የዛሬ የመስከረም 1 ቀን 2018 ዓ.ም የአዲስ ዓመት ልዩ የበዓል ዝግጅት በዩናይትድ ስቴትስ የሚኖሩ ኢትዮጵያዉያን የአዲስ ዓመት አከባበራቸዉን ይቃኛል። በቅድምያ መላው ዓለም የምትገኙ እትይዮጵያውያን እንኳን ለአዲሱ ዓመት በሰላም እና በጤና አደረሳችሁ። ከኢትዮጵያ ርቀው በአሜሪካ የሚኖሩ ኢትዮጵያውያን አዲሱን ዓመት እንዴት ይቀበሉታል?

ባሳላፍነው ዓመት ከሀገሪቱ ሌሎች አካባቢዎች የተሻለ አንፃራዊ ሰላም ሰዎች በሰላም ወጥተው እንዲገቡ ያስቻለ መሆኑን አስተያየታቸውን ለዶይቼ ቬለ የሰጡ የድሬደዋ ፣ ሀረር እና ጅግጅጋ ነዋሪዎች ገልፀዋል። ዓመቱ በሌሎች የሀገሪቱ አካባቢዎች በነበረው የሰላም መደፍረስ ሳቢያ ኢኮኖሚያዊ ጫና ማስከተሉም ተጠቅሷል።

በሕጋዊም፣ በሕገ - ወጥም መንገድ ወደ መካከለኛው ምስራቅ የአረብ ሀገራት ኑሮን ለማሻሻል ገንዘባቸውን አውጥተው ተጉዘው፣ ለዓመታት በስቃይ የሚቆዩ ሰዎች በዚያ እያሉ ዓመት በዓልን ማክበር የቅንጦት ያህል የሚቆጥሩት ጉዳይ ነው። ዕድሉን አያገኙምና። ገነት ቢቂላ እና ታደለች ታደሰ ከዓመታት የቤይሩት አስቸጋሪ የሥራ ቆይታ በኋላ የተመለሱ ናቸው።

የተገባደደው 2017 ዓመተ ምህረት በትግራይ ከፍተኛ ፖለቲካዊ ቀውሶች፣ የፀጥታ ስጋቶች፣ ክፍፍል (የህወሓትና የታጣቂዎች) የታየበት ዓመት ሆኖ አልፏል። ለዓመታት ክልሉን የመራው ህወሓት ለሁለት መከፈሉ ተከትሎ ከፍተኛ ፖለቲካዊ እና የድህንነት ስጋት ተፈጥሮ ቆይቷል። በእነዚህ እና ሌሎች ምክንያቶች ዜጎች ዓመቱን በጦርነት ስጋት ውስጥ አሳልፈውታል።

ከተለያዩ የአገሪቱ አካባቢዎች በነበሩ ግጭቶች ተፈናቅለው በአማራ ክልል የተለያዩ አካባቢዎች የሚኖሩ ተፈናቃዮች አዲስን ዓመትን በቀያቸው በደስታ እና በፍቅር ይቀበሉ እንደነበበር ያስታውሳሉ። አሁን ያ ሁሉ ቀርቶ በመጠለያ ድንኳን ለማሳለፍ መገደዳቸውን ይናገራሉ። ሰላም እና ወደ ቀያቸው መመለስ የዓዲሱ ዓመት ተስፋ እና ምኞታቸው ነው።

በኦሮሚያ ክልል በተሌዩ አቅጣጫዎች ያለፉትን ጥቂት ዓመታት በግጭት ውስጥ ያለፉ አከባቢዎች ለነዋሪዎቹ ብርቱ ፈተናን ደቅኗል።በአውዳመት የወትሮው ሙላት የጎደለባቸው በነዚህ አከባቢዎች የሚኖሩ የማህበረሰብ አካላት ዛሬ አንድ ተብሎ በተጀመረው አዲሱ ዓመት እንደ ሰላም የሚሹት አንዳችም ነገር የለም፡፡

ኬንያ እና ደቡብ ሱዳን ታላቁ የኢትዮጵያ ህዳሴ ግድብ ከሚያመነጨው ኃይል መሸመት ይፈልጋሉ። ህዳሴ ኃይል ማመንጨት ከጀመረ ወዲህ የኤሌክትሪክ ተደራሽነት ወደ 54% ከፍ ቢልም የዓለም ባንክ በሐምሌ ይፋ ያደረገው ሰነድ በኢትዮጵያ በገጠር እና የከተማ ዳርቻዎች የሚኖሩ ወደ 71 ሚሊዮን የሚጠጉ ሰዎች በቂ የኤሌክትሪክ ኃይል እንደማያገኙ አሳይቷል።

ያለፈው እሁድ ጳጉሜ 2 ቀን 2017 ዓ.ም ኢትዮጵያን ጨምሮ በተለያዩ የአፍሪቃ ፤ የአውሮጳ ፣ የእስያ ፣ የአውስትራሊያ እና የመካከለኛው ምስራቅ ሙሉ የጨረቃ ግርዶሽ ታይቷል።ለመሆኑ የጨረቃ ግርዶሽ እንዴት ይከሰታል?ጨረቃ ለምን ደም ለበሰች ?

የኢትዮጵያ ህዳሴ ግድብ አለማቀፍ ትብብር ጥምረት፣ በመላው ዓለም በታላቁ ኅደሴ ግድብ ላይ የሚሠሩ ድርጅቶችና ባለሙዎችን ያቀፈ ድርጅት ነው።ድርጅቱ የህዳሴ ግድብን መጠናቀቅና ምረቃውንም በማስመልክቶ ሰሞኑን የባለሙያዎች ሲምፖዚየም አኳሄዷል።

ሁሉም የዓለማችን ትልልቅ የቴሌቪሽንና የህትመት ሜዲያዎች የግድቡን ግንባታና መጠን በማድነቅ፣ ለኢትዮጵያ ብቻ ሳይሆን ለአካባቢው አገሮች ጭምር የኃይል ምንጭ የመሆን አቅም ያለው መሆኑን በመግለጽና ከሁሉም በላይ ግን ለኢትዮጵያ ኢኮኖሚ እድገት ትልቅ እመርታ የሚፈጥር መሆኑን በሰፊው ገልጸዋል