በደቡብ አፍሪቃ ጁሐንስበርግ ከተማ በተካሄደው የቡድን 20 ጉባኤ ማጠቃለያ ላሽ የጀርመን መራኄ-መንግስት ፍሬድሪሽ ሜርትስ ዩናይትድ ስቴትስ ባለ 28 ነጥብ ዕቅድ በሚል ዩክሬንን በሚመለከት ስላቀረበችው የስምምነት ሐሳብ፤ ስለ አውሮጳውያን ምላሽ እና ሌሎች ጉዳዮችም ማብራሪያ ሰጥተዋል ።

7ኛው የአውሮፓና አፍሪካ የመሪዎች ጉባኤ ለሁለት ቀናት በአንጎላ ዋና ከተማ ሉዋንዳ ሲካሄድ ቆይቶ፤ ማምሻውን ልዩ ልዩ ውሳኔዎችን በማሳለፍና የጋራ መግለጫ በማውጣት ተጠናቋል። ጉባኤዉ 55 የአፍሪካና 27 የአውሮፓ አገሮች የተሳተፉበት 49 የአገር መሪዎች ተገኝተውበታል።

በቤኒሻንጉል ጉሙዝ ክልል የሚንቀሳቀሰው ተቃዋሚው የቦሮ ዴሞክራሲያዊ ፓርቲ ቦዴፓ ከገዢው የብልጽግና ፓርቲ ጋር መዋሃድ የሚያስችለውን ውሳኔ አሳለፈ። ፓርቲውን ወክለው የህዝብ ተወካዮች ምክር ቤት አባል የሆኑት ዶ/ር መብራቱ አለሙ ውህደቱ የግለሰቦችን ጥቅም ለማስጠበቅ የተፈጸመ በማለት በይፋ ተቃውመዋል።

የሊቨርፑል እና ማንቸስተር ሲቲ ነጥብ መጣል ዕድሉን ያሰፋለት አርሰናል ቶትንሀምን በሰፋ የግብ ልዩነት ድል አድርጓል ። ባዬርን ሙይንሽን ፍራይቡርግን 6 ለ2 አንኮታኩቷል ። እነ ብራድ ፒት፣ ቢዮንሴ እና ጄዚን የመሰሉ የዓለማችን ታዋቂ አርቲስቶች በታደሙበት የላስቬጋሱ አንድ የመኪና ሽቅድምድም የሬድ ቡል አሽከርካሪ ማክስ ፈርሽታፐን አሸንፏል ።

ዩናይትድ ስቴትስ አሜሪካ ሩስያ በዩክሬን የምታካሂደዉን ጦርነት ለማስቆም ያወጣችዉን ባለ 28 ነጥብ የሰላም እቅድ የአዉሮጳ ኅብረት ተቃወመዉ። ኅብረቱ የራሱ ያለዉን የሰላም አማራጮች ይፋ አድርጓል። ዩናይትድ ስቴትስ ከዩክሬይን ይልቅ ከሞስኮ ጋር የበለጠ ወዳጅነት እንዳላትም ይነገራሉ።

ሙስሊሙ ኀብረተሰብ ከሃይማኖቱና ከትምህርቱ አንዱን እንዲመርጥ እየተገደደ እንደሆነ የኢትዮጵያ እስልምና ጉዳዮች ከፍተኛ ምክር ቤት ገለፀ። «የኢትዮጵያ ሙስሊም ኀብረተሰብን ከሃይማኖቱ እና ከትምህርቱ አንዱን እንዲመርጥ በማስገደድ ከትምህርት እና ሀገራዊ ተሳትፎ በማራቅ የሚመጣ ዘላቂ ልማት አይኖርም» ሲል መግለጫ አውጥቷል።

የቡድን 20 ጉባኤ ሲጠናቀቅ በሱዳን፣ ኮንጎ፣ በእስራኤል በጉልበት በተያዙት የፍልስጤም ግዛቶችና በዩክሬን “ፍትኃዊ፣ ሁሉን አቀፍና ዘላቂ ሰላም” እንዲወርድ እንደሚሠሩ መሪዎቹ ቃል ገብተዋል። በአፍሪካ ለመጀመሪያ ጊዜ የተካሔደው ጉባኤ የደቡብ አፍሪካ እና የአሜሪካ ውዝግብ ተጭኖታል። የፕሬዝደንትነት ርክክቡ እንደታቀደው አልተካሔደም።

በቤኒሻንጉል ጉምዝ ክልል፣ መተከል ዞን፣ ቡለን ወረዳ ባለፈው ቅዳሜ ማለዳ ታጣቂዎች ባደረሱት ጥቃት ሴቶች እና ህጻናትን ጨምሮ በርካታ ሰላማዊ ሰዎች መገደላቸውን ነዋሪዎች እና ባለስልጣናት ተናገሩ።

ውይይት፦ ኢትዮጵያ ውስጥ የሚከሰተው ግጭት ሱዳን ውስጥ፥ የሱዳኑ ኢትዮጵያ ውስጥ ነጸብራቁ በጉልኅ ይታያል ። ከፍ ሲል ግብጽ ከወደታች ደግሞ ሶማሊያም በግጭት ውጥረቱ ስማቸው በተደጋጋሚ ይነሳል ። የኢትዮጵያ መንግሥትን ደግፎ በትግራይ ክልል ጦር ያዘመተው የኤርትራ መንግሥት ያኔ ከደገፈው ጋር አሁን ዐይን እና ናጫ ከመሆንም አልፈው ተፋጥጠዋል ።

በዩክሬን በመካሔድ ላይ የሚገኘውን ጦርነት ለማቆም በቀረበ ምክረ ሐሳብ ላይ ለመወያየት የአሜሪካ፣ ፈረንሳይ፣ ጀርመን እና ብሪታኒያ ባለሥልጣናት ዛሬ እሁድ በጄኔቫ ተገናኝተዋል። ምክረ ሐሳቡ ወደ ሩሲያ ያደላ ነው ቢባልም ለፕሬዝደንት ቭላድሚር ፑቲን መንግሥት ፈታኝ ሊሆኑ ይችላሉ የሚባሉ ጉዳዮችንም ያካተተ ነው።