መሰጠት እንደሚችል ማሳያው ማመላከቻው ዳገቱ ምልክቱ ነው በቀለ መኮንን። ያሉትና የመጪዎቹ የሥነ-ጥበብ ልሂቃን ተስፋና ብርታትም ነው።ይህ ለሥነ-ጥበቡ ብቻም ሳይሆን ለሙዚቃውም ፣ ለትያትሩም ነው። ለመሆኑ ግን በሙዚቃ ወይም በትያትርስ የሙሉ ፕሮፌሰርነት ማዕረግ ተሰጥቶ ያውቅ ይሆን?

በሚኒሶታ ግዛት የስደተኞች ጉዳይ ጠበቃ የሕግ ባለሙያው አቶ ሙሉአለም ጌታቸው፣ እንደሚሉት፣ከ80 እሰከ 100 ሺህ የሚገመቱ ሶማሊያውያን ስደተኞች በሚኖሩባት ሚኒሶታ ግዛት፣ በአሁኑ ሠዓት ሶማሊያውያን ስደተኞች በቁጥጥር ስር መዋል መጀመራቸውን ገልጸዋል። እርምጃው ለኢትዮጵያውን ስደተኞች ጭምር ከባድ ስጋት መሆኑንም አመልክተዋል።

በትግራይ ክልል ዋና ከተማ መቀሌ ዛሬ ከማለዳው ጀምሮ ወታደራዊ እንቅስቃሴዎች ጎልተው መታየታቸውን ተከትሎ ውጥረት ነግሶ መዋሉን የዓይን ምስክሮች ለዶቼ ቬለ ተናገሩ። ጠዋት የክልሉ ፕሬዚዳንት ጽ/ቤት በመክበብ የተጀመረው የክልሉ ታጣቂ ቡድን እንቅስቃሴ በኋላ ላይ ድምጸ ወያኔን ጨምሮ ዋና ዋና የክልሉ ተቋማትን ወደ መቆጣጠር ተሸጋግሯል።