አሜሪካዊው ካርዲናል ሮበርት ፕሪቮስት በዓለም ዙሪያ 1.4 ቢሊዮን አማኞች ያሏት የሮማ ካቶሊካዊት ቤተ-ክርስቲያን ርዕሰ-ሊቃነ ጳጳሳት ሆነው ተመረጡ። የ69 ዓመቱ ሮበርት ፕሬቮስት ለርዕሰ-ሊቃነ ጳጳሳትነታቸው ሊዎ 14ኛ የሚለውን ሥም ወስደዋል። ከቅዱስ ጴጥሮስ ባሲሊካ የመጀመሪያ መልዕክታቸው “ሰላም ከእናንተ ጋር ይሁን” የሚል ነበር።

በአማራ ክልል ከሰሜኑ ጦርነት ጀምሮ በተለያዩ የክልሉ አካባቢዎች ትምህርት ቤቶች ከስራ ውጪ በመሆን በተማሪዎች የመማር ሂደት ላይ አሉታዊ ተፅዕኖ ሲፈጠር ቆይቷል፡፡ ካለፉት ሁለት ዓመታት ወዲህ በአማራ ክልል በተፈጠረው ጦርነት ምክንያት ደግሞ በድጋሜ በተማሪዎችና በትምህርት ቤቶች ላይ ጫናው መቀጠሉን መርጃዎች ያሳያሉ፡፡

«በተለያዩ ዝግጅቶች ላይ ንግግር እንዳደርግ ስጋበዝ በ 19 ኛዉ መቶ ክፍለዘመን ኢትዮጵያ ለጀርመን እርዳታ ሰጭ የነበረችበት ጊዜ እንደነበር ታዉቁ ነበር ወይ እያልኩ እቀልዳለሁ፤ እጠይቃለሁ። ይህ የሆነዉ ሁለተኛዉ የዓለም ጦርነት ከተጠናቀቀ በኋላ ነዉ። ስለዚህ እኛ ኢትዮጵያዉያኖች በዚህ ሁኔታችን መኩራት ይገባናል።» ልዑል አስፋ ወሰን አስራተ

ዘገቦች እንደሚጠቁሙት USID እንደ ግሪጎሪያኑ አቆጣጠር ከ2020 ወዲሕ ብቻ ለኢትዮጵያ የ3.6 ቢሊዮን ዶላር ሰብአዊ ርዳታ ሰጥቷል።በግጭትና በተፈጥሮ አደጋዎች ለተጎዱ ሰዎችና ተቋማት መርጃ በ2022 (እጎአ)ብቻ ለኢትዮጵያ የሰጠዉ ድጋፍ ከ1.9 ቢሊዮን ዶላር ይበልጣል-እንደ ዘገቦቹ

ፈረንሳይ የሁለተኛው የዓለም ጦርነት የተጠናቀቀበትን የውሮጳ የድል ቀን ዛሬ አስባ ዋለች። ከምርጫ በኋላ በመጀመሪያው የአውሮጳ ጉዟቸው ትናንት ረቡዕ ወደ ፓሪስ ያቀኑት የጀርመኑ መራሔ መንግስት ፍሬድሪክ ሜርስ አውሮጳ ትልቅ ስጋት እንደተደቀነባት ተናግረዋል።

የሰላም ሚኒስትር ዴኤታ እና የኦሮሚያ ምክር ቤት አባል የነበሩ አቶ ታዬ ደንደዓ በማዕከላዊ ኮሚቴ አባልነት ስያገለግሉ የነበረውን ገዢውን የብልጽግና ፓርቲ ለኢትዮጵያ ብሔራዊ ምርጫ ቦርድ ከሰሱ፡፡ አቶ ታዬ ለቦርዱ ያስገቡት ደብዳቤ ፓርቲው በቅርቡ ያካሄደውን ሁለተኛው ጠቅላላ ጉባኤ ላይ የህጋዊነት ጥያቄ በማንሳት እልባቱን የሚጠይቅ ነው፡፡

በአማራ ክልል ለአሥር ወራት ተደንግጎ የቆየው የአስቸኳይ ጊዜ አዋጅ ግንቦት 2016 ዓ.ም ያበቃ ቢሆንም የዘፈቀደ እሥር መቀጠሉን ኢሰመኮ አስታወቀ። የአፍሪካ ሰብአዊ እና ሰዎች መብቶች ኮሚሽን ጉባኤ ላይ አጭር ማብራሪያ የሰጡት የኮሚሽኑ የሲቪል ፖለቲካ እና ማህበራዊ ኢኮኖሚያዊ መብቶች ኮሚሽነር ዶክተር አብዲ ጅብሪል ናቸው።

የአውሮጳ ሻምፕዮንስ ሊግ የግማሽ ፍጻሜ የመልስ ጨዋታ ከጥቂት ሰዓታት በኋላ ፓሪስ ውስጥ ይካሄዳል። ትናንት በነበረው ተመሳሳይ የግማሽ ፍጻሜ የመልስ ጨዋታ የጣሊያኑ ኢንተር ሚላን የስፔኑ ባርሴሎናን አራት ለሦስት አሸንፎ ለፍፃሜ በቅቷል። የዛሬው ግጥሚያ አሸናፊ ከኢንተር ሚላን ጋር ለዋንጫ ይጫወታል።

የትናንቱ የሀኪሞቹ የማህበራዊ ሚዲያ እንቅስቃሴ ለአንድ ወር የተቀመጠው የማስጠንቀቂያ ጊዜ የመጨረሻ ምዕራፍ መሆኑን አስረድተው አስተያየታቸውን የሰጡን አንድ እንቅስቃሴውን የሚመሩት ሀኪም፣በሚቀጥሉት7 ቀናት የጤና ባለሙያዎች ተገቢ ያሉትን ምላሽ ከሚመለከተው አካል ካላገኙ በማህበራዊ ሚዲያ እንዳስቀመጡት የስራ አድማ ሊመቱ እንደሚችሉ አስጠንቅቀዋል፡፡

በጎርጎሪያኑ 2016 ዓ/ም የአፍሪቃ ህብረት፤የአህጉሪቱን የህዋ ሳይንስ ፖሊሲ እና ስትራቴጂ የነደፈ ቢሆንም፤እንደ ሌሎቹ አህጉሮች የህዋ ሳይንስ ኤጀንሲ በአፍሪቃ ደረጃ ለማቋቋም ግን ሳይችል ቆይቷል። በቅርቡ ግን ለበርካታ አመታት ሲደረግ የነበረው ጥረት ሰምሮ፤ በግብፅ ዋና ከተማ ካይሮ የአፍሪቃ የህዋ ኤጀንሲ በይፋ ተመርቋል።