ትግራይ ለጋዜጠኞች አደገኛ መሆኗ ቀጥሏል ሲል ዓለም አቀፉ የጋዜጠኞች መብት ተሟጋች ድርጅት CPJ አስታውቋል።CPJ በአጠቃላይ በኢትዮጵያ አለ ያለውን የፕሬስ ነጻነት ገደብም ሲያወግዝ ቆይቷል። ኢትዮጵያ እና ኤርትራ ወደ ሌላ ግጭት በመግባት ተጨማሪ የሰብዓዊ መብቶች ጥሰቶች እንዳይደርሱ የሰብዓዊ መብቶች ተሟጋቾች ስጋታቸውን እየገለጹ ነው።

በተፈረደባቸው የ5 ዓመት የእስር ቆይታ በሙሉ ሳርኮዚ ከታሰሩበት ክፍል አጠገብ ሆነው በቋሚነት ሁለት ፖሊሶች እንደሚጠብቋቸው የፈረንሳይ የሀገር ውስጥ ጉዳይ ሚኒስትር ላውረን ኑኔስ ዛሬ ተናግረዋል። የሳርኮዚ የእስር ጊዜ እንዲያጥር ይግባኝ ያሉት ጠበቆቻቸው በአንድ ወር ውስጥ ሊፈቱ ይችላሉ ብለው ተስፋ ያደርጋሉ።

በቤኒሻንጉል ጉሙዝ ክልል መተከል ዞን ወምበራ ወረዳ፣ ቡሌን እና ድባጢ የተባሉ ወረዳዎች እና ሌሎች አካባቢዎች ጋር የሚያገናኝ መንገድ በመበላሸቱ የትራንስፖርት አገልግሎት ለሁለት ሳምንት ያህል መስተጓጉሉ ተገለጸ።

ከ60 ዓመታት በላይ በአጭር ሞገድ ስርጭቱን ሲያስተላልፍ የቆየው ዶቼ ቤለ ከጥቅምት 16 ቀን፣ 2018 ዓ.ም ጀምሮ የአጭር ሞገድ ሥርጭቱን ያቋርጣል።በምትኩ በሳተላይት እና እንደ ፌስቡክ ፣ዩቱዩብ እና ቴሌግራምን በመሳሰሉ ዲጅታል መድረኮች ስርጭቱን ይቀጥላል።ያም ሆኖ ኢንተርኔት ተጠቃሚ ላልሆነው የኅብረተሰብ ክፍል ውሳኔው የሚጎዳ ነው ተብሏል።

ባሳለፍነው ሰኞ ሌሊት በድሬደዋ ደወሌ የባቡር መጓጓዣ ላይ በደረሰው አደጋ የሞቱት ሰዎች ቁጥር 15 መሆኑን የድሬደዋ ደወሌ የምድር ባቡር ድርጅት አስታወቀ።

«ጥቃቱ ከትናንት በስቲያ እሁድ ጥቅምት 09 ቀን 2018 ዓ.ም. ማምሻውን አገር ሰላም ብለው እንደወትሮው ወደ ቤታቸው በገቡ ንጹሃን የኖኖ ወረዳ ሃሎዲንቂ ቀበሌ ነዋሪዎች ላይ ነው» የአካባቢው ነዋሪ አስተያየት

እንደወረዳው ነዋሪዎች ገለፃ የትናንቱ ተቃውሞ ከሰዓታት በኋላ የተቋረጠው መንገደኞች ሊደርስባቸው የሚችለውን እንግልት ለመቀነስ እና ከሀገር ሽማግሌዎች ጋር በተደረገ መግባባት ቢሆንም ጥያቄው ካልተፈታ ከቀናት በኋላ በድጋሚ አደባባይ እንወጣለን ይላሉ፡፡

ሲምፖዝየሙ ሲጠናቀቅ ፖሊሲ አውጪዎችን፣ ተመራማሪዎችን እና ዲጂታል አበልጻጊወችን በማገናኘት በዳታ የሚመሩ መሳሪያዎችን ተቀባይነት ከማፋጠኑም በላይ በውኃ አስተዳደር ውስጥ ለዲጂታል ለውጥ የሚረዳ አህጉራዊ ፍኖተ ካርታ ይቀርጻል ተብሎ ይጠበቃል ።

እያደር የተራቆተና የተበላሸው የአካባቢ ተፈጥሮ ግለሰቦች በሚያደርጉት የየግል አስተዋጽኦ ሊለወጥ ለመቻሉ ማሳያ ይሆናል የኮምቦልቻ ከተማው የአትክልት ስፍራ። በዚህ ስፍራ በየዓመቱ የተለያዩ ችግኞችን እያፈሉ ለኅብረተሰቡ ማቅረብም ሌላው የማይታጎል ሥራ ከሆነ አስር ዓመት አለፈው።

በአማራ ክልል የሰሜን ሸዋ ዞን ፖሊስ መምሪያ አዛዥ ኮማንደር ንጉሴ ሞግስ በዞኑ በተለያዩ ምክንያቶች የትራፊክ አደጋ በከፍተኛ ሁኔታ መጨመሩን ተናግረዋል፡፡ ባለፉት 3 ወራት 33 አደጋዎች መድረሳቸውን የየገለፁት አዛዡ፣ በ82 ሠዎች ላይ ጉዳት ደርሶ 24ቱ ህይወታቸው ሲያልፍ በ34ቱ ላይ ከባድ የአካል ጉዳት መድረሱን ተናግረዋል፡፡