ሰሞኑ ፓሪስ በተካሄደው የአውሮፓ ኢትዮጵያ የኢንቬስትመንት መድረክ ላይ የቢሾፍቱ ዓለም አቀፍ አየር ማረፊያ ስራ ግንባታን ለመደገፍ ና በስራውም ለመሳተፍ ኤርባስና ሌሎችም የአውሮጳ ኩባንያዎች ከፍተኛ ፍላጎት ማሳየታቸው ታውቋል። ከቦይንግ ጋር የዘለቀው የኢትዮያ አየር መንገድ የንግድ ትስስር አሁን ከኤርባስ ጋር እየተጠናከረ እንደሚሄድ ይጠበቃል።

ምክርቤቱ ለሕዝብ ተወካዮች ምክር ቤት፣ ለኢትዮጵያ ምርጫ ቦርድና ለጠቅላይ ሚኒስቴር ጽሕፈት ቤት በጻፈው ደብዳቤ ሰባተኛው ሀገራዊ ምርጫ ከመካሄዱ በፊት የሕግ ማሻሻያ እንዲደረግ ጠይቋል።

የኢትዮጵያ ብሔራዊ ባንክ በእስላማዊ ባንኮች ላይ ጥሎ የነበረውን ገደብ ማንሳቱ ባንኮቹን ሊያነቃቃ እንደሚችል የባንክ ባለሞያ ተናገሩ ። ብሔራዊ ባንክ ከሁለት ዓመት በፊት በ14 በመቶ ገደብ ተግባራዊ ያደረገው እና በዚህ ጣሪያውን አሻሽሎ 24 በመቶ ያደረሰው የብድር ጣሪያ ግሽበትን ለመቆጣጠር ያለመ ነበር።

መንግሥት የተለያዩ የልማት ፕሮጀክቶችን እያከናወነ መሆኑን ይገልጻል። በቅርቡም የተለያዩ የልማት ፕሮጀክቶች ምረቃ እና አዳዲስ እንቅስቃሴዎችም ታይተዋል። የሀገሪቱ ኤኮኖሚዊ እድገትን ከማፋጠን በተጨማሪ የኅብረተሰቡን ኑሮውን ሊያሻሽሉ እንደሚችሉም ተስፋ ይሰጣል።

ቱጃሩ ኤሎን ማስክ፤ በቅርቡ ግሮክፔዲያ ተብሎ የሚጠራ በሰውሰራሽ አስተውሎት ላይ የተመሰረተ አዲስ የበይነመረብ ኢንሳይክሎፔዲያ ይፋ አድርጓል። ግሮክፔዲያ በጎርጎሪያኑ ባለፈው ጥቅምት 27 ቀን 2025 ይፋ የተደገ ሲሆን፤በአሁኑ ጊዜ 900,000 የሚጠጉ መጣጥፎችን በውስጡ ይዟል።ለመሆኑ አዲሱ ዲጅታል መድረክ ከዊኪፒዲያ በምን ይለያል?

በዩናይትድ ስቴትስ የኒውዮርክ ምርጫ የግራ ክንፉ ፖለቲከኛ ዞኽራን ማምዳኒስ የከተማዪቱ ከንቲባነትን ማሸነፋቸው አነጋጋሪ ሁኗል ። የአሜሪካ ዴሞክራቶች የግራ ክንፍ ዴሞክራቱ ስለማሸነፋቸው ብዙም አስተያየት ከመስጠት ተቆጥበዋል ። የአውሮጳ የግራ ክንፍ ፖለቲከኞች ግን ከወዲሁ ደስታቸውን እየገለጡ ነው ።

በምስራቅ ወለጋ ዞን ኪረሙ ወረዳ በደረሰ የታጣቂዎች ጥቃት 4 ሰላማዊ ሰዎች ተገድለው ሌሎች አራት መቁሰላቸውን ነዋሪዎች ተናገሩ ። ነዋሪዎቹ እንዳሉት ከጥቃቱ በተጨማሪ ታጣቂዎቹ በርካታ የቁም እንስሳት ዘርፈዋል። ስለ ኹኔታው ለዶቼ ቬለ አስተያየየታቸውን ለዶቼ ቬለ የሰጡ ነዋሪዎች የመንስግ የጸጥታ ኃይሎች ሊከላከሉልን አልቻሉም ሲሉ ወቅሰዋል።

የጀርመኑ መራሄ መንግሥት ፍሪድሪሽ ሜርስ ሰኞ ዕለት እንደተናገሩት በሶሪያ ጦርነት አብቅቷል ። ስለሆነም በጀርመን ጥገኝነት የጠየቁ ሶሪያውያን ወደ አገራቸው ሄደው አገራቸውን መልሰው እንዲገነቡ አሳስበዋል። ሜርስ «በጀርመን ጥገኝነት የሚያስጠይቅ ምንም ምክንያት የለም» ቢሉም የጀርመን የውጭ ጉዳይ ሚኒስትር ዮሃን ቫደፑል ግን ቁጥብነት አሳይተዋል።

የኢትዮጵያ ካፒታል ገበያ ባለሥልጣን በቅርቡ ይፋ ባደረገው ሰነድ የክልል መንግሥታት እና የከተማ መስተዳድሮች ቦንድ በማውጣት ከገበያው የሚበደሩበት ሥርዓት የመዘርጋት ፍላጎት እንዳለው ፍንጭ ሰጥቷል። የማዘጋጃ ቤት ወይም የከተማ አስተዳደር ቦንዶች ለመሠረተ-ልማት ግንባታ የሚያስፈልግ ገንዘብ ለመበደር የሚያገለግሉ ናቸው።

የማኅበራዊ ሳይንስ እና የውኅደት ተመራማሪው አላዲን ኤል ማፋላኒ እንደሚሉት ስኬታማ ውኅደት የግጭትን አቅም ይጨምራል። በርሳቸው ትንታኔ በጀርመን የፍልሰተኞች ልጆች ከኅብረተሰቡ ጋር መሳተፍ ብቻ ሳይሆን ለመቀይርም ማገዝ ይፈልጋሉ ፤ ይህ ግን ለውጥን ከሚቃወሙ ጋር ግጭት ሲያስከትል፣ መዋኅድ የሚፈልገውን ወደ ተስፋ መቁረጥ ይወስዳል።