በመተከል ዞን ግልገል በለስ ከተማ ታጣቂዎች ዛሬ አደረሱት በተባለ ጥቃት ከ10 በላይ ሰዎች ሕይወት ማለፉን ነዋሪዎች አመለከቱ። ጥቃቱ ዛሬ ከንጋቱ 12 ሰዓት ገደማ በመነሐሪያ እና አንድ ቤተክርስቲያን አካባቢ መድረሱን የአካባቢው ነዋሪዎች ለዶይቸ ቬለ ተናግረዋል።

«ቅድሚያ ለሰብአዊ መብት-ኢትዮጵያ» የተባለው የመብት ድርጅት በሐምሌ እና ነሐሴ 2018 የሰብአዊ መብት ክትትል ምርመራ ዘገባው በኢትዮጵያ ፌዴራል መንግሥት እና በትግራይ ክልል ኃይሎች መካከል አሳሳቢ ያለው "ውጥረት" መጨመሩን ገለጠ ። ሙሉ ዘገባውን በማገናኛው በኩል ይከታተሉ ።

በቡርሀካባ ከተማ የሚገኘውንና የአትዮጰያ ወታደሮች ከተረከቧቸው ቦታዎች አንዱ የኾነውን የስምሪት ቀጠና ሰሞኑን ለሶማሊያ የፀጥታ ኃይሎች ማስተላለፉን፣ በሶማሊያ የአፍሪቃ ኅብረት የድጋፍና የማረጋጋት ተልዕኮ አሳውቋል ። ሙሉ ዘገባውን በማገናኛው በኩል ይከታተሉ ።

በአዲስ አበባ በተለምዶ ጀሞ 3 ተብሎ በሚጠራው አካባቢ የ12 ዓመት ታዳጊ በደራሽ ጎርፍ ተወስዶ መጥፋቱ፣ የከተማዋ የኮሪደር ልማት ከመሬት በታች ያለውን የጎርፍ ስጋት በዘላቂነት አለመቅረፉን አመላክቷል።

በሰሜን ኢትዮጵያ የሚጠበቀው የክረምት ዝናብ ባልጣለባቸው አካባቢዎች ላይ ከፍተኛ የርሃብ ስጋት ማንዣበቡን ነዋሪዎች እና ባለሥልጣናት አመለከቱ። እንደ ነዋሪዎቹ አስተያየት በድርቁ ላይ በተጨማሪነት እየመጣ ያለው የግጭት አደጋ በፊናው የኅብረተሰቡን ስጋት እያናረው ይገኛል።

ራሱን፣ ቤተሰብ፣ ዘመድ ወዳጅ፣ ሕዝብ ሐገሩን ሊጠቅም የሚችል በሺሕ የሚቆጠር ወጣት ረገፏል።ብዙ ሺዎች እጅ-እግር፣ አይን-ሌላ አካላቸዉን አጥተዋል።አርሶ ማምረት፣ ሰርቶ ማፍራት የሚችል ጎልማሳ፣ በየመጠለያ ጣቢያዉ ተማፅዋች ሆኗል።የመብት ተሟጋቾች እንዳሉት ልጃገረድ-ከባለ ትዳር ሳትለይ ተደፍራለች።

የዓለም እግር ኳስ ማኅበር ፕሬዚደንት ጂያኒ ኢንፋንቲኖ ላይ ተቃውሞው በርትቷል፥ ለሥልጣናቸው ያሰጋ ይኾን? ኢትዮጵያ በተሳተፈችበት የኦሬጋኑ አትሌቲክስ ፉክክ ውጤቱ እንዴት ይገመገማል? ቃለ መጠይቅ አድረገናል፥ ተጨማሪ ዘገባም ይኖረናል ። ሙሉ ዘገባውን በድምፅ እና በጽሑፍ በማገናኛው በኩል መከታተል ይቻላል ።

በማዕከላዊ ኢትዮጵያ ክልል በአርሻ ግበዓት አቅርቦት ላይ ከገበሬዎች ለሚነሳው እሮሮ ምላሽ እንዲሰጥ የክልሉ ምክር ቤት የሕዝብ እንደራሴዎች ጠየቁ። የክልሉ ባለሥልጣናት ከነገ ጀምሮ ሽያጩ ላይ ቁጥጥር ይደረጋል ብለዋል።

ኤርትራ ከኢትዮጵያ ፌዴራል መንግሥት ተቃራኒ ለቆሙ የውስጥ ኃይላት የምታደርገው የፖለቲካ ድጋፍ «ቀስ በቀስ ወደ ወታደራዊ እቅድ እና ቀጥተኛ ተሳትፎ ሊያድግ ይችላል» ሲል የኢትዮጵያ የውጭ ጉዳይ ተቋም ባወጣው አንድ ጽሑፍ አመለከተ።

ጦርነትን ሽሽተው አካባቢያቸውን ለቀው በቆቦ ከተማ ያሉ ወጣቶችን በየዕለቱ በማግባባት የኢትዮጵያን ድንበር አቋርጠው ወደ ዓረብ ሃገራት እንዲጓዙ የሚያደርጉ ደላሎች ሲሳይ ሆነዋል እየተባለ ነው።