የኢትዮጵያ ኃይሎች አል ፋሽጋን ከሱዳን ጦር መልሰው ስለመቆጣጠራቸው ማረጋገጫ የተጠየቀው የውጭ ጉዳይ ሚኒስቴር «በመንግሥት በኩል የተለየ እንቅስቃሴ የለም» ሲል ምላሽ ሰጠ ።

በ2017 ዓ.ም. የምርት ዘመን ወደ ውጭ ከተላከ የቡና ምርት 2.65 ቢሊዮን የአሜሪካን ዶላር ገቢ መገኘቱን የኢትዮጵያ ቡናና ሻይ ባለሥልጣን አሳወቀ። እንደ ባለሥልጣኑ ማብራሪያ አምና ከቡና የወጪ ንግድ ከተገኘው 1.4 ቢሊዮን የአሜሪካን ዶላር አኳያ የዘንድሮ 2017 ዓ.ም. ገቢው በ1.2 ቢሊዮን ዶላር ያህል ብልጫ አለው።

የአውሮጳ ኮሚሽን ፕሬዚዳንት ኡርዙላ ፎንደርላይን በሀላፊነት ለመቆየት የሚያስችላቸውን ከፍተኛ የመተማመኛ ድምፅ አገኙ። በህብረቱ ምክር ቤት በሚገኝበት በሽትራዝ ቡርግ ላይ ዛሬ በተካሄደዉ የድምፅ አሰጣጥ 175 አባላት ክሱን ትክክል ሲሉ፤ 360 አባላት ክሱን ዉድቅ አድርገዉታል። 18 አባላት ደግሞ ምርጫዉን በድምፀ ታዕቅቦ አልፈዉታል።

በአዲስ አበባ የሚገኘው የአሜሪካ ኤምባሲ ስደተኛ ላልሆኑ እና ወደ ዩናይትድ ስቴት መጓዝ ለሚፈልጉ ኢትዮጵያውያን የሚሰጠው ጊዜያዊ ቪዛ የሶስት ወራት ብቻ እንደሚሆን አስታወቀ። በዚህ የአጭር ጊዜ ቪዛ ኢትዮጵያውያን ወደ አሜሪካ መግባት የሚችሉት አንድ ጊዜ ብቻ እንደሚሆን ኤምባሲው ዛሬ ሐሙስ ባወጣው መግለጫ ይፋ አድርጓል።

ዶቼቬለ ያነጋገርናቸው አንድ የመቐለ ከተማ ነዋሪ፥ "አሁን ባለው አለመረጋጋት ምክንያት ሰው ስጋት ውስጥ አስገብቶታል። ማቀድ አትችልም፣ ስረህ መስራት አትችልም።ምክንያቱ ከዛሬ ነገር ምን ይሆናል የሚለው አታውቅም። ጦርነት ይነሳል የሚል ስጋት ውስጥ ነው ያለነው። ኑሮም ተወዷል" ብለዋል። ሌሎች በርካቶችም ተመሳሳይ ሐሳብ ይሰጣሉ።

በጉዞ ላይ ወይም በሌሎች የስራ አጋጣሚዎች መንገድ ላይ እያሉ የተንቀሳቃሽ ስልከዎ ባትሪ ጨርሶ በድንገት ዘግቶበዎት ያውቃል? በአደጉ ሀገራት ያለ ሰው እገዛ ዲጅታል በሆነ መንገድ የሚከናወን የፖወር ባንክ ኪራይ መፍትሄ ይሰጣል። ይህ ዲጅታል መፍትሄ በቅርቡ በኢትዮጵያም ተጀምሯል።

ኦነግ ባለፉት 50 ዓመታት ባከናወናቸው የፖለቲካ ትግሎች በርካታ ድሎች መገኘታቸውን ገልጾ ዛሬም ድረስ ግን ህዝቡ ሙሉ ነጻነት እንዳልተጎናጸፈ እንደሚያምን አስታውቋል። በፖለቲካ አስተሳሰብ ልዩነት ምክንያት ዛሬም መታሰርና መሳደድ እንዳለ የገለጸው ኦንግ፤ ባለፉት7 ዓመታትም ችግሮችን በንግግር ወደመፍታት መሻገር አለመቻሉን ገምግሜያለሁ ብሏል፡፡

በአሁኑ ጊዜ የበሽታው ሥርጭት ምጣኔ 61 በመቶ ላይ እንደሚገኝ ሃላፊው አሃዛዊ መረጃዎችን በመጥቀስ አስረድተዋል፡፡ በሽታውን አስቀድሞ ለመከላከል ቀደምሲል ጀምሮ ሥራዎች ሲከናወኑ መቆየታቸውን የጠቀሱት ሃላፊው እንደክልል በ870 ሺህ 390 ካሬ ሜትር ላይ የወባ ትንኝ ማራቢያ የሆነ ያቆረ ውሃን የማፋሰስ ስራ መከናወኑን አስረድተዋል ፡፡

በውይይቱ እንደተገለጸው አንድ አርሶ አደር በኪሎሜትሮች የሚራራቁ በርካታ ማሳዎችን ይዞ ይገኛል፡፡ ማሳዎቹ በዚህ መልክ መያዛቸው የጊዜና የገንዘብ ወጪን እንደሚያስከትል፣ በቅድመ ድህረ ምርትና ድህረ ምርት ወቅት የምርት ብክነትን እንደሚያስከትል በግብርና ሚኒስቴር የመሬት አስተዳደርና አጠቃቀም ክፍል የሕግ ባለሙያው አቶ አበባው አበበ ተናግረዋል፡፡

ሜቴክ በያዮ የጀመረው የማዳበሪያ ፋብሪካ ኢትዮጵያን በቢሊዮን ብሮች አክስሮ ገበሬ አስለቅሶ ቆሟል። በሞሮኮ ኦሲፒ ኩባንያ በድሬዳዋ ሊገነባ የታቀደው ከወረቀት አልዘለለም። የጠቅላይ ሚኒስትር ዐቢይ አሕመድ መንግሥት በሶማሌ ክልል በምትገኘው ጎዴ ከተፈጥሮ ጋዝ ማዳበሪያ ፋብሪካ ለመገንባት ተስፋውን በናይጄሪያዊው ባለጠጋ አሊኮ ዳንጎቴ ላይ አሳርፏል።