በኦሮሚያ እና ማዕከላዊ ኢትዮጵያ ክልሎች አዋሳኝ አከባቢ በሚገኘው የምስራቅ ጉራጌ ዞን ሶዶ ወረዳ አይመለል ቀበሌ ከኦሮሚያ ክልል ወደ አከባቢ የተንቀሳቀሱ ሸማቂ ታጣቂዎች በሰው ህይወት እና ንብረት ላይ ጉዳት ማድረሳቸውን የአከባቢው ነዋሪዎች ገለፁ። ደጋግሟል ያሉት ይህ የታጣቂዎቹ ጥቃት መረጋጋት እየነሳቸው በመሆኑ መፍትሄ እንዲያገኝም ጠይቀዋል፡፡

በአማራ ክልል ሰሜን ወሎ ዞን ከፀጥታ ችግር ጋር እና በተፈጥሯዊ በሆነ ድርቅ ምክንያት 1ሚልየን የሚደርሱ ሰዎች አስቸኳይ የምግብ እርዳታ እንደሚያስፈልጋቸዉ የዞኑ አደጋ መከላከልና ምግብ ዋስትና ተጠሪ ጽህፈት ቤት አስታወቀ። በዞኑ በታህሳስ ወር ተከስቶ የነበረዉ የምግብ እጥረት 10ሸህ የሚደርሱ ሰዎችን ለጉዳት ዳርጎ ነበር።

የኦሮሚያ ክልል ጉዳይ ሌሎች ሀገር አቀፍ የፖለቲካ ፓርቲዎችንም ይመለከታል ያሉት የፖለቲካ ድርጅቶች፣ኦነግና ኦፌኮ በኦሮምያ የሽግግር መንግስት እንዲመሰረት የሚያራምዱትን አቋም ነቅፈው ተችተዋል። አካሄዱንም«ፍትሕ አልባ፣ ኢ- ሕገ መንግሥታዊ»ብለውታል። አዲስ አበባን የአንድ ክልል አድርጎ ማሰብ እና መጠየቅ "ከቀን ቅዠት" ተለይቶ አይታይም ብለዋል።

«ዓድዋ የይቻላል መንፈስ አዋጅ ነዉ።» 129ኛው የዓድዋ ድል መታሰብያ አንድነትን ህብረት ብሎም ኢትዮጵያዊነትን በሚያጎላ መልኩ ለንደን ላይ በድምቀት ተከብራል። የካቲት 23 ቀን 2017 ዓ.ም በዉጭ ሃገራት የሚኖሩ ኢትዮጵያዉያን በተለይ አዉሮጳ የሚኖሩ ኢትዮጵያዉያን የዓድዋ ድል የጥቁር ህዝቦች የነጻነት ምልክት መሆኑን ያበሰሩበትም ነበር።

ለዓመታት ለመንግሥት “ርካሽ” ብድር ሲሰጥ የቆየው የኢትዮጵያ ንግድ ባንክ መሠረታዊ የወለድ ምጣኔ ማሻሻያ ተግባራዊ ሲያደርግ ፊቱን ወደ ገበያ ተመን አዙሯል። ንግድ ባንክ ከዚህ ቀደም ከውጪ ምንዛሪ ግኝት ጋር በተያያዘ ቅድሚያ ለሚሰጣቸው ደንበኞቹ የሚያቀርባቸውን ጥቅማ ጥቅሞች በመተው ለወጪ ንግድ በሚያቀርበው ብድር የሚያስከፍለውን ወለድ አሳድጓል።

በትግራይ ክልል ኢኮኖሚያዊ እንቅስቃሴው መዳከሙን ተከትሎ ድህነት፣ ሥራ አጥነት እና የወጣቶች ስደት መበራከቱ ተገለ ። ከጦርነት በኋላ ይጠበቅ የነበረ ዳግመ ግንባታ ይሁን የኢኮኖሚ ማነቃቅያ ሥራዎች በሚጠበቀው ሁኔታ የሉም ሲሉም የኢኮኖሚ ዘርፍ ምሁራን ይገልፃሉ ።

የአዲስ አበባና የሞቃዲሾ መሪዎች የጠባቸዉን መሰረታዊ ምክንያት ሙሉ በሙሉ ማስወገዳቸዉን በይፋ ሳይናገሩ በወር እድሜ ለመወዳደስ፣ መተቃቀፍ መነፋፈቅ መድረሳቸዉ በርግጥ ብዙዎችን ጉድ አጃኢብ ማሰኘቱ አልቀረም።ማስታወቂያ ሚንስትር ዳዉድ አዌስ እንደሚሉት ግን ኢትዮጵያና ሶማሊላንድ የተፈራረሙት የመግባቢያ ሥምምነት ተሰርዟል።

አሜሪካ ተራድዖ ድርጅት (UDAID) ድጋፍ በድንገት መቋረጥ በአብዛኞቹ ሲቪል ማሕበረሰብ ድርጅቶች ሥራ ላይ ብርቱ ጫና ማድረሱ ተነገረ። የኢትዮጵያ ሲቪል ማህበረሰብ ድርጅቶች ም/ቤት እንዳለው በጤና፣ በሰላምና በዴሞክራሲ ባህል ግንባታ ሲሰሩ የነበሩ የድርጅቱ ወኪሎች የፕሮጀክት ስረዛ ስለተደረገባቸው በሁሉም ክልሎች ተጎጂ ሆነዋል።

በስደት ህይወት ለራሱም ሆነ ለሌሎች የስራ እድልን ፈጥሮ ወደ ሌላ የስኬት ምዕራፍ ስለማደግ የሚያማትረው ሙርቴሳ ፈይሶ ዓላማው በዚህም ለማብቃት አለመሆኑን ያስረዳል፡፡

ኢትዮጵያ ውስጥ የጋራ የሚያስተሳስሩ እሴቶች እየተሸረሸሩ መምጣት ለሰብአዊ መብት ጥሰቶች ምክንያት ናቸው ሲሉ የኢትዮጵያ ሰብአዊ መብት ዋና ኮሚሽነር ተናገሩ ። ኮሚሽነር ብርሃኑ አዴሎ፦ መንግሥት ሕገ መንግሥቱን እና የፈረማቸውን ዓለም አቀፍ ድንጋጌዎች ሊያከብር እና ሊያስከብር ይገባል ብለዋል ።