ኢሰመኮ በአራት ክልሎች ባደረገው ምርመራ «በመንገዶች ላይ በሚደርሱ ጥቃቶች፣ እገታዎች፣ የንብረት ዘረፋዎች እና ውድመቶች የሰዎች ከቦታ ቦታ የመዘዋወር ነጻነት መብት አደጋ ላይ መውደቁን» የጠቀሰበት መግለጫ «ሚዛናዊነት የጎደለው ነው» ሲል የመንግሥት ኮሙኒኬሽን አገልግሎት ገለፀ።

በራህሌ ወረዳ በመሬት መንቀጥቀጡ ምክንያት በቡሬ እና ዓስጉቢ ቀበሌዎች በርካታ ቤቶች ፈርሰዋል። በአደጋው ዕድሜው 12 ዓመት የሆነ ልጅ ሕይወት ያለፈ ሲሆን ሌሎች ስድስት ሰዎችም ጉዳት ደርሶባቸዋል። በመሬት መንቀጥቀጡ ከ43 ሺህ በላይ የሚሆኑ ሰዎች ቤታቸው ሙሉ በሙሉ ፈርሶባቸዋል።

የደሞዝ እና ሌሎች ጥያቄዎችን ያነሱ የትግራይ ሐይሎች አባላት ዛሬ በመቐለ የተቃውሞ ትዕይንት እያደረጉ ይገኛሉ። ዛሬ ረፋድ ጀምሮ ከከማው መሀል ወደ አሉላ አባነጋ አውሮፕላን ማረፍያ የሚወስደውን መንገድ ጨምሮ በርካታ የመቐለ ከተማ ጎዳናዎች በእነዚህ ተቃውሞ እያሰሙ ባሉ የሠራዊት አባላት ተዘግተዋል።

ባሳለፍነው ሳምንት መጨረሻ ሐሙስ ማምሻውን በኦሮሚያ ክልል ደቡብ ምዕራብ ሸዋ ዞን ሶዶ ዳጪ ወረዳ አከባቢ የሚንቀሳቀሱ የተባሉ ታጣቂዎች በማዕከላዊ ኢትዮጵያ ምሥራቅ ጉራጌ ዞን ሶዶ ወረዳ ውስጥ በደፈጣ በመግባት በሰላማዊ ዜጎች ላይ የሕይወት እና የንብረት ጉዳት አድርሰዋል።

በኢትዮጵያ መደበኛ ያልሆነ ፍልሰት እና በሰዎች የመነገድ ወንጄል ሰፊ እና ውስብስብ ችግር መሆኑን በዘርፉ የሚሰሩ ዓለም አቀፍ እና ሀገር በቀል ተቋማት ይገልፃሉ።ይህ ችግርም በተለይም ወጣቶችን ሰለባ እያደረገ ሲሆን ፤አንድ ገለልተኛ ዘገባ እንዳመከተው በጅቡቲ በኩል በአማካይ 12,000 ኢትዮጵያውያን በየወሩ ወደ ሳውዲ አረቢያ ይጓዛሉ።

ፎኩም «በምርጫው ቀን ለመምረጥ መውጣት መቻላችንን መጠየቅ ጀምሬያለሁ፣ሁሉ ነገር ከተዘጋጋ ድምጽ ለመስጠት ወደምርጫ ጣቢያ እንዴት እንሄዳለን» ይላሉ።«የመራጮች ቁጥር በፀጥታ እጦት ካነሰ ምርጫው የተሀድሶ መንገድ ሳይሆን “የይስሙላ” ነው የሚለውን ግንዛቤ ያጠናክራል ፤መራጮች እንቅፋቶችን ከተቃወሙ ግን ያልተጠበቀ ለውጥ ሊያስከትል ይችላል ብለዋል።»

በኢትዮጵያ የሚገኙ ስደተኞች ለጋሾች የሚሰጡት ገንዘብ በመቀነሱ የረሐብ አደጋ እንደተጋረጠባቸው በተባበሩት መንግሥታት የዓለም የምግብ መርሐ-ግብር አስጠንቅቋል። ድርጅቱ በበተለያዩ የኢትዮጵያ ክፍሎች በሚገኙ 27 መጠለያዎች ለሚገኙ 780,000 ስደተኞች የሚሰጠውን የምግብ ርዳታ ከ60 በመቶ ወደ 40 በመቶ ቀንሷል።

የትግራይ ሲቪል ድርጅቶች “የፖለቲካ ችግሮች ወደ ከፋ ሁኔታ ሳይሸጋገሩ በውይይት እንዲፈቱ” ጠይቀዋል። ድርጅቶቹ “እውነተኛ ንግግር” እንዲደረግ ጥሪ ያቀረቡት የኢትዮጵያ መንግሥት ከህወሓትና ከኤርትራ በኃይል ሲወዛገብ ነው።የሳልሳይ ወያነ ፓርቲ ሊቀ-መንበር የሚመለከታቸው ኃይሎች “ፍላጎታቸውን በኃይል ሳይሆን በንግግር” እንዲያስፈጽሙ ጥሪ አቅርበዋል

በአማራ ክልል ሰሜን ወሎ ዞን ከተደረገ ውጊያ በኋላ የከፋ ጉዳት የደረሰባቸውን 16 ቁስለኞች ወደ ሆስፒታሎች ማዘዋወሩን ዓለም አቀፉ የቀይ መስቀል ኮሚቴ ገለጸ። በውጊያው “በርካታ ሰዎች መገደላቸውን ወይም መቁሰላቸውን” አስታውቋል። የድርጅቱ ሠራተኞች ጉዳት ለደረሰባቸው አካባቢዎች መድኃኒት ያደረሱ ሲሆን በእስር ላይ የሚጎኙትን ጎብኝተዋል።

በሺሕዎች የሚቆጠሩ ፍልስጤማውያን በጦርነት ወደወደሙ መኖሪያ ቤቶቻቸው መመለስ ሲጀምሩ የተባበሩት መንግሥታት የሰብአዊ ርዳታ አቅርቦቱን ለማሳደግ እየተዘጋጀ ነው። በተኩስ አቁሙ መሠረት ሐማስ 20 እስራኤላውያን ታጋቾች ይለቃል። እስራኤል ባለፉት ሁለት ዓመታት ከጋዛ የተያዙ 1,700 ሰዎች እና 250 የተፈረደባቸው ፍልስጤማውያን ትለቃለች።