በኢትዮጵያ ምርጫ ቦርድ ከሕጋዊ የፖለቲካ ፓርቲነት የተሰረዘው ሕወሓት ከመጭው ሀገራዊ ምርጫ በፊት ሕጋዊ ሰውነቱ መመለስ እንዳለበት አመልክቷል። የፕሪቶሪያው የግጭት ማቆም ስምምነት ተግባራዊ እንዲደረግ አደራዳሪ አካላት ግፊት እንዲያደርጉ ጥሪ አቅርቧል። ፓርቲው ከኤርትራ መንግስት ጋር ይገገናኛል መባሉንም አሉባልታ ሲል አጣጥሎታል።

ሱዳን የተባበሩት አረብ ኤሜሬት ለፈጥኖ ደረሽ ኃይሉ የምትሰጠውን ድጋፍ እንድታቆም ጠየቀች። የአውሮጳ ሕብረት ምክር ቤት አባላትም ይህን ለማስቆም ያለመ ውይይት እያደረጉ መሆኑም ተገልጿል።

ሩስያ የምትወጋት ዩክሬንና ደጋፊዋ የአውሮጳ ኅብረት፣ ያልተሳተፉበትን ይህን እቅድ ሩስያን የሚሸልም ሲሉ ተቃውመዋል። ኅብረቱ ባቀረበው አማራጭ ካካተታቸው ማሻሻያዎች መካከል የዩክሬን ወታደሮች ቁጥር በእቅዱ ከቀረበው ከፍ እንዲል፣ የዩክሬን የወደፊት የኔቶ አባልነት ጉዳይ ክፍት ሆኖ እንዲቆይ የሚጠይቁት ይገኙበታል።

የኢትዮጵያ እና የጀርመን ኩባንያዎችን ከመንግሥት ባለሥልጣናት እና ከልማት ድርጅቶች የሚያገናኘው የቢዝነስ ፎረም በበርሊን ተካሒዷል። መርሐ-ግብሩ በታዳሽ ኃይል፣ በግብርና ውጤቶች ማቀነባበሪያ እና በዲጂታላይዜሽን ዘርፎች የተሰማሩ ኩባንያዎች የተጋበዙበት ነው።

በኢትዮጵያ ኦሮቶዶክስ ተዋሕዶ ቤተ ክርስቲያን የጀርመን እና አካባቢው ሀገረ ስብከት በጠራዉ ሰልፍ ላይ የታደሙት ሠልፈኞች እንደሚሉት የኢትዮጵያ መንግሥት በተለያዩ አካባባቢዎች «በተደጋጋሚና ሆን ተብሎ» የሚፈፀመዉን ግድያና ግፍ እስካሁን ማስቆም አልቻለም

የተባበሩት መንግስታት የሰብዓዊ መብት ከፍተኛ ኮሚሽነር ፎልከር ቱርክ ሰሞኑን ሰው ሰራሽ አስተውሎትን በተመለከተ ማስጠንቀቂያ ሰጥተዋል።ኮሚሽነሩ እንዳሉት በተለይም ጀነሬቲቭ ኤአይ ቁጥጥር ካልተደረገበት «ራንከንስታይን ሞንስተር» እየተባለ የሚጠራውን እኩይ ወይም በተለምዶ «ጭራቅ» የምንለው አይነት ገፀባህሪ ሊሆን እንደሚችል አስጠንቅቀዋል።

በአፋር ክልል ሐይሊ ጉቢ ያለው የእሳተ ገሞራ እንቅስቃሴ ጋብ ማለቱ ቢገለፅም በአፍዴራ የሚገኙ መንደሮች በአመድ መሸፈናቸውን፤ አመዱም በነዋሪዎች ላይ ሳል ማስከተሉ፤ እንዲሁም እንስሳት የሚበሉት እና የሚጠጡት ነገር እንደሌላቸው ተገልጿል።

በተባበሩት መንግስታት ሴት ድርጅቶች፤ በሴቶች ላይ የሚፈጸሙ ጥቃቶችን የሚቃወም ዘመቻ ጀመሩ። ባለፈዉ የጎርጎረሳዉያን 2024 ዓመት ብቻ ወደ 50,000 የሚሆኑ ሴቶች እና ታዳጊ ሴት ልጆች በወዳጆቻቸዉ አልያም በቤተሰብ አባላት ተገድለዋል ሲል የተባበሩት መንግስታት ድርጅት አዲስ መረጃ አዉጥቷል።

በአፋር ክልል ሐይሊ ጉብ እሳተ ገሞራ ከመጨረሻው የበረዶ ዘመን በኋላ ለመጀመሪያ ጊዜ ሲፈነዳ በአካባቢው ነዋሪዎች ዘንድ ድንጋጤ ፈጥሯል። ፍንዳታው ወደ ሰማይ ያጓነው አመድ የኢትዮጵያን ድንበር እና ቀይ ባሕርን ተሻግሮ በሕንድ በረራ አስተጓጉሏል። አመዱ ወደ ሰማይ እስከ 14 ኪሎ ሜትር የሚትጎለጎል ነበር።

በኢትዮጵያና በዓለም አቀፍ ዲያስፖራ ማኅበረሰብ ውስጥ ውጤታማ አገልግሎት አበርክተዋል የተባሉ ባለሙያዎች፣የዕውቅና ሽልማት አገኙ።

በመላው ዓለም ከሚንቀሳቀሰው ''ፒፕል ቱ ፒፕል'' ዕውቅና ያገኙት እነዚህ ባለሙያዎች፣በሥራ አመራር፣በምርምርና በትምህርት የላቁ እንዲሁም አርኣያነት ያላቸው ናቸው ብሏል