የኢትዮጵያ ብሔራዊ ባንክ የውጪ ምንዛሪ ግብይት ሥርዓት ለውጥ ከተደረገ ወዲህ ባካሔዳቸው ጨረታዎች ከ690 ሚሊዮን ዶላር በላይ ለባንኮች አከፋፍሏል። ጨረታዎቹ በትይዩ ገበያ ላይ እርምጃ ሲወሰድ የውጪ ምንዛሪ ገበያውን ማረጋጋት ቢችሉም ዋንኛ ዓላማቸውን ያሳኩ አይመስልም። በመደበኛ እና ትይዩ ገበያዎች የምንዛሪ ተመን ሲጨምር ልዩነታቸው አልጠበበም።

ዛሬ ከመቐለ ዓዲግራት የሚወስደውን ጎዳና የዘጉ የትግራይ ኃይሎች ይህ ዘገባ እስከተጠናቀረበት ድረስ ጎዳናው እንደዘጉ ነበሩ። ትላንት የግዚያዊ አስተዳደሩፕሬዝደንት ጀነራል ታደሰ ወረደ፣ የህወሓት ሊ/መንበር ዶ/ር ደብረፅዮን ገብረሚካኤልን ጨምሮ የሠራዊቱ ከፍተኛ አዛዦች ከተቃዋሚዎቹ የሠራዊት አባላት ጋር ስላካሄዱት ዝግ ስብሰባየተባለ ነገር የለም።

የቀደመው የጀርመን መንግሥት በከፍተኛ ደረጃ የሰለጠነ የውጭ የሰው ኃይልን ለመሳብ አልሞ ነበር ፈጣኑን የዜግነት አሰጣጥ ሕግ ከአንድ ዓመት በፊት ያወጣው። ሕጉ ከወግ አጥባቂዎቹ ቡድን ጠንካራ ተቃውሞ ከተነሳበት በኋላ ሲሰረዝ የውጭ ዜጎች የጀርመን ዜግነት ለማግኘት ጀርመን መኖር ያለባቸው አነስተኛው ጊዜ ወደ አምስት ዓመት ከፍ ብሏል።

በወሎ ዩኒቨርስቲ የሕግ ትምህርት ክፍል መምህር እና የሰብዓዊ መብት ተሟጋች ፣መምህር ሀሊፈት አሊ፣ የሴቶችን ጥቃት በተመለከተ እንደ ሀገር ለብቻው የተዘጋጀ ሕግ ባይኖርም በወንጀለኛ መቅጫ ህጉ በሚገባ ተቀምጧል፡፡ ነገር ግን ለሴቶች ጥቃት ትኩረት አለመስጠት እና የሴት ልጅን ጥቃት በቸልተኝነት መመልከት እየተለመደ ነው ይላሉ፡፡

በደቡብ ኢትዮጵያ ክልል ኮሬ ዞን ኬሌ ፣ ጂጆላ ፣ ኬሬዳ እና ዳኖ ከተሞች የሚገኙ ነዋሪዎች «የኃይል መጥፋት ከአቅማችን በላይ ሆኗል»ሲሉ ለዶቼ ቨለ ተናግረዋል ፡፡ የኮሬ ዞን ዋና አስተዳዳሪ አቶ ታረቀኝ በቀለ በአካባቢው የታጠቁ ቡድኖች እንቅስቃሴ በፈጠረው የፀጥታ ሥጋት የኤሌክትሪክ መስመሮችን ለመጠገን አዳጋች ማድረጉን ተናግረዋል ፡፡

የውኃ ምህንድስና መምህሩ እንደሚሉት "እስካሁን ባለው ሁላችንም እንደምናውቀው በውኃ ምክንያት ጦር የተማዘዘ የለም። በዲፕሎማሲ ጠንካራ የሆኑ ሀሳቦች ለመሸናነፍ፣ ድርድሮች፣ ክርክሮች ይኖራሉ። ከዚያም አንዱ በተረዳው መጠን ውጤታማ ይሆናሉ። ስለዚህ የውኃ ሀብቶች፣ የልማት፣ የትብብር፣ አብሮ የማደግ መንፈስ እንጂ የግጭት መንፈስ የላቸውም።

በምክከሩ የፖለቲካ ፖርቲዎችና ተፉላሚ ኃይሎች ተካፍለዋል ወይ እነሱ ያልተካፈሉበት አገራዊ ምከክር ምን መፍትሄ ያመጣል የሚል ጥያቄም ተነስቷል። በእለቱ ከመወያያው አዳራሽ በር ላይ አያሌ የአማራ ፉኖ ኃይል ደጋፊዎች ጦርነት እየተካሄደ ንፁሀን ዜጎች እየተገደሉ ባለበት ወቅት ውይይቱ ተገቢ እይደለም ሲሉ ተቃውሞአቸውን ያሰሙ ነበር።

የጡት ካንሰር በመላው ዓለም በርካታ ሴቶች ላይ የሚከኝ የካንሰር ዓይነት መሆኑን የዓለም የጤና ድርጅት ያመለክታል። ኢትዮጵያ ውስጥ ከዓመት ወደ ዓመት የጡት ካንሰር ታማሚዎች ቁጥር እየጨመረ መሆኑን የዘርፉ የህክምና ባለሙያዎች ይገልጻሉ። ለምን ይሆን?

ለዓለም ዋንጫ እግር ኳስ ጨዋታ ማለፋቸውን ካረጋገጡ የአፍሪቃ አገራት መካከል ጋና አምስተኛ ሁናለች ። ጋና፦ በቀጣዩ የዓለም ዋንጫ ለመሳተፍ አልጀሪያ፣ ግብጽ፣ ሞሮኮ እና ቱኒዝያን ተቀላቅላለች ። ኢትዮጵያውያን አትሌቶች አሸናፊ ሁነዋል ። የዚህንና የሌሎችን ዝርዝር ከዘገባው ያግኙ ።

ሶስቱም ኃይላት የጦር ኃይላቸዉን እያጠናከሩ፣ አዳዲስ ተዋጊ እየመለመሉ መሆናቸዉ እየተዘገበ ነዉ።ሰሞኑን ከአሥመራ የሚናፈሱ መረጃዎች ደግሞ «ለሚፈጠረዉ ቀዉስ ነዳጅ ለመቆጠብ» በሚል የአስመራ የሕዝብ ማመላሻ ተሽከርካሪዎች ሥራ እንዲያቆሙ ታዘዋል።