የዩናይትድ ስቴትስና የሶሪያ መሪዎች ሲነጋገሩ ከ25 ዓመታት ወዲሕ የትራምፕና የአል ሻራዕ የመጀመሪያዉ ነዉ።ትራምፕ ፖለቲካ-ዲፕሎማሲን ከንግድ-ምጣኔ ሐብት በቀየጠዉ ጉብኝታቸዉ ለሳዑዲ አረቢያ የ142 ቢሊዮን ዶላር የጦር መሳሪያ ለመሸጥ ተስማምተዋል።ሳዑዲ አረቢያ ዩናይትድ ስቴትስ ዉስጥ 600 ቢሊዮን ዶላር ሥራ ላይ ታዉላላች

አሜሪካ እና ቻይና አንዳቸው በሌላቸው ሸቀጦች ላይ የጣሉትን ታሪፍ ከዛሬ ጀምሮ ለ90 ቀናት በከፍተኛ መጠን ቀንሰዋል። ሁለቱ የንግድ ከባድ ሚዛን ተፋላሚዎች ታሪፍ የቀነሱት ከጥቂት ቀናት ከፍተኛ ባለሥልጣኖቻቸው በተስማሙት መሠረት ነው። ዶናልድ ትራምፕ በታሪፍ የጀመሩት የንግድ ጦርነት የዓለም ኢኮኖሚ ዕድገትን እንደሚያቀዛቅዝ አስግቶ ነበር።

በምንኖርበት የበይነመረብ ዓለም ጎግል ላይ በየቀኑ 8.5 ቢሊዮን የመረጃ ፍለጋዎች ይካሄዳሉ።በአሁኑ ወቅት ለብዙዎች የህይወት አንድ አካል በሆኑት የተንቀሳቃሽ ስልኮቻችን እና በላፕቶፕዎቻችን ላይ በየቀኑ የምንጠቀማቸው ብዙዎቹ አገልግሎቶች ነፃ ናቸው።ነገር ግን በሌላ መንገድ የግል መረጃዎቻችንን በመስጠት ለኩባንያዎቹ ዋጋ እንከፍላለን።

ከአትላንቲክ ወዲያ ማዶ ያለው ግንኙነት ተጠናክሮ እንዲቀጥል የሚሹት ሜርስ ዶናልድ ትራምፕ የሚመሯት ዩናይትድ ስቴትስ ለሰሜን አትላንቲክ የጋራ መከላከያ ቃል ኪዳን ድርጅት ኔቶ ወታደራዊ እርዳታ መስጠት መቀጠሏን ይጠራጠራሉ። ከአሜሪካን ነጻ መውጣት መቻል አለብን ያሉት ሜርስ የአውሮጳ ሀገራት የመከላከያ ፖሊሲ ትብብር እንዲመሰርቱ እየጣሩ ነው።

የትግራይ ባህልና ቱሪዝም ቢሮ በትላንትናው ዕለት ግንቦት 4 ቀን 2017 ዓመተምህረት፥ ለኢትዮጵያ ፌደራል መንግስት ቱሪዝም ሚኒስቴር የፃፈው ደብዳቤ እንደሚያመለክተው ወደ ትግራይ ለጉብኝት የሚጓዙ ቱሪስቶች ጨምሮ የተለያዩ ስራዎች ያሏቸው የውጭ ዜጎች ወደ ክልሉ እንዳያመሩ በኤርፖርቶች ክልከላ እየተደረገባቸው መሆኑ ያመለክታል።

ከዛሬ ጀምሮ ከድንገተኛ፣ ከጽኑ ሕሙማን፣ ከጨቅላ ሕፃናት እና ከማዋለጃ ክፍል አገልግሎቶች በስተቀር ሥራ የማቆም አድማ የጀመሩ የጤና ባለሙያዎች መኖራቸውን በተለያየ የሀገሪቱ ክፍል ካነጋገርናቸው ባለሙያዎች መካከል አንዳንዶቹ ገልፀዋል።

ትራምፕ ከሳዑዲ አረቢያ በተጨማሪ የተባበሩት አረብ ኤምሬቶችንና ቀጠርን ይጎበኛሉ።የአሜሪካዉ ፕሬዝደንት ዛሬ ሪያድ ሲገቡ ልዩ አቀባባል ተደርጎላቸዋል።ቀጠር ደግሞ «የሠማይ ላይ ቤተ-መንግሥት» የተባለ ልዩ አዉሮፕላን ለትራምፕ ሠጥታለች

ፕሬዝደንት ዶናልድ ትራምፕ የአሜሪካ ዓለም አቀፍ የልማት ኤጀንሲ (USAID) የሚሰጠውን የገንዘብ ድጋፍ እንዲያቆም ያሳለፉት ውሳኔ በደቡብ ኢትዮጵያ በሚገኙ ክልሎች የኤችአይቪ ሥርጭትን ለመቆጣጠር የሚደረጉ ጥረቶችን አደናቅፏል። ውሳኔው የኤችአይቪ መድሐኒት በነጻ የሚቀርብላቸው ሕሙማንን ጭምር ሥጋት ላይ የጣለ ነው።

የጋምቤላ ክልል ፖሊስ ኮሚሽን በበኩሉ አምስት የደቡብ ሱዳን ስደተኞች ባልታወቁ ሰዎች መገደላቸውን አስታውቋል፡፡የክልሉ ፖሊስ ኮሚሽን ኮሚሽነር ኡጉላ ኡጁሉ በኢታንግ ልዩ ወረዳ ውስጥ ሞተዉ የተገኙ ስደተኞችን ጉዳይ ምርመራ እየተደረገ እንደሚገኝ ገልጸው የድርጊቱ ፈጻሚዎችን በመለየት ለህግ ለማቅረብ ከፌደራል ተቋማት በጋራ ጉዳዩ እየተጣራ ነው ብሏል

የትራምፕ አስተዳደር ይፋ ባደረገዉ ፕሮግራም አማካኝነት አሜሪካ ዉስጥ የጥገኝነት መብት የተሰጣቸው ነጭ ደቡብ አፍሪቃውያን የመጀመሪያ ቡድን ደቡብ አፍሪቃን መልቀቁ ተሰማ። የደቡብ አፍሪቃ የትራንስፖርት ክፍል ቃል አቀባይን ጠቅሶ አሶሽየትድ ፕሬስ እንደዘገበዉ፤ 49 የደቡብ አፍሪቃ መንገደኞች የይለፍ ፈቃድ ተሰቷቸዉ እሁድ ምሽት ተሳፍረዋል።