የመካክለኛው ምስራቅና የሩሲያና ዩክሬን ጦርነት አጀንዳዎች፤ ዛሬና ነገ በነዘርላንድስ ዘሄግ እየተካሄደ ባለው የሰሜን አትላንቲክ የጦር ቃል ኪዳን ድርጅት (ኔቶ) ስብስብና በብራስልስ ደግሞ ነገና ከነገ ወዲያ በሚካሄደው የአውሮፓ ህብረት የመሪዎች ጉባኤም የመነጋገሪያ ኣጀንዳ ሆኖ እንደሚቀጥል ታውቋል።

ባለፈው እሁድ በዛላንበሳ ከተማ የተደረገው በድንበር አካባቢዎች የሚገኙ የሁለቱ ሀገራት ዜጎች የተገናኙበት መርሀግብር ከትግራይ እንዲሁም ከኤርትራ የተለያዩ አካባቢዎች የመጡ የሀገር ሽማግሌዎች፣ የሃይማኖት አባቶች፣ በኤርትራ ታዋቂ የሚባሉ አክቲቪስቶች እንዲሁም ሌሎች በርካቶች የታደሙበት እንደነበረ ተገልጿል።

ዋና ኦዲተር መሠረት ዳምጤ፣ ዛሬ የዓመቱን የምርመራ ውጤቱን ለሕዝብ ተወካዮች ምክር ቤት ሲያቀርቡ ጉድለት የተገኘባቸው ተቋማት አመራሮች በፓርላማው አለመገኘት እና ተቋማቱ በሚፈጽሟቸው ጥፋቶች ተጠያቂ አለመደረጋቸው ጥያቄ ያስነሳ ጉዳይ ሆኗል።

የሙቀት ማዕበል በርካታ ሃገራትን በአሁኑ ወቅት እያስጨነቀ ነው። ከ60 በላይ ሳይንቲስቶች የተሳተፉበት አንድ ጥናት የሙቀት አማቂ ጋዞች ልቀት በዚሁ ከቀጠለ የዓለምን የሙቀት መጠን በመጪው ሦስት ዓመታት ውስጥ ከ1,5 ዲግሪ መብለጡ እንደማይቀር አመልክቷል።

የኦነግ ዋና ቢሮ መከፈትና የፖለቲካ ምህዳሩ ተስፋ

በአማራ ክልል ሰሜን ወሎ ዞን ላሊበላ አካባቢ በነበሩ ሰው ሠራሽ ችግሮች ምክንያት ቅዱስ ላሊበላንና አካባቢውን ይጎበኙ የነበሩ ቱሪስቶች ቁጥር በመቀነሱ በዘርፉ ተሰማርተው የነበሩ አካላት ለከፍተኛ የኢኮኖሚ ችግር መዳረጋቸው ተመለከተ። በከተማዋ አገልግሎት ይሰጡ የነበሩ 52 ሆቴሎች የተሟላ አገልግሎት በማቆማቸው 5ሺህ ሰራተኞች ስራ አጥ ሆነዋል።

የኢራንና አፀፋፃ ኔታንያሁ እንዳሰቡት በቀላሉ የሚቋቋሙት እንዳልሆነ ሲታወቅ ግን የአሜሪካ መሪዎችን ጎትተዉ ከዉጊያዉ ጨመሩ።ፕሬዝደንት ትራምፕ ከምረጡኝ ዘመቻቸዉ እስከ በዓለ-ሲመታቸዉ፣ ከፕሬዝደንት ጆርጅ ደብሊዉ ቡሽ እስከ ጆ ባይደን የነበሩ የአሜሪካ መሪዎችን በጦርኝነት ሲወቅሱና ሲከስሱ ነበር።ጦርነትን ለማስቆም ቃል ያልገቡበት ጊዜም አልነበረም።

ከገጠር ወደ ከተማ በቤት ሰራተኝነት ለመቀጠር የሚሄዱ ሴቶች ለአካላዊና ፆታዊ ጥቃት እየተዳረጉ ነዉ ተባለ በተለይም አስገድዶ መደፈርና በእሳት የአካል ጉዳት በቀጣሪዎቻቸዉ ይፈፀምባቸዋ በደሴ ከተማም ከ90 በላይ ጥቃቶች ተመዝግበዋል። ደሴ ከተማ በተለይም መነሻቸውን ገጠር አድርገው በከተማ የቤት ሰራተኛ ሆነው በሚቀጠሩ ሴቶች ጉዳቱ ከባድ ሆኗል፡፡

የጤና ባለመያዎች ያነሱት የደሞዝ ጭማሪ እና የጥቅማ ጥቅም ጥያቄ ተገቢ ቢሆንም የተጠየቀበት መንገድ ትክክል እንዳልሆነ ጠ/ሚ ዐበይ አሕመድ ተናግሩ። ጥያቄው በሙያቸዉ በቅንነት በሚያገለግሉ ነገር ግን ኑሮ በከበዳቸው፣ "የፖለቲካ ኪሳራ በገጠማቸው እና ሀኪም መሳይ ጋዎን ለባሽ" ባሏቸው ሰዎች ተጠልፎ መልኩን መቀየሩንም ጠቅላይ ሚኒስትሩ ገልፀዋል።

በአትሌቲክስ ፤ ኢትዮጵያውያን አትሌቶች በሳምንቱ የመጨረሻ ቀናት በፓሪስ የዳይመንድ ሊግ ውድድር ድል ቀንቷቸዋል። የኢትዮጵያ አትሌቲክስ ፌዴሬሽን ጃፓን ለምታስተናግደው የዓለም አትሌቲክስ ሻምፒዮና የማራቶን ተወዳዳሪዎችን ይፋ አድርጓል።