የቀይ ባህር አፋር ሕዝብ በኤርትራ መንግስት ለከፋ ሰብአዊ ጥሰትና ስደት መዳረጉን የቀይ ባህር ዲሞክራሲያዊ ድርጅት ገለፀ ። ድርጅቱ ለአለም አቀፉ ማኅበረሰብ ባቀረበዉ ተማፅኖም በኤርትራ መንግስት ላይ ርምጃ እንዲወስድ ጠይቋል ።

የማሕበራዊ መገናኛ ዘዴ ተጠቃሚዎች በርካታ አስተያየቶች ከሰጡባቸው ርዕሰ ጉዳዮች መካከል የሰሞንኛው የኤርትራው ፕሬዚደንት መግለጫ፣ በኢትዮጵያ ያለ ማስያዣ ብድር የሚሠጥበትን አሠራር ማመቻቸት እና ዓለም አቀፉ የገንዘብ ተቋም IMF ከፍተኛው ገንዘብ ካበደራቸው የአፍሪቃ ሃገራት መካከል ኢትዮጵያ አንዷ መሆኗን የሚመከቱ ናቸው።

ጋዜጠኛ ሳሙኤል አሰፋ ያሰባሰበዉ የኢትዮጵያ የየእለት ታሪካዊ ክስተት ለጥናትና ምርምር፣ ለሚዲያ፣ ለትምህርትና ለመዝናኛ ማንበብ ለሚፈልጉ በቀላል ቋንቋ የተጸፈ ነዉ። ከኢትዮጵያ የአዕምሮአዊ ሐብት ጥበቃ ባለስለስልጣን የባለቤትነት መብት ሰርተፍኬትም ተሰጥቶታል። በውጪው ዓለም ዕለቱ በታሪክ የተሰኘ ዓምድ የተለመደ ነዉ። ኢትዮጵያ ዉስጥ ግን የለም።

ከሰሞኑ በኦሮሚያ ክልል ምክር ቤት (ጨፌ ኦሮሚያ) መደበኛ ጉባኤ ላይ ንግግር ያደረጉት የክልሉ ርዕሰ መስተዳድር አቶ ሽመልስ አብዲሳ ካሳ በመክፈል ሰበብ ከፍተኛ ሐብት በክልሉ ውስጥ እንደሚባክን ገልጸው፤ መንግስታቸው ካሁን በኋላ ለግለሰቦች ካሳ ላይከፍል እንደሚችል ጠቁመዋል።

በትግራይ ክልል ያለው ፖለቲካዊ አለመረጋጋት የቱሪዝም እንቅስቃሴ እንዳያገግም እንቅፋት መሆኑን የዘርፉ ተዋንያን ዐሳወቁ ። በተለያዩ ሀገራት የሚወጡ የጉዞ ማሳሰቢያዎች አሉታዊ ጫና እየፈጠሩ ስለመሆናቸውም የትግራይ ቱሪዝም ጽ/ቤት ገልጿል ።

በገዥው ፓርቲ ይስተዋላል ያለው «ጦረኝነትና ማን አለብኝነት ኢትዮጵያን የመፍረስ አደጋ እንዲጋረጥባት» ማድረጉን የኢትዮጵያ ሕዝቦች አብዮታዊ ፓርቲ (ኢሕአፓ) ከሰሰ ። ፓርቲው 11ኛ ጠቅላላ ጉባዔውን ካከናወነ በኋላ ባወጣው መግለጫ የመንግሥት አካሄድ "ኢትዮጵያውያን የዜግነትና የሰውነት ክብራቸው እንዲገፈፍ ምክንያት ሆኗል" ሲል እርምት ጠይቋል ።

የአሜሪካን ው/ጉ/ሚ ማርኮ ሩቢዮ ከጠ/ሚ ዐቢይ አህመድ ጋር ያደረጉት ውይይት፣ የሁለቱን አገራት ግንኙነት የበለጠ ለማጠናከር የሚረዳ ነው ይላሉ አቶ አያና። ዶናልድ ትራምፕ፣”የታላቁ ሕዳሴ ግድብ የተገነባው፣ በአሜሪካ መንግሥት ገንዘብ ነው ሲሉ”በተደጋጋሚ የሚሰጡትን አስተያየት፣ አገሪቱ ከምትከተለው ቋሚ ፖሊሲ ለይቶ ማየት ያስፈልጋልም ብለዋል ።

በውጪ የሚገኙ የኦሮሞ ልኂቃን“ከዐቢይ መንግስት በኋላ” ሊኖር ስለሚገባው ውይይት አስፈላጊነት በሚል የበይነ መረብ ምክክር በማድረግ የአቋም መግለጫ ጭምር አውጥተዋል፡፡ የተለያየ የፖለቲካ አመለካከት ያላቸው ልኂቃንን ያሰባሰበው መድረኩ በአገር ውስጥ በሰላማዊ መንገድ የሚታገሉና የገዢው ፓርቲ ተወካዮች ያልተሳተፉበት በሚል ተተችቷል።

የኢትዮጵያ የፋይናንስ ዘርፍ ዋና ዋና ተቋማት መሪዎች እና የግል ተወካዮች "የኢንቨስትመንት ከባቢ በኢትዮጵያ" በሚል ሀሳብ ላይ ሰፊ ውይይት አድርገዋል። በዚህ ውይይት መንግሥት በቀጣዩ ዓመት ትኩረት ከሚሰጣቸው ጉዳዮች አንዱ ብድር መሆኑና ለሚያስፈልጋቸው የሥራ መስኮች በስፋት ማቅረብ ይገኝበታል ተብሏል።

ከደምቢዶሎ ጊምቢ መደበኛ የመጓጓዣ ዋጋ 400 ብር ነው።ይሁንና ተጓዦች እንደሚሉት አሁን 650 ብር ሆኗል። ለዚህም የነዳጅ ዋጋ መጨመር፣ የአቅርቦት ችግር እና እጥረት በምክንያትነት ይጠቀሳል፡፡ በቤንሻንጉል ጉሙዝ ክልል ካማሺ ዞን ደግሞ የመንገድ ችግር እና ከክረምት ጋር ተያይዞ የወንዝ ሙላት በትራንስርት አገልግሎት ላይ ተጽእኖ እያሳደረ ነው።