ዩክሬን ከሩስያ ጋር የምታካሂደውን ጦርነት እንድታሸንፍ የሚፈልጉት አውሮጳውያን ባለፈው ሰሞን ጄኔቫ ውስጥ ተሰብስበው ለሰላም እቅዱ የበኩላቸውን ማሻሻያ ከማቅረብ ውጭ የትናንቱን የፍሎሪዳው ንግግር ጨምሮ በአሜሪካን የሰላም እቅዱ ሂደት አልተሳተፉም። ንግግሩ የቀጠለው አውሮጳውያኖች በሌሉበት ነው።

ቸልሲ በለንደን ደርቢ አርሰናልን ትናንት ነጥብ አስጥሎ ግስጋሴውን ገትቷል ። ሊቨርፑል፣ እና ማንቸስተር ዩናይትድ በተጋጣሚ ሜዳ ማንቸስተር ሲቲ ደግሞ በኤቲሐድ ስታዲየሙ ድል ቀንቷቸዋል ። በቡንደስሊጋው ላይፕትሲሽ እና ዶርትሙንድ አንገት ለአንገት ተናንቀዋል ።

በዓለም ዙርያ የሚገኘዉ የጦር መሳሪያ ኢንዱስትሪ ከፍተኛ የጦር መሳርያ ንግድን አስመዘገበ። የዓለማችን ትልልቅ የሚባሉት 100 የጦር መሳሪያ አምራቾች ከመሳርያዎች ሽያጭ በጎርጎረሳዉያኑ 2024 ከሚያገኙትን ገቢ በ 5.9 በመቶ መጨመሩን በስቶክሆልም የሚገኘዉ ዓለም አቀፉ የሰላም ምርምር ተቋም (SIPRI) ይፋ ባደረገዉ ዓመታዊ መግለጫ አስታወቀ።

ርዕሰ ሊቃነ ጳጳሳት ሊዮ አሥራ አራተኛ በቱርክ የሦስት ቀናት ጉብኝታቸው በኋላ እስራኤል አጎራባች ወደ በሆነችዉ በሊባኖስ ጉብኝታቸዉን ጀመሩ። ርዕሰ ሊቃነ ጳጳሳቱ ትናንት እሁድ መዲና ቤይሩት እንደደረሱ ከፍተኛ የኢኮኖሚ ቀውስ ዉስጥ የሚገኘዉን የሊባኖስን ህዝብ በጥንካሪ እንዲቆም አበረታተዋል

በአማራ ክልል የኦሮሞ ብሔረሰብ አስተዳደር ዞን ባቲ ወረዳ ከሁለት ዓመታት በላይ ለበቀል ይፈላለግ የነበረ ማህበረሰብ እስከ ሌሊት ዘጠኝ ሰዓት በቆየ የሽምግልና ስረዓት ዕርቅ አወረዱ ። በግጭቱ ምክንያት እርቅ ማውረዳቸውን ለዶቼ ቬለ የገለጹ የማህበረሰቡ ተወካዮች እንዳሉት በህግ ያልቻልነውን በቆየ የሽምግልና እሴታችን ሰላም አውርደናል ብለዋል።

ብዙ ተቃዋሚ ፓርቲዎች ግን ኢትዮጵያ ዉስጥ የቀጠሉት ግጭቶች፣ የሰብአዊ መብት ጥሰቶች፣ የፖለቲካ አለመረጋጋትና ሥርዓተ አልበኝነት ሳይወገዱ ወይም ሳይቃላሉ ምርጫ ማድረግ ያስቸግራል እያሉ ነዉ

ባሳለፍነው ረቡዕ ዕለት ነበር ወታደሮች በቴሌቪዥን መስኮት ብቅ ብለው ነው ጊኒቢሳው ውስጥ የመንግሥትን ሥልጣን መቆጣጠራቸውን ይፋ ያደረጉት። ለቀናት በወታደሮቹ ቁጥጥር ሥር የቆዩት የሀገሪቱ ፕሬዝደንት ትናንት ወደ ጎረቤት ሀገር ሴኔጋል መግባታቸውን የዳካር መንግሥት አረጋግጧል።

ሉዋንዳ አንጎላ ውስጥ የተካሄደው የአፍሪቃ ሕብረት እና የአውሮጳ ሕብረት ጉባኤ የንግድ ትስስርን ስለማጠናከር እና የስደተኞችን ፍሰት ስለመግታት ለሁለት ቀናት መክሯል።

በደቡብ ኢትዮጵያ ጂንካ ከተማ የተቀሰቀሰውን የማርበርግ ቫይረስ ስርጭት ለመግታት ተገቢው የመከላከል ጥረት ባለመኖሩ ስርጭቱ እንዳይስፋፋ ያሰጋናል ሲሉ የከተማዋ ነዋሪዎች ተናገሩ ። ከጂንካ ከተማ ወደ ደቡብ ዞሞ ዞን ከተሞች ይደረጉ የነበሩ የህዝብ ማጓጓዣ አገልግሎቶች መቋረጣቸውንም ነዋሪዎቹ ተናግረዋል።

ሩሲያ ጠቅላይ አቃቤ ህግ ቢሮ ትናንት ሂውማን ራይትስ ዎች የተባለውን የመብት ተሟጋች ድርጅት ሩሲያ “የማይፈለጉ ድርጅቶች”ብላ ከሰየመቻቸው ድርጅቶች ዝርዝር ውስጥ አካቷል።

ርምጃው ፤ በሩሲያ ውስጥ የድርጅቱን ማንኛውንም እንቅስቃሴ ወዲያውኑ የሚያግድ ሲሆን፤ በሩሲያ ውስጥ ካሉ ድርጅቶች እና ግለሰቦች ጋር አብሮ መስራትንም ሕገ-ወጥ ያደርጋል።