ቻዴማ የተባለው የታንዛኒያ ዋና ተቃዋሚ ፓርቲ መሪ ቱንዱ ሊሱ ባለፈው ወር ባደረጉት ንግግር ፤ ታንዛኒያውያን እንዲያምፁ እና የአገሪቱን ፕሬዚዳንታዊ እና የፓርላማ ምርጫ እንዲረብሹ አድርገዋል ተብለው በቁጥጥር ስር ውለዋል። ቲንዱ የተከሰሱት በሀገር መክዳት ሲሆን፤የሞት ቅጣት ይጠብቃቸዋል ተብሏል።

የአሜሪካ ዓለም አቀፍ የልማት ኤጀንሲ (USAID) የሚያደርገው ድጋፍ ከቆመ በኋላ በአፋር ክልል የሰብአዊ ርዳታ ጉዳይ ሥጋት ፈጥሯል። ለሰብአዊ ርዳታ ፈላጊዎች “ከዩኤኤይድ ብዙ ድጋፍ ይገኝ” የነበረ ቢሆንም መቀዛቀዙን የክልሉ ባለሥልጣን ለዶቸ ቨለ ተናግረዋል። ተቋሙ ለግብረ-ሰናይ ድርጅቶች የሚሰጠው ድጎማ መቆም የሠራተኞች ስንብት አስከትሏል።

በኦሮሚያ ክልል አሙሩ ወረዳ ልጆቻቸው ከታጣቂዎች የተቀላቀሉ ነዋሪዎች ቤቶች መቃጠላቸውን እማኞች ተናገሩ። ዶይቼ ቬለ ያነጋገራቸው እንደሚሉት በወታደራዊ የጦር ሠፈር የታሠሩ፤ ድብደባ የተፈጸመባቸው ሰዎች አሉ። የኢትዮጵያ ሰብአዊ መብቶች ኮሚሽን ቅሬታዎቹ እንደደረሱት ቢያረጋግጥም በአካባቢው የጸጥታ ሁኔታ ምክንያት ምርመራ እንዳላከናወነ ገልጿል።

የጤና ባለሙያዎችን የማህበራዊ ንቅናቄ ዘመቻ በመደገፍ በአማራ ክልል የተለያዩ የጤና ተቋማት ሠላማዊ ሰልፎች ተካሂደዋል፡፡ ባለሙያዎቹ ጥያቄዎቻቸው ምላሽ ካላገኙ ከነገ ጀምሮ የሥራ ማቆም አድማ እንደሚያደርጉ ከአንድ ወር በፊት አስጠንቅቀዋል። የጤና ሚኒስቴር ለባለሙያዎች ጥያቄዎች እውቅና እንድሚሰጥና በእቅድ ምላሸ እንደሚሰጥ ቀደም ሲል አሳውቋል፡፡

ምያንማር ውስጥ ለዘጠኝ ወራት "በአስቸጋሪ ሁኔታ ውስጥ" የቆዩ 82 ኢትዮጵያውያን ዛሬ አርብ ግንቦት 1 ቀን 2017 ዓ.ም ወደ አዲስ አበባ ተመለሱ። ከአንድ ሺህ በላይ ኢትዮጵያዊያን መካከል 41ዱ ከሁለት ቀናት በፊት ወደ ሀገራቸው መመለሳቸውንም ቤተሰቦቻቸውና ከተመለሱት መካከል አንዱ ለዶቼ ቬለ ተናግረዋል።

ከኢትዮጵያ ሠራተኞች ዋና ዋና ችግሮች መካከል አሳሳቢው የሠራተኞች የኑሮ ሁኔታ፣ ዝቅተኛ የደሞዝ ወለል አለመወሰን የገቢ ግብር ማሻሻያ ተግባራዊ አለመሆን እንደሚገኙበት የሠራተኞች ማኅበራት መሪዎች የአባላቶቻቸው የመብት ጥያቄ እንዲከበር ሲጠይቁ ከስራ መባረር ፣ራቅ ወዳለ ቦታ እንዲዘዋወሩ ማድረግም ይጠቀሳሉ ብለዋል።

በኢትዮጵያ በጤና ባለሙያዎች የሚነሳው የተመጣጣኝ ደመወዝ ጥያቄ የበርካቶችን ትኩረት እንደሳበ ዘልቋል፡፡ በዘርፍ በመመረቅ ለተወሰነ ጊዜ ኢትዮጵያ ውስጥ በሙያው በመስራት የተሻለ ክፍያ ፍለጋ ወደ ሌላ አገር ተሰዳ እስከመስራት መድረሷን የምትገልጸው የህክምና ባለሞያ ወቅታዊውን የባለሞያዎቹን ዘመቻ ተገቢ ስትል አስተያየቷን ሰጥታለች፡፡

አሜሪካዊው አዲሱ የካቶሊካዊት ቤተክርስቲያን ሊቀ ጳጳስ ሊዮ 14ተኛ የአሜሪካ መንግስት በስደተኞች ላይ የያዘውን አቋም እንዲቀይር እንዲሁም የእርዳታ ስራዎችን ያስተጓጎለዉ ውሳኔውን መልሶ እንዲያጤን በትኩረት ይሰራሉ ብለው እንደሚጠብቁ የመቐለ ልደታ ማርያም ካቶሊካዊት ቤተክርስቲያን ቆሞስ አባ ጥዑም በርሃ ገለፁ።

ለአዲሱ የሮማ ካቶሊካዊት ቤተ-ክርስቲያን ርዕሰ-ሊቃነ ጳጳሳት ሊዮ 14ኛ ከዓለም መንግሥታትና የመንግሥታት ተጠሪዎች እንዲሁም ከእምነቱ ተከታዮች የሚደርሰዉ የደስታ መግለጫ መልክት እንደቀጠለ ነዉ። ርዕሰ-ሊቃነ ጳጳሳቱ ከምርጫዉ በኋላ “ያለ ፍርኃት፣ በአንድነት ከእግዚአብሔርና እርስ በርሳችን እጅ ለእጅ በመያያዝ እንራመድ” ሲሉ ጥሪ አስተላልፈዋል።

በህፃናት ልጆች ላይ የሚፈጸም ወሲባዊ ጥቃት የዓለም አቀፍ ችግር ነው። አንድ ጥናት እንደሚጠቁመው በዓለም ላይ እድሜያቸው ለአካለ መጠን ያልደረሱ፤ ከሰባት ወንዶች አንዱ ፣ ከሴቶች ደግሞ ከአምስት ሴቶች አንዷ የወሲባዊ ጥቃት ሰለባ ይሆናሉ።