በአሳሳች የሥራ ዕድል ተታለው ወደ ምያንማር የሄዱ ኢትዮጵያውያን ዛሬም ከችግር ሊወጡ እንዳልቻሉ ተገለፀ። የተሻለ የሥራ ዕድል ታገኛላችሁ በሚል በተለያየ ጊዜ የተጓዙ ወጣቶች ያለምንም ደሞዝ በቀን ከ 18 ሰዓታት በላይ እንዲሠሩ እየተገደዱ «የከፋ ሁኔታ ውስጥ» መሆናቸውን ቤተሰቦቻቸው ደጋግመው ተናግረዋል።

በውጪ ምንዛሪ አስተዳደር ረገድ በህብረተሰቡ፣ በንግዱ ማህበረሰብ እና በባንኮች ዘንድ አልፎ አልፎ የሚታዩ ብዥታዎች መኖራቸውን ተገንዝበያለሁ ያለው የኢትዮጵያ ብሔራዊ ባንክ ብዥታውን የማስተካከል ስራ ወቅታዊ ሆኖ ማግኘቱን የኢትዮጵያ ብሔራዊ ባንክ በሳምንቱ መጀመሪያ ላይ አስታውቋል።

መረጃዎች እንደሚጠቁሙት በሺህዎች የሚቆጠሩ ኢትዮጵያውያን በሞያሌ በኩል ወደ ኬንያ በመሻገር ወደ ደቡብ አፍሪካ ይሰደዳሉ። የተሳካላቸው ደቡብ አፍሪካ ቢደርሱም በርካቶች በሚያቋርጧቸው አገሮች ለከፍተኛ መከራ ይጋለጣሉ።

ኢትዮጵያ ውስጥ በአንድ ዓመት ጊዜ ውስጥ ብቻ 43 ጋዜጠኞች ተይዘው ለእሥር እና ለአፈና መዳረጋቸውን በጋዜጠኞች ደኅንነት ላይ የሚሠራው የኢንተርናሽናል ሚዲያ ሳፖርት (IMS) ጥናት አመለከተ ። ኢትዮጵያ ውስጥ የቀጠሉ ግጭቶች ጋዜጠኞችን ከመንግሥትም፣ ከታጣቂዎችም ለሚቃጣ እሥር፣ እገታ፣ ማስፈራራት፣ ማዋከብ እና ጥቃት ተጋላጭ አድርጋቸዋል ብሏል ።

ሶማሊያ በበርበራ የሚገኝ አየር ማረፊያና ወደብ አሜሪካ እንድትቆጣጠር አቀረበች የተባለውን ጥያቄ ሶማሊላንድ ተቃውማለች። ፕሬዝደት ሐሰን ሼክ ማሕሙድ ለዶናልድ ትራፕም በጻፉት ደብዳቤ አሜሪካ የሶማሊያን አየር ማረፈያና ወደብ ብትቆጣጠር ሌሎች ዓለም አቀፍ ተዋንያን የሚኖራቸውን ተጽዕኖ ለመቋቋም እንደሚጠቅማት ለማግባባት መሞከራቸውን ሬውተርስ ዘግቧል።

1446ኛው የኢድ አልፈጥር በዓል በድሬደዋ ፣ ሀረር እና ጅግጅጋ ከተሞች በተለያዩ ኃይማኖታዊ ስነስርዓቶች ተከብሯል። በበዓሉ ላይ ለዶይቼ ቬለ አስተያየት የሰጡት የድሬደዋ የኃይማኖት ተቋማት ጉባኤ ሰብሳቢ ሼክ ኢብራሂም ኢማም ሰላም ከሁሉም ነገር በላይ አስፈላጊ መሆኑን በማንሳት ሁሉም የበኩሉን እንዲወጣ ጥሪ አቅርበዋል።

እንግዳችን የስልሳዎቹ የኢትዮጵያ የለውጥ አቀንቃኝ ወጣቶች አንዱ ነበሩ። ከወጣትነት የትግል ንቅናቄ በረሃ ወርደው ለዓመታት በትጥቅ ሲታገሉ ቆይተዋል። ከ30 ዓመታት በላይ በስደት ቆይተው ከስድስት ዓመታት ወዲህ ወደ ሀገር ቤት ተመልሰው የመንግሥት ባለሥልጣን ሆነዋ።

ሁለቱ ወገኖች በጥቁር ባህር ላይ የሚያደርጉትን ውጊያ ሊያቆሙና በመሰረት ለማቶችና ኢኒርጂ ተቋሞች ላይ የሚፈጽሟቸውን ጥቃቶች ሊገቱ መስማማታቸውን የመግለጫ አረጋግጧል።ስምምነቱ እንዴትና በምን ሁኔታ ተግባራዊ ለሆን እንደሚችል ገና በዝርዝር አተገለጸም። ግን ለዘላቂ ስላም መነሻ ሊሆን የሚችል ስምምነት ተደርጎ ሊወሰድ እንደሚችል ተንታኖች ተናግረዋል።

ፋይዳ የሚል ስያሜ የተሰጠው ይህ ዲጅታል መታወቂያ በተለመደው መንገድ በካርድ መልክ የሚቀርብ ሳይሆን ዲጅታል በሆነ የመለያ ቁጥር ማንነትን ለመለየት የሚያስችል ነው። ይህ ፋይዳ ቁጥር ቴክኖሎጂን በመጠቀም የግል መረጃዎችን አንድ ላይ የያዘ እና እያንዳንዱን ግለሰብ ማንነት የሚለይ ነው።

በሰሜን ኢትዮጵያ ለሁለት ዓመታት ከዘለቀው ጦርነት መትረፋቸውን የገለጹ ስምንት የትግራይ ተወላጆች በ12 የኢትዮጵያ እና ኤርትራ የሲቪል እና ወታደራዊ ባለሥልጣናት ላይ ክስ መሠረቱ።