የኦሮሞ ነጻነት ግንባር የኢትዮጵያ የፖለቲካ ምህዳር መጥበብ በድርጅቱ ሥራ ላይ ብርቱ ተግዳሮት እንደደቀነ አስታወቀ። ግንባሩ ይህን ያለው በድርጅቱ ወቅታዊ እና መጻኢ ጊዜ ላይ ከአባላቱ ጋር ተወያይቶ ባወጣው የአቋም መግለጫ ነው።

የጂቡቲ ፓርላማ ለፕሬዚዳንቶች ያስቀመጠውን የዕድሜ ገደብ አነሳ ። ፓርላማው ትናንት ቅዳሜ ለፕሬዚዳንታዊ ውድድር የሚቀርብ ዕጩ የዕድሜ ገደብ ማንሳቱ በስልጣን ላይ ላሉት የ77 ዓመቱ ኢስማኤል ዑመር ጊሌህ ለዘጠነኛ ጊዜ እንዲወዳደሩ ዕድል ይፈጥርላቸዋል።

ሴቶች ተደፍረዋል።ቁስለኞች በረሐ ላይ ወድቀዋል።ከርዕሠ ከተማ ካርቱም እስከ ሰሜን ኮርዶፋን የሚገኙ ከተሞች፣ መንደሮች፣የጤና፣ የኃይማኖት፣ የማሕበራዊ አገልግሎት መስጪያ ተቋሟት፣ የመንግሥት መስሪያ ቤቶች ጋይተዋል፣ተመዝብረዋል።መንገዶች፣ ድልድዮች፣ አዉሮፕላን ማረፊያዎች ወድመዋል

በታንዛኒያ ከተካሔደው ፕሬዝደንታዊ እና የምክር ቤት ምርጫ በኋላ በመቶዎች የሚቆጠሩ ሰዎች ሳይገደሉ እንዳልቀረ ተቃዋሚው ቻዴማ ፓርቲ አስታውቋል። የሀገሪቱ ውጭ ጉዳይ ሚኒስትር በበኩላቸው መንግሥታቸው በተቃዋሚዎች ላይ ያልተመጣጠነ ኃይል እንዳልተጠቀመ ተናግረዋል።

«ይህ አስነዋሪ ድርጊት የፈጸመትን ወንጀለኞችን ለሕግ በማቅረብ የሕግ የበላይነትን ከማረጋገጥ በተጨማሪም፤ በቀጣይ እንዲህ አይነቱ ህገወጥ ተግባር እንዳይደገም አስፈላጊውን የሕግ ከለላ በመስጠት ሃላፊነታቸውን እንዲወጡ ቋሚ ሲኖዶስ መንፈሳዊ ጥሪውን ያስተላልፋል።»

ሩሲያ በአሁኑ ወቅት ከምዕራቡ ዓለም ተጽእኖ ለመራቅ ከሚፈልጉ የአፍሪካ ሀገራት ጋር ያላትን ግንኙነት እያጠናከረች ነው። በሞስኮ የውጭ ጉዳይ ፖሊሲ ውስጥ የአካዳሚክ ዲፕሎማሲ ቁልፍ መሳሪያ እየሆነ ነው። ከዚህ አንፃር ወደ ሩሲያ ዩኒቨርሲቲዎች ለከፍተኛ ትምህርት የሚሄዱ አፍሪካውያን ተማሪዎች ቁጥር እየጨመረ ነው።

የፕሬዝደንቱ ጉብኝት የሱዳን ጦር በዳራፉር ያጋጠመው ሽንፈት፤ እንዲሁም ጠቅላይ ሚኒስትር ዶክተር አብይ አህመድ በዚህ ሳምንት ለሕዝብ ተወካዮች ምክርቤት በሰጡት ማብራሪያ «የቀይ ባሕር ጉዳይ ለኢትዮጵያ ሕጋዊ፣ ታሪካዊ፣ መልከዓ ምድራዊና ኤኮኖሚያዊ ጥያቄ ነው» ማለታቸውን ተከትሎ በመሆኑ ብዙዎችን እያነጋገረ ነው።

አሜሪካ በየመን ሳዓዳ እስር ቤት ላይ የፈጸመችው ጥቃት “የሰብአዊ ሕግን የጣሰ” በመሆኑ “እንደ የጦር ወንጀል እንዲመረመር” አምነስቲ ኢንተርናሽናል ጥሪ አቀረበ። ከ100 እስከ 120 ኢትዮጵያውያን በነበሩበት እስር ቤት ላይ በተፈጸመው ጥቃት በርካታ ስደተኞች ተገድለዋል። በሕይወት ከተረፉት ውስጥ ዐይን፣ እጅ እና እግራቸውን ያጡ ይገኙበታል።

ሳላድሂን አዩብ «መንግስት የ DW አማርኛ ቋንቋ ጋዜጠኞች ኢትዮጵያ ውሰጥ ተዘዋውረው ዜናዎችን እና ሪፖርቶችን እንዳይሰሩ ማገዱ የስርአቱን አፋኝነት ያጋለጠ ማሳያ ነው።» ሲሉ ስዩም ገብረ መስቀል ደግሞ «በአግባቡና በሕጉ መሠረት የማትሰሩ ከሆነ መባረራቸው የግድ ፤ ምክንያቱም ሁሉም ነገር ሚኖረው ሀገር ስኖር ብቻ ነዉ።» ብለዋል።

የዩናይትድ ስቴትስ ፕሬዚደንት ዶናልድ ትራምፕ ከቻይና አቻቸው ሺ ጂፒንግ ጋር በቀረጥ እና ምድር ላይ እጅግ ውስን በሆኑ ማለትም (ሬር ኧርዝ) ማዕድናት ላይ አመርቂ ስምምነት ማድረጋቸውን ገለጡ። ደቡብ ኮሪያ ቡሳን ውስጥ የተደረገውን ስምምነት ፕሬዚደንቱ «ጥሩ እመርታ የታየበት» ሲሉ አወድሰዋል።