ምንም እንኳን ጀርመን ተፈላጊ በሆኑ የሥራ መስኮች ፣ብዙ አፍሪቃውያን እድሉን ባያገኙም ፣ጀርመን ከወራት በፊት ከኬንያ ጋር የፍልሰት ስምምነ ትተፈራርማለች። ጀርመን እስካሁን የፍልሰት ስምምነት መፈራረም የቻለችው ከኬንያ ጋር ብቻ ነው። በዚህ ዓመት በታኅሳስ ወር በዚህ ስምምነት መሠረት ጀርመን የመጡት 90 ኬንያውያን ነርሶች ብቻ ናቸው።

በጎርጎሪዮሳዊው 2020 የዓለም ባንክ ያወጣው መረጃ እንደሚያመለክተው ኢትዮጵያ ውስጥ የህክምና ባለሙያዎች ቁጥር 120 ሚሊየን ገደማ ሕዝብ ያላት ሀገር ከምትፈልገው እጅግ በጣም ያነሰ ነው።

የህወሓት ክፍፍል ተከትሎ ለሁለት የተከፈሉት ታጣቂዎች ወደ እርስበርስ ግጭት እንዳያመሩ ከፍተኛ ስጋት ተፈጥሮ እንዳለ በትግራይ በተቃዋሚነት የሚንቀሳቀስ ሳልሳይ ወያነ ትግራይ አሳሰበ። ይህ ተከትሎ ሊፈጠር የሚችል ቀውስ ለማስቀረት በትግራይ 'ሁሉ አካታች ብሔራዊ ውይይት' እንዲደረግ ፓርቲው ጥሪ አቅርቧል።

“በደቡብ ኢትዮጵያ ክልል በአስተዳደራዊ መዋቅር ወሰኖች መካከል የሚከሰቱ አለመግባባቶችና ግጭቶች የክልሉን የልማት ትኩረት እየሰረቁ ነው“ አሉ ርዕሰ መስተዳድር ጥላሁን ከበደ። ክልሉ ከተመሠረተ ወዲህ የህዝብ ለህዝብ ትስስርን ለማጠናከር የሚያስችሉ ሥራዎች ቢከናወኑም አሁንም በአንዳንድ አካባቢዎች የፀጥታ ችግሮች እየተስተዋሉ ይገኛሉ ብለዋል ፡፡

በምዕራብ ጎንደር ዞን መቃ በተባለች ትንሽ ከተማ በጸጥታ አስከባሪዎች እና በታጣቂዎች መካከል ከተፈጠረ ግጭት በኋላ 17 አርሶ አደሮች መገደላቸውን የአካባቢው ተወላጆች ተናገሩ። ባለፈው ሣምንት ሰኞ ታጣቂዎች በአጀብ በሚጓዙ ተሽከርካሪዎች ላይ በፈጸሙት ጥቃት 16 ሾፌሮች መገደላቸውን የምዕራብ ጎንደር ዞን ሰላም እና ፀጥታ መምሪያ አስታውቆ ነበር።

በአዲስ አበባ ከተማ የትግራይ ተወላጀች ላይ ያነጣጠረ የዘፈቀደ እስር እየተፈፀመ ነው ሲል ቅድሚያ ለሰብአዊ መብቶች የተባለ አገር በቀል የመብቶች ድርጅት አመለከተ፡፡ ሰብዓዊ ድርጅቱ ትናንት ሰኞ ሰኔ 23 ቀን 2017 ዓ.ም. በይፋ ባወጣው ሪፖርት የጅምላ እስር ያሉት ተግባሩ በበራካታ የመዲናዋ ፖሊስ ጣቢዎች ላይ መታየቱን አስረድቷል፡፡

በኦሮሚያ ክልል ምስራቅ ወለጋ ዞን ኪረሙ ወረዳ የመረጋጋት ተስፋ አሳይቶ የቆየው የአከባቢው ፀጥታ ዳግም ስጋት እየወለደ መሆኑ ተነገረ። አካባቢዉ ላይ የሚኖሩ ሰዎች ለዶይቼ ቬለ በሰጡት አስተያየት የወረዳው ነዋሪዎች በአባይ ሸሎቆ ኦሮሚያ እና አማራ ክልሎችን በምታዋስነው በዚህች ወረዳ የታጠቁ አካላት ስጋት መሆናቸው አልተገታም ብለዋል።

መተከል ዞን ውስጥ በስፋት የሚኖሩት የሺናሻ ብሔረሰብ በግለሰብ ደረጃም ሆነ በቡድን የሚከሰቱ ግጭቶችን የሚፈቱበት ‹‹ነሞ›› የተባለው ባህል በማህበረሰቡ ዘንድ ተቀባይነቱ የጎላ ነው፡፡ አቶ ከከበደ ጉደያ የብሔረሰቡ ሀገር ሽማግሌ በዚህ ባህላዊ የግጭት አፈታት ስርዓት ቅጣቱ እንደ ጥፋት መጠን እና ክብደት እንደሚለያይ ተናግረዋል፡፡

በዓለም ላይ አዉዳሚዉን የአዉቶሚክ ቦምብ ለመጀመሪያም፣ እስካሁን ለመጨረሻም ጊዜ በከተሞች ላይ ያፈነዳች አንድ ሐገር አለች።ዩናይትድ ስቴትስ ኦፍ አሜሪካ።በዓለም ላይ በይፋ ሳትናገር ግን ኑክሌር ቦምብ የታጠቀች ሌላ ሐገር አለች።እስራኤል።ሁለቱ ኑክሌር የታጠቁ መንግሥታት ሌላዉን መንግስት ተቆጣጣሪ ያደረጋቸዉ ማነዉ የሚሉ አሉ

ፈቃድ ተሰጥቷቸው “ሠራተኛን በውጭ ሀገር ለሥራ ለአሠሪ የማቅረብ አገልግሎት” የሚሠጡ ኤጀንሲዎች መንግሥት ያዘጋጀው ረቂቅ አዋጅ ከሥራ ውጪ ሊያደርጋቸው እንደሚችል ተናገሩ። የውጪ ሀገር ሥራ ሥምሪት አዋጅ ኤጀንሲዎች ከ50,000 እስከ 250,000 ዶላር “ለመብት ክብር እና ደህንነት ዋስትና ማስከበሪያ” ማስያዝ እንደሚኖርባቸው ይደነግጋል።