ሰሞኑን ኢትዮጵያው ውስጥ ሥራውን በይፋ አስፋፍቶ የጀመረው "የሙያ ወግ ኢኒሺየቲቭ" ፕሮጀክት በ10 ዓመታት ውስጥ 15 ሚሊዮን ኢትዮጵያውያን እና ምስራቅ አፍሪቃውያን ወጣቶችን በዓለም አቀፍ ደረጃ ለሥራ ብቁ ማድረግ ይሻል ። ይኽ ፕሮጀክት ወጣቶችን የማብቃት፣ የማሰልጠን እና የማማከር የመሳሰሉ ድጋፎችን የሚሰጥ ይሆናል።

ዩናይትድ ስቴትስ እና ሩስያ የዩክሬኑን ጦርነት ሊያስቆም ይችላል የተባለ የሰላም እቅድ ነድፈዋል።እቅዱ የዩክሬኑ ፕሬዝዳንት ቮሎዶሚር ዜሌንስኪ በትላልቅ ጉዳዮች ላይ በሰጥቶ መቀበል እንዲስማሙ ጥሪ ያቀርባል። የአውሮጳ ዲፕሎማቶች ግን እቅዱ የአውሮፓ ኅብረትና ዩክሬንን ባልተሳተፉበት የትም አይደርስም ሲሉ ቅሬታቸውን በመግለጽ ላይ ናቸው።

በምዕራቡ ዓለም ኔፈረቲቲ ዘመናዊነትን በሚያሳዬ የማኅበረሰብ ዝግጅቶች ላይ መቃ አንገትዋን፤ የጫነችዉ ዘዉድን ምልክት እያደረጉ ያቀርቧታል። ኔፈረቲቲ የበርሊን ምልክት መሆንዋን የሚናገሩት ኢትዮጵያዊ የታሪክ ምሁር አንድ ቀን ወደ አገርዋ ወደ ግብፅ መግባትዋ እንደማይቀር ተናግረዋል። በጀርመን የሚገኙ ምሁራንም ይሄ ተስፋ እንዳላቸዉ ተናግረዋል።

በኢትዮጵያ ኬንያ እና ሶማሊያ ድርቅ ሊከሰት እንደሚችል የኢጋድ የአየር ትንበያ ማዕከል አስጠነቀቀ።እንደ ትንበያው ከጎርጎሪያኑ ጥር 2026 ድረስ ከመደበኛ በታች የሆነ የዝናብ መጠን የሚጠበቅ በመሆኑ፤ በደቡብ ምስራቅ ኢትዮጵያ፣ ምስራቃዊ ኬንያ እና ደቡባዊ ሶማሊያ በሚሊዮኖች የሚቆጠሩ ሰዎችን አደጋ ላይ የሚጥል የከፋ ድርቅ ሊያጋጥም ይችላል።

በኢትዮጵያ የፀጥታ እና የፖለቲካ ጥያቄዎች መልስ ካላገኙ ቀጣዩ ሀገራዊ ምርጫ ምርጫ ሊሆን አይችልም ሲሉ የኦፌኮ ሊቀመንበር ፕሮፌሰር መረራ ጉዲና ተናገሩ ። ፕሮፌሰር መረራ ለዶቼ ቬለ በተለይ እንዳሉት በተለይ በኦሮሚያ ክልል ያለው የፀጥታ ሁኔታ አሳሳቢ በመሆኑ ከክልሉ መንግስት ጋር መነጋጋር የግድ አስፈላጊ ኾኖ ተገኝቷል።

እናት ፓርቲ«ከቅንጅት ተሳትፎ በማግለል የእናት ፓርቲን እንቅስቃሴ መገደብ አይቻልም»ሲል መግለጫ አወጣ። ፓርቲዉ ትናንት ይህን መግለጫ ያወጣዉ፤ ምርጫ ቦርድ የ5 ፓርቲዎች ስብስብ ሆኖ ከተመሰረተዉ ከ«ትብብር ለኢትዮጵያ አንድነት» ቅንጅት ዉስጥ ሰርዞኛል ሲል ነው። የኢትዮጵያ ብሔራዊ ምርጫ ቦርድን ለማነጋገር ያደረግነዉ ጥረት ለዛሬ አልተሳካም።

ሰውሰራሽ አስተውሎት በዓለም ላይ በፍጥነት እያደገ ያለ ቴክኖሎጂ ነው።ቴክኖሎጂው ትምህርትን ግላዊነት በማላበስ፣ በቂ አገልግሎት ለሌላቸው ተማሪዎች ተደራሽነትን በማሻሻል በአፍሪካ በትምህርት ላይ በጎ ተጽእኖ እያሳደረ ነው።ያም ሆኖ ቴክኖሎጂውፈተናዎችም አሉት።ባለሙያዎች ፈተናዎቹን ለመሻገር ቴክኖሎጂው የሚገዛበት ፖሊሲዎች ማውጣትን ይመክራሉ።

የ5 ፓርቲዎች ስብስብ የሆነው «ትብብር ለኢትዮጵያ አንድነት» የተሰኘው ቅንጅት ከመጭው ምርጫ በፊት የኢትዮጵያ መንግስት በሀገሪቱ ሰላም እንዲያሰፍን ጠየቀ። ትብብሩ ያለፈው ሰኞ ባወጣው መግለጫ የታሰሩ ፖለቲከኞች እና ጋዜጠኞች እንዲፈቱም ጠይቋል። መንግስት ለዚህ ጥያቄ ምላሽ እንዲሰጥም ትብብሩ ቀነ ገደብ አስቀምጧል።

ልዑል አልጋ ወራሽ መሐመድ ቢን ሠልማን ዩናይትድ ስቴትስን ሲጎበኙ ከ7 ዓመት ወዲሕ የመጀመሪያቸዉ ነዉ።ፕሬዝደንት ዶናልድ ትራምፕ በመካከለኛዉ ምሥራቅ «ምትክ የሌላቸዉ» መሪ ላሏቸዉ ልዑል ያደረጉት አቀባበልም ልዩ ነዉ።ልዑሉ ራት ተጋበዙ፣ ዋይት ሐዉስ፣ ቀይ ምንጣፍ ተዘረጋ፣ የክብር ዘቡ ተሰለፈ፣ ማርሹ ተንቆረቆረ----

የኢትዮጵያ ኢንቨስትመንት ሆልዲንግስ የመማሪያ መጻሕፍት አታሚ ድርጅት እና የወጣቶች የኢንቨስትመንት ባንክ ጨምሮ በዚህ ዓመት አምስት ኩባንያዎች እንደሚያቋቁም አሳውቋል። ከሁለት የሩሲያ ኩባንያዎች ጋር የመግባቢያ ሥምምነቶች የተፈራረመው ተቋም ከ2011 ጀምሮ የስኳር ፋብሪካዎች ለመሸጥ ሲደረግ የነበረው ጥረት አቋርጧል።