ኢትዮጵያውያን በሚያዘወትሩት ምሥራቃዊ የፍልሰት መስመር ባለፉት አምስት ወራት ብቻ 106 ስደተኞች መሞታቸውን ዓለም አቀፉ የፍልሰተኞች መርጃ ድርጅት ገለፀ። እንደ ድርጅቱ ከአፍሪካ ቀንድ ተነስተው በጅቡቲና በቦሳሶ በኩል ወደ ባህረ ሰላጤው ሀገራት በሚደረጉ አደገኛ የስደት መስመሮች ከሚጓዙት 95 በመቶ የሚሆኑት ኢትዮጵያውያን ናቸው።

ኢትዮጵያ ውስጥ በእሥር ላይ ያሉ አምስት ጋዜጠኞች የተከሰሱበትን የሽብር ክስ አምነው ይቅርታ እንዲጠይቁ እና እንዲፈቱ ጫና እንደተደረገባቸው የጋዜጠኞች መብት ተሟጋች ድርጅት (ሲፒጄ) ገለፀ።ሲፒጄ በእሥር ላይ የሚገኙት ጋዜጠኛ ጎበዜ ሲሳይ፣ገነት አስማው፣ዳዊት በጋሻው፣መስከረም አበራ እና አባይ ዘውዱ በአስቸኳይ እንዲፈቱ ጥሪ አድርጓል።

በኢትዮጵያ በሴቶችና ሴት ልጆች ላይ የሚፈጸመው ጥቃት እንደ ሀገራዊ አደጋ ተቆጥሮ ምላሽ እንዲሰጠው የሚጠይቅ ህዝባዊ እንቅስቃሴ ሰሞኑን በማህበራዊ መገናኛ ዘዴ ተጀምሯል ።"ትሰማ" በሚል መሪ ቃል የተጀመረው ይህ ንቅናቄ በኢትዮጵያ በሴቶችና ሴት ልጆች ላይ የሚፈጸም ጥቃትን ብሔራዊ አደጋ ሆኖ እንዲታወጅ ጥሪ ለማቅረብ ነው።

የኢትዮጵያ ከፍተኛ የትምህርት ተቋማት ለዓመታት ያስተማሯቸውን ወጣቶች ባለፉት ወራት በተከታታይ ሲያስመርቁ ቆይተዋል። ወጣቶቹ በተማሩበት የሙያ መስክ የመሥራት ሕልማቸውን ለማሳካት፣ ኑሯቸውን ለማቋቋም እና ግፋ ሲልም ቤተሰቦቻቸውን ለመርዳት ከምረቃ በኋላ ሥራ ፍለጋ ይጀምራሉ። ለመሆኑ ለምሩቃኑ ሥራ ፍለጋ ምን ይመስላል?

በአፋር ክልል በተከሰተ ብርቱ የውኃ እጥረት የቤት እንስሳት እየሞቱ መሆኑን አርብቶ አደሮች ተናገሩ። በክልሉ በሚገኙ ወረዳዎች ባለፉት 12 ወራት የጣለው ዝናብ ዝቅተኛ በመሆኑ በተከሰተ ድርቅ ለውኃ እጥረት መዳረጋቸውን ነዋሪዎቹ ገልጸዋል።

በኤልኒኞ መከሰት ሳቢያ አሉታዊ ተፅዕኖ ስር ገብቷል በተባለው የተያዘው የክረምት ወቅት አጋማሽ ወራት «ከመደበኛ በታች እና በቂ ያልሆነ ዝናብ የተስተዋለበት» እንደነበር የብሔራዊ ሜትሮሎጂ ኢንስቲትዩት አስታወቀ።

በአገራዊ ምክክር ሂደቱ እየተሳተፉ የሚገኙ ሦስት የፖለቲካ ፓርቲዎች በምክክር ሂደቱ ላይ አለን ያሉትን ሥጋት ገለፁ። ፓርቲዎቹ ለምክክሩ ስኬት ጥሪ፣ ለኮሚሽኑ ማሳሰቢያ እና የአካሄድ እርምት በጠየቁበት መግለጫቸው «የአንድ ወገን ፍላጎትን በሌሎች ላይ ለመጫን» የሚደረግ ያሉት ጥረት ሥጋት እንደፈጠረባቸው ጠቅሰዋል።

የማዕከላዊ ኢትዮጵያ ክልል «የመንግሥትን የሰላም ጥሪ ባለመቀበል በሕዝብ ላይ ጉዳት አድርሰዋል» ባላቸው ቡድኖች ላይ እርምጃ ወሰጃለሁ ሲል የክልሉ ሰላምና ፀጥታ ቢሮ አስታወቀ።

በሰሜን ኢትዮጵያ የትግራይ ክልል እና አፋር ክልል አዋሳኞች ላይ ወታደራዊ እንቅስቃሴዎቹ መጠናከራቸውን ነዋሪዎች ገለጹ። በአካባቢው ላይ ያጠላው የጦርነት ስጋት ነዋሪዎች እንዳይረጋጉ በማድረጉ ከቀየያቸው የሸሹ ስለመኖራቸውም እየተነገረ ነው።

ፕሪቶሪያ ጥያቄውን ያቀረበችው ሕገ ወጥ ፍልሰትን በመቃወም በሚል በሀገሪቱ የተካሄደውን ሰልፍና የተፈፀሙ ጥቃቶችን ተከትሎ ከ80,000 የሚበልጡ ፍልሰተኛችን ካባረረች ወይም ወደ ሀገራቸው እንዲመለሱ ካደረገች በኋላ ነው።