በደቡብ ኢትዮጵያ ደቡብ ኦሞ ዞን ዳሰነች ወረዳ በኦሞ ወንዝ ሙላትና በቱርካና ሐይቅ መጨመር የተፈናቀሉ ከ79 ሺህ በላይ ነዋሪዎች መንግሥት ዘላቂ መፍትሄ እንዲፈልግላቸው ጠየቁ። ለችግሩ ዘላቂ መፍትሄ ባለመበጀቱ ለ3ተኛ ጊዜ መፈናቀላቸውን ለዶቼ ቬለ የተናገሩት ነዋሪዎቹ የተለያዩ አገልግሎት ሰጪ ተቋማትም አሁንም በውኃ ተውጠው እንደሚገኙ ጠቅሰዋል።

በአውሮጳ እግር ኳስ ግጥሚያ፦ የጀርመን ከ21 ዐመት በታች ተጨዋቾች ወደ ሩብ ፍጻሜ ማለፋቸውን አረጋግጠዋል ። ሊቨርፑል በከፍተኛ ክፍያ ጀርመናዊው አማካይ ፍሎሪያን ቪርትስን ሊያስመጣ ተስማምቷል ። ቅዳሜ የግብጹ አል አህሊ ከዩናይትድ ስቴትሱ ኢንተር ሚያሚ ጋ ያለምንም ግብ ተለያይቷል ። የ37 ዓመቱ አጥቂ ሊዮኔል ሜሲ የፈየደው ነገር አልነበረም ።

የታላቁ ህዳሴ ግድብ አሁን ያለበትን ደረጃ ለማድረስ ሰራዊቱ ከፍተኛ ገድል መፈጸሙን የኢፌዲሪ ጦር ሐይሎች ጠቅላይ ኤታማጆር ሹም ፊልድ ማርሻል ብርሀኑ ጁላ ተናገሩ፡፡ ፊልድ ማርሻል ብርሀኑ ጁላ ይሄንን የተናገሩት ትናንት የምዕራብ ዕዝ 404ኛ ህዳሴ ኮር 3ኛ ዓመት ምስረታ በዓሉን በታላቁ ህዳሴ ግድብ ባከበረበት ወቅት ነው፡፡

ቤት ገንቢ ድርጅቶች ከግል ባንኮች በቂ ብድር እያገኙ አለመሆኑ መሠረታዊ ችግር እንደሆነበት የኢትዮጵያ የሪል እስቴት አልሚዎች ማሕበር አስታወቀ። በዚህ ወቅት በግል ዘርፉ ያለው የቤት ግንባታ እና ግብይት መቀዛቀዝ የታየበት ሲሆን የቤቶች ዋጋ መናር ለዚህ ምክንያት መሆኑን ማሕበሩ ገልጿል።

በትግራይ 50 ከመቶ ህፃናት ከትምህርት ገበታ ውጪ ሆነው እንዳለ የክልሉ አስተዳደር ገለፀ። ድህነት፣ መፈናቀል እና ሌሎች ሁኔታዎች ለዚህ ምክንያቶች ናቸው ተብለዋል። በርካታ ቁጥር ያላቸው የትግራይ ህፃናት በክልሉ እና ከክልሉ ውጭ በልመና ተሰማርተዋል፣ ለጉልበት ብዝበዛ እየተዳረጉ መሆኑንም ተገልጿል። ዛሬ የአፍሪካ ህፃናት ቀን እየተዘከረ ነው።

እስራኤል በኢራን ላይ ያደርሰችው ጥቃትና የኢራን ወታደራዊ የአጸፋ መልስ አካባቢውን ወደ ሌላ አስከፊ ጦርነት እንዳያስገባው እና የዓለም ሰላም እና ምጣኔ ሀብትም እንድይናጋ አስግቷል። መንግስታትና አለማቀፍ ድርጅቶችም ዋና አጀንዳቸው አድርገው እየተወያዩበት ነዉ። የሰባቱ ባለፀጋ አገር መሪዎች ጉባኤ ዋና ርዕስም ነዉ።

ያ የተፈራው ፤ ያ እንዳይመጣ የተሰጋው ቀንና ሰዓት ደረሰ። ለአራት አስርት ዓመታት የዘለቀው የከፋ ጠላትነት ገነፈለ ፤ በመጨረሻም እስራኤል ክብሪቱን ለኮሰች ፤ የኢራን እስራኤል የአየር ላይ ጦርነት የእሳት ኳስ እያወራወረ አራተኛውን ቀን አስቆጠረ ፤ ሀገራቱ በታሪካቸው አይተው ያማያውቁትን ውድመት እና የሰብአዊ ቀውስ እያስተናገዱ ነው ።

የኖርዌይ የስደተኞች ካውንስል የተባለው ድርጅት በዓመታዊ ዘገባው በዓለም ላይ የተዘነጋ የመፈናቀል ቀውስ ውስጥ ይገኛሉ ካላቸው መካከል ኢትዮጵያን ሁለተኛ ደረጃ ላይ አስቀምጧታል። በግጭቶችም ይሁን በሌሎች ተፈጥሮአዊ አደጋዎች በኢትዮጵያ ከመኖሪያቸው ከተፈናቀሉ ሰዎች መካከል የምግብ አቅርቦት እንደተቋረጠባቸው በምሬት የሚናገሩ ብዙዎች ናቸው።

የፕሬዝደንት ዶናልድ ትራምፕ አስተዳደር ኢትዮጵያ፣ ግብጽ እና ጅቡቲን ጨምሮ 36 ሀገራትን የጉዞ እገዳ ከተጣለባቸው ዝርዝር ውስጥ የማካተት ዕቅድ እንዳለው ዋሽንግተን ፖስት ዘግቧል። እገዳ ይጣልባቸዋል ከተባሉት ውስጥ 25 የአፍሪካ ሀገራት ይገኙበታል። ከባለፈው ሰኞ ጀምሮ ኤርትራን ጨምሮ የ12 ሀገራት ዜጎች አሜሪካ ከመግባት ታግደዋል።

በሚሳይሎች እና ድሮኖች ጭምር የሚደረገው የእስራኤል እና የኢራን ውጊያ ሦስተኛ ቀኑን ሲይዝ አንዳቸው በሌላቸው ላይ ብርቱ ጥቃት ለመፈጸም እየዛቱ ናቸው።