ኢትዮጵያ ወደ ባህር እንዳትወጣ አበክረው የሚሠሩ አካላት አሉ ሲሉ የኢፌድሪ ጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ አመለከቱ ። አስተያየታቸውን ለዶይቼ ቬለ የሰጡ የፖለቲካ ተንታኝ ግን በአፍሪቃ ቀንድ ሌላ ዙር ግጭት እንዳይከሰት መንግስታቱ አበክረው መሥራት ጠበቅባቸዋል ብለዋል ።

በትግራይ ክልል 'አንዣበበ' ያሉት የእርስበርስ ግጭት ስጋት እንዲቀረፍ የክልሉ ጊዜያዊ አስተዳደር ሊሠራ ይገባል ሲሉ ሁለት ሲቪክ ተቋማት ባወጡት መግለጫ ጥሪ አቀረቡ። ሥጋታቸውን የገለጡት ቅድሚያ ለሰብአዊ መብቶች እና የዴሞክራሲና ማኅበራዊ ፍትህ ድምፅ የተባሉ ሁለት ሲቪክ ተቋማት ናቸው ።

ስድስት የፓለቲካ ድርጅቶችን ያሰባሰበው ኮከስ፦ «ለአገር አለመረጋጋት፣ ለእርስ በርስ ግጭትና ጦርነት፣ ለፖለቲካዊ ትርምስ፣ ለኢኮኖሚታዊ ድቀትና ማኅበራዊ ቀውስ መባባስ» ምክንያት ይሆናሉ በሚል የጠቀሳቸው አካሄዶች እንዲገቱ ጥሪ አቀረበ ። መግለጫውን ያወጡት የኮከስ አባል የፖለቲካ ድርጅቶች ኢሕአፓ፣ ኦፌኮ ኅብር፣ ዎብን፣ ኦነግ እና መድረክ ናቸው።

ሼህ አልፈኪ ከናይጀርያ ተነስተው በሱዳን በኩል ወደ ኢትጵያ መጥተው ያዓ መሰራ መስጂን ከመገንባታቸው በፊት በአሶሳ ለተወሰኑ ዓመታት መቆየቸውን፣ ከዚም ወደዳምቢ ዶሎ፣ጂማ፣ ትግራይና በተለያዩ የኢትዮጵያ ክፍሎች የሀይማኖት ትምህርት መስጠታቸውን ከ30 ዓመት በላይ በያዓ መሠራ መስጅድ በማገልገል ላይ የሚገኙ ሼህ መሐመድ ሳሲ ተናግረዋል፡፡

ከ2018 የኢትዮጵያ 1.93 ትሪሊዮን ብር በጀት 463 ቢሊዮን ብር ለዕዳ ክፍያ ተመድቧል። የኢትዮጵያ ባለሥልጣናት “የተሟላ” የሚሉት የኢኮኖሚ ማሻሻያ ላይ ያተኮረው በጀት ለአዳዲስ ፕሮጀክቶች ገንዘብ አልመደበም። በቀጣዩ ዓመት 1.2 ትሪሊዮን ብር ገቢ ከሀገር ውስጥ ለመሰብሰብ አዳዲስ የታክስ ፖሊሲዎች ሥራ ላይ እንደሚያውል መንግሥት አስታውቋል።

በአሁኑ ጊዜ እንደ ቲክ ቶክ ያሉ የማኅበራዊ መገናኛ ዘዴዎች የሰዎችን ሀሳብ በመበታተን ይጠቀሳሉ።በዚህ የተነሳ በርካታ ሰዎች ከጥቂት ደቂቃዎች በላይ በአንድ ነገር ላይ ማተኮር እየተቸገሩ መሆኑን ጥናቶች ያሳያሉ።ይህ እንዴት ይከሰታል? እንደ ቲክ ቶክ ያሉ የማኅበራዊ መገናኛ ዘዴዎች በአእምሯችን ላይ ምን ተፅዕኖስ ያሳድራሉ?

በአማራ ክልል ደቡብ ወሎ ዞን በሐይቅ ጃሪ የስደተኞች ጣቢያ የሚገኙ የሀገር ዉስጥ ተፈናቃዮች ባለፉት ስድስት ቀናት ምንም አይነት ህክምና ባለማገኘታቸዉ ህሙማን በከፍተኛ ችግር ውስጥ መሆናቸዉ ተነገረ። ባለፉት አምስት ዓመታት በዮኒሴፍ አማካኝነት በመጠለያ አገልግሎት ይሰጥ የነበረዉ ክሊኒክም በበጀት እጥረት ምክንያት ሥራዉን አቋርጦል።

የዩናይትድ ስቴትስ ዜጋ ያልሆኑ ነዋሪዎች፣ ወደ ሀገራቸው ሐዋላ ሲልኩ የ3.5 በመቶ ታክስ እንዲከፍሉ የተዘጋጀው ረቂቅ ሕግ፣ ለተጨማሪ ወጪ የሚዳርግና አሳሳቢ መሆኑ ተገለጸ። ዶቼ ቬለ ያነጋገራቸው ከአሜሪካ ሐዋላ የሚልኩ አስተያየት ሰጪዎች፣ ረቂቅ ሕጉ ለተደራራቢ ወጪ የሚደረጋቸው መሆኑ፣ ስጋት አሳድሮባቸዋል።

በጋዜጠኛ ተስፋለም ወልደየስ የዋስትና መብት ላይ ፖሊስ ለሰበር ሰሚ ችሎት ይግባኝ በማለቱ ለነገ ጠዋት ተቀጠረ። በጋዜጠኛ ተስፋለም ወልደየስ የዋስትና መብት ላይ ፖሊስ ይግባኝ በማለቱ ተጠርጣሪው ዛሬ ከቀትር በኋላ በአዲስ አበባ ሰበር ሰሚ ችሎት ቀርቧል።

አዲስ አበባ ጉሌሌ የሚገኘው የኦሮሞ ነጻነት ግንባር (ኦነግ) ዋና ቢሮ ከአምስት ዓመታት በኋላ መከፈቱን ፓርቲው አስታወቀ። የቢሮው መከፈት ፓርቲውን በፖለቲካ እንቅስቃሴ ከማገዙም አልፎ ለፖለቲካ አውድ አመቺ መደላድል ለመፍጠር አንድ እርምጃ ነውም ተብሏል።