እንደ ዶቼቬለ እና ARD የምርመራ ዘገባ አዩብ በቪድዮው «ጠመንጃችሁን አንስታችሁ ተዋጉ »የሚል ጥሪ አቅርቧል። ከልምዴ ብሎ ተዋጊዎች ጠላቶችን ከርቀት ለማየት እንዲችሉ ከፍ ያለ ህንጻ እንዲወጡ ይመክራል። «መንገድ ላይ ወታደራዊ የደንብ ልብስ የለበሰ ማንንም ሰው ካያችሁ ተኩሱ ወደ ህንጻ ጣሪያ እንዳትወጡ የሚከለክሏቸው ሰዎችም ላይ ተኩሱ»ብሏል።

በኢትዮጵያ በ2018 ዓመት የሚያካሂደዉ 7ኛው ብሔራዊ ምርጫ በጠባብ የፖለቲካ ምህዳርና በሁለት የአገሪቱ ክልሎች በሚስተዋለዉ ግጭት ሊፈተን ይችላል ሲል የኦሮሞ ፌዴራላዊ ኮንግሬስ (ኦፌኮ) አስታወቀ፡፡ ኦፌኮ ይህን ያለዉ በቅርቡ የተባበሩት መንግስታት ከፍተኛ የልዑካን ቡድንን አዲስ አበባ በሚገኘዉ ዋና ጽ/ ቤቱ ዉስጥ ባነጋገረበት ወቅት ነው፡፡

የበልግ ዝናብ ወቅቱን ጠብቆ ባለመጣሉ ምክንያት በአማራ ክልል ደቡብ ወሎ ዞን 380 ሺህ የህብረተሰብ ክፍል የምግብ ድጋፍ ይፈልጋል ተባለ። በዝናብ እጥረቱ ምክንያት በዞኑ የሚገኙ እንስሶች ላይ የመኖ እጥረት አጋጥሞል። ደሴ ዙሪያ፣ ኩታበር፣ ለጋምቦ፣ መቅደላ፣ ተንታ፣ አምባሰል፣ ደላንታ ወረዳዎች ናቸዉ የዝናብ እጥረት ያጋጠማቸዉ።

ሪዮ ዲ ጄኒሮ ብራዚል ለሁለት ቀናት ለጉባኤ የተቀመጠዉ የብሪክስ ስብስብ ለትራምፕ የኤኮኖሚ ፖሊሲ ምላሽ በመስጠት ተጠናቋል። ጥምረቱ እንደ ቻይና ያሉ አገራትን ቢያካትትም እስካሁን እምብዛም ስኬት አላመጣም። በ17ኛዉ የብሪክስ ጉባኤ የቻይናና የሩሲያ መሪዎች በአካል አልተገኙም፤ የኢራንና ግብጽ መሪዎች ደሞ በውጭ ጉዳይ ሚኒስትሮቻቸው ተወክለዋል።

በቅርቡ የተመሰረተው በእነ አቶ ጌታቸው ረዳ የሚመራው 'ስምረት' ፓርቲ የኢትዮጵያ ፌደራል መንግስት በትግራይ ባለው 'ሕገወጥ ቡድን' ላይ እርምጃ እንዲወስድ ጠየቀ። ይህ ቡድን ከኤርትራ ጋር በመተባበር፥ በኢትዮጵያ ላይ ጦርነት ለመክፈል ዝግጅቱ ጨርሶ ይገኛል ሲልም የትግራይ ዴሞክራሲያዊ ስምረት ፓርቲ ከሷል።

በዓለም አቀፍ ደረጃ እየጨመረ የሄደውን የፖለቲካ አለመረጋጋት በተጨባጭ መረጃ በተደገፈ የሚዲያ ስራ ሚዛን መጠበቅ እንደሚገባ ተጠየቀ። ዶቼ ቬለ ያዘጋጀው እና ከበርካታ የዓለም ሃገራት የተጋበዙ የመገናኛ ብዙኃን ባለሞያዎች ለሁለት ቀናት የተሳተፉበት የውይይት መድረክ ተጠናቋል።

በተሳሳተ ድምዳሜ ትግራይ ላይ ጦርነት እንዳይጀመር ጥንቃቄ ያስፈልጋል ሲሉ የትግራይ ግዚያዊ አስተዳደር ፕሬዝደንት ጀነራል ታደሰ ወረደ ተናገሩ። አሁን ላይ አፋር ክልል ያሉ ከተባሉ የቀድሞ የትግራይ ሐይሎች ታጣቂዎች ጋርም ልዩነቶች በሰላም ለመፍታት የትግራይ ግዚያዊ አስተዳደር እንደሚሰራ ገልፀዋል።

የህክምና ዋስትና የሌላቸዉ በደቡብ አፍሪቃ የሚኖሩ ኢትዮጵያዉያን ለመዉለድ ሆስፒታል የሄዱ ነፍሰጡር እህቶቻችን፤ ዘመዶቻችን በመጤ ጠል ሆስፒታል እንዳይገቡ ተከለከሉ ሲሉ አማረሩ። በደርባን ከተማ ሆስፒታል በራፍ ላይ ለመግባት የሞከሩት ነፍሰጡሮች በመከልከላቸዉ የተቆጡ ከአስር የሚበልጡ ኢትዮጵያዉያን በፖሊስ በተተኮሰ የጎማ ጥይት ቆሰለዋል።

የምርጫ ቦርድ ተሿሚዎች ሥራ በለቀቁ 5 ዓመት ውስጥ የፖለቲካ ፓርቲ አባልም ሆነ አመራር እንዳይሆኑ የሚገድብ ሕግ ቀረበ። የኢትዮጵያ ብሔራዊ ምርጫ ቦርድ የሥራ አመራሮች ሥራ በለቀቁ በ አምስት ዓመታት ውስጥ በማንኛውም የፖለቲካ ፓርቲ አባል ወይም አመራር እንዳይሆኑ የሚያደርግ ረቂቅ ማሻሻያ አዋጅ ለውይይት ቀረበ።

የሊቨርፑል ኮከብ አጥቂ ዲዬጎ ጆታ ባለፈው ሳምንት በመኪና አደጋ ከወንድሙ ጋር ሕይወቱ ማለፉ በደጋፊዎቹ ዘንድ የፈጠረው ድንጋጤና ሐዘን እንደቀጠለ ነው ። በፊፋ የቡድኖች የዓለም ዋንጫ ፉክክር የጀርመን ቡድኖች ከሩብ ፍጻሜው ሲሰናበቱ፤ ጃማል ሙሳይላ ብርቱ ጉዳት ደርሶበታል ። ከተደረገለት ቀዶ ሕክምናው እስኪያገግም አንድ ወር ይፈጃል ተብሏል ።